Yelemiya 42:2 - Amazwi Yakwe Leza 2013

² Yamunena yati, “Twapapata, uvwa vino tukulenga. Utupapatileko kuli Yawe Leza wako. Swe antu twali nyanya, lyene tusile sile incepelwa, ndivino nawe kwene ungailolela we mweneco.

Yelemiya 42:2 交叉參考

Yelemiya 36:7

Limwi yangasuka yapapate kuli Yawe yate ni misango yao iipe. Pano kwene Yawe wayapangila wakwe cimwi, ukuyacitila cimwi cikali nupya cipyu cipyu.”

Aina Levi 26:22

Indi nukulenga ivilyanyi vikali kwiza pakasi kinu. Lyene ivilyanyi vivyo vilume ana inu nga vyonone ni viteekwa vinu, nu kumusya impendwa inono sile, cakuti miseo isyale sile.

Yakobo 5:16

Caleka, lyene mwailongwela maifyo inu wenga nu muze, nu kupepelana kuti mupoziwe. Ipepo lya muntu wino akacita vyawololoke lyakwata maka cuze.

Milimo 8:24

Simoni anena Petulo na Yoane ati, “Napapata mumpepele ku Mwene, pakuti cimwi ica mu vintu vino mwavwanga citancitikila.”

Nyimbo zya ndosya 1:1

Iye mwe vino umusumba wa Yelusalemu wazuuka cele. Mumo umwazile antu tupu! Umusumba uno umuntu ali wensi wazungukisyanga, lyene ali uno watiusyala wakwe mukamfwilwa. Umusumba uno wacindamisye pali yonsi, ali uno watiusanguka uwa antu yano yakuomba umulaaza.

Ezaya 37:4

Umwene mukalamba wa ina Asilya walatumile umukalamba wa vita vyakwe apakuti aize atukole Yawe Leza waumi. Umwene Leza wenga ale auvwe intusi zizi pakuti angalyotola antu yaya yano yali yakutukana. Wemo ungala upapatile sile kuli Yawe, antu yako yano yasyalapo apakuti yace yapusuke.”

Ezaya 1:9

Yawe Wamaka yonsi akana ukusya antu yamwi apuma, awe cumi Yelusalemu ngano ononeka ntanzi ntanzi, vivi kwene sile vino cali kuli Sodoma na Gomola.

1 Samueli 12:19

Alino antu yonsi pamwi iyanena Samueli iyati, “Sungala utupepele swe aomvi yako kuli Yawe Leza wako pakuti tutafwa, pasi pano twatitulunda pa maifyo itu yonsi iifyo lii ilya kuilengela umwene.”

1 Samueli 7:8

Alino iyanena Samueli iyati, “Ule utwalilile ukupepa kuli Yawe Leza witu kuti atutuule ku ina Filisti.”

Yelemiya 37:20

We mwene, musambazi wane sungala uuvwe ukupapata kwane, utanswilizya nupya umu ng'anda yakwe kalemba Yonatani, pano limwi ningaya nkafwile mwenemo.”

Yelemiya 37:3

Umwene Zedekiya watuma Yeukali umwana umonsi wakwe Syelemiya na simapepo Zefaniya umwana umonsi wakwe Maaseya kuli Yelemiya ku kumulenga ukuti ayapapatileko kuli Yawe, Leza witu.

1 Yamwene 13:6

Umwene nawe pali pakunena kasema wakwe Leza ati, “Mpapatila kweneko kuli Yawe Leza wako pakuti inje namaka akuwezya ikasa lyane.” Awe kasema wakwe Yawe amupapatila kuli Yawe ni kasa lyakwe liya vino lyali mpiti.

Malango 28:62

Nanti angala mulavula wa ntanda umwiyulu, anono sile alapusuka, pamulandu wakuti mwakana ukuyela Yawe Leza winu.

Kufuma 8:28

Falao nawe avwanga ati, “Namaleka mupite ku lwanga mukapeele impolelwa kuli Yawe, Leza winu, cikulu mutaya kutali. Nani mumpepele.”

Mateo 24:22

Lelo Leza ndi atacefizye manda yalya, kusi nanti umwi angatuulwa. Na pamulandu wa asololwe yakwe, Leza alacefya manda yalya.

