Yelemiya 41:2 - Amazwi Yakwe Leza 2013

² Isumeli umwana wakwe Netaniya pamwi na antu yaya ikumi yano yali nawe yakatukila nu kukoma Gedaliya umwana wakwe Aiikamu umwizikulu wakwe Syafani, ku lupanga. Fwandi yakoma umuntu wilya wino umwene waku Babiloni walasike umu mpanga ilya.

Yelemiya 41:2 交叉參考

2 Yamwene 25:25

Lelo walanga wafika umwezi walenga cinimbali, Isumeli umwana umonsi wakwe Netaniya, umwizikulu wakwe Elisyama, uwali uwaku wene, waile uku Mizipa apali ponga na antu ikumi lyonga nu kuya zanza Gedaliya, iyamukoma nga iyakoma na ina Izlaeli pamwi na ina Babiloni yano yali nawe, mpaka afwa.

Yelemiya 40:5

Ndi cakuti usikulonda ukupita, ungaswilila kuli Gedaliya umwana umonsi wakwe Aiikamu, nupya umwizikulu wakwe Syafani, wino umwene waku Babiloni walasika ukwikala pa cilimba ca wene ica kuteeka imisumba yaku Yuda. Mungikala nawe apakasi ka antu nanti uye konsi kuno watemwa.” Umukalamba wakwe yakalinda ya kwisano ali pa kumuteyanyizizya impao ni vya wila vyuze apakuti angatenuka.

Yelemiya 40:7

Akalamba ya vita yano yasalanganile umu mpanga na antu yao lino yuvwa ukuti mwene waku Babiloni watasonta Gedaliya, mwana Aiikamu ukuya mulasi wa mpanga nu kuya umwi uwakulolekesya apa antu yonsi, ya mama, ance na alanda amu mpanga, yano yatasenzilwe uzya uku Babiloni,

Masamu 109:5

Akula nemo nayacitila ivisuma, yene iyambwezezya uyi, ndi nayatemwa, yene iyambwezezya ulupato.

Masamu 41:9

Na yacuza yane kwene, apa mwenzo yano nataila kwene yano twalyanga nayo nu kumwa nayo, yati yansangukila.

2 Samueli 3:27

Lino Abineli wafika umu Hebuloni, Yoabu amusenda pa mbali lwapa mpongolo, kwati akulonda ukulanda nawe umu nkama. Kuku kwene akuno amutota umu lunda. Avino Abineli yamukomile pamulandu wakuti wene wakomile Asaeli umwina wakwe Yoabu.

Yoane 13:18

“Ntakulanda pamulandu wakwe mwemwe mwensi. Manyile yao yano nasolola. Lelo ilembelo lilinzile lifikiliziwe, lino likati, ‘Umuntu wino akulya pamwi nani watankatukila.’

Yelemiya 40:8

yiza kuli Gedaliya uku Mizipa. Isumeli umwana umonsi wakwe Netaniya, Yoanani na Yonatani ana yakwe Kaleya, Selaya mwana Taniumeti, ana yakwe Efai umwina Netofa, nga alino na Yaazaniya mwana umwina Maaka pamwi na antu yao.

Yelemiya 41:3

Isumeli nawe kwene wakomile Ayuda yonsi yano yali pamwi na Gedaliya uku Mizipala nga ni vita vya ina Babiloni vino vyazanyilwe kweneko.

Yelemiya 40:14

Yiiza yamunena yati, ‘Uzye watumanya ukuti Baalisi umwene wa ina Amoni watatuma Isumeli mwana Netaniya ukwiza kukoma? Lelo Gedaliya umwana wakwe Aikani akana ukuzumila.’ ”

Yelemiya 40:16

Alino lyene nawe Gedaliya, umwana wakwe Aiikamu aasuka Yoanani umwana wakwe Keleya ati, “Utezya ucite cico pano ukusombezya sile Isumeli.”