Yelemiya 4:6 - Amazwi Yakwe Leza 2013

⁶ Tumpulini cimanyililo cakulanga ukuya ku Zioni. Simulini muipususye, ukwaula kuzingota! Pano nasya ndete uzanzo ukufuma ku kayeya, nu uononyi uwipe wakwe cimwi.

Yelemiya 4:6 交叉參考

Yelemiya 50:2

“Umini imbila mu mitundu, mwimike ni mendela. Pundini mutafisa umulandu, muvwange muti, ‘Yatiyapoka Babiloni, Beli watalemwa ni nsonyi, Maliduki watatamoka. Utuluwi twakwe twatituzewana. Ivyawinyi vyakwe vyati viongoloka.’

Yelemiya 51:27

“Imikini ulunga mu mpanga yonsi! Lizini intandala apakuti inko zyuvwe! Teyanyini antu amu nko ku kuyalwa inkondo na ina Babiloni! Amini ukufuma ku Alalati, uku Mini, nu ku Asyikenazi yamwene akuyamuwililila. Sontini musika uwakutungulula ulwi uo. Tumini kweneko imfwalasi zivule wa cikundi cakwe makanta.

Yelemiya 51:12

Tumpulini imendela iyakuwisya amalinga