Ezekelo 12:16

Lelo ndasyako anono ampendwa yano yalapusuka ku nkondo, ku cipowe nu ku mpungo, apakuti uku nko zyuze kuno yalaya yalamanya ukwipa kuno imicitile yao yaipa. Lyene yazumile ukuti nene indi Yawe.”

Yelemiya 42:20

Namunena nati ndi cakuti mwala mwaluvyanya, ale mwailetelela, mwasumba sile umi winu. Alino nukuya, amwemwe mwantumile kuli Yawe Leza winu kuti inje mupapatile kunoli nu kuti ince munene na consi cino alavwanga, nga nu kuti muce mucicite.

Yelemiya 21:2

“Twapapata mutuzizyeko kuli Yawe, pano lyene Nebukadineza umwene waku Babiloni ni vita vyakwe yakulwisya umusumba uu. Limwi lyene Yawe angatucitila ivizungusyo vimwi ivingapatikizya umwene Nebukadineza kuswilila.”

Ezaya 1:15

Nanti mungakatusya amakasa umupela apakumpepa, nemo lyene ntakusumbanga kweneko amano. Nanti mumpepe uli nemo namapupuzyanga sile, pano iminwe inu ikowele ku uyi.

1 Samueli 12:23

Nemo ne Samueli, cipelele ukutali ukwifya Yawe pa kuposiwa ukupepela mwemwe. Namamusambilizyanga imiyele isuma nupya iyampomvu.

Malango 4:27

Yawe alamusalanganyizizya mu nko zyuze, kuko kuno yanono sile amunomuli yalapusuka.

Kufuma 9:28

Imvula ya mawe nu kupangalansya vyaluta muno. Acino pepini kuli Yawe. Nalaya ukuti namamuta mupite, mutakwikala muno mpanga ya Eguputo nupya.”

Yelemiya 15:11

Yawe, sileka ivitipu vyao vyonsi vimponele ndi cakuti nsikutumikila ningo, nu kupapatila anisi yane umu nsita ino intazi na malanda vyayaponile.

Yelemiya 38:14

Alino lyene umwene Zedekiya atuma akuya aama Yelemiya kuti aize alolekele kunoyali, ku mpongolo yalenga zitatu, ya Ng'anda ikulu yakwe Leza. Alino umwene auzya Yelemiya ati, “Nkukuuzya icintu cimwi, utezya umfise icintu cili consi.”

Yelemiya 40:15

Yoanani umwana wakwe Kaleya ali pakunena Gedaliya umu umfinsolo ku Mizipa ati, “Leka inje nkakome Isumeli umwana wakwe Netaniya, kusi wino alamanya uwatacita cico. Uzye pacani cino wene angakukomela nu kuleka aina Yuda yonsi yano yakolongana kunuli yace yapasike? Icani cino Ayuda yano yasyala penepo yalowelela?”

Oseya 8:10

Nanti angala yene yalemana na antu amu nko zyuze, ndayakolonganya nu kuyonona. Zuwazuwa yene yalondoloka wakwe cimwi apa kuzunyiwa nu utesi wa mwene waku Asilya.

Amosi 7:2

Lino naweni ukuti makanta wilya walya ivimelwa vyonsi vyamu mpanga ilya, imvwanga inti, “We Yawe Simwandalali, si ungala uwelele antu yako! Uzye antu yakwe Yakobo yangaposya uli? Yene anono nupya atembokele.”

Malango 28:63

Wakwe vivi kwene vino Yawe watemilwe ukuti muye nu longo nu kusanda mu mpendwa, ali vino wene alatemwa nu kumonona nu kumupekesa. Alamulovya ukwaula kusyalapo nanti wenga mu mpanga iyo ino mwasya mupoke nu kwikala mwenemo.

Masamu 119:170

Uvwa, kutika ukwi pepo lyane, nupya umpususye ndi muno walavile!

Ezaya 42:20

Wemo walola ivintu ivingi, lelo utasumbako amano. Wakomoka amatwi, lelo usiuvwa foo.”

Yelemiya 2:27

Yano yakanena icimuti iyati, ‘Wewe tata,’ iyanena ni ciliwe iyati, ‘Wewe mayo.’ Apamulandu wakuti yamfutatila, yasilonda nu kundolekesya. Alino lyene umu nsita ya ntazi yene yakampunda iyati, ‘Katuka ututuule!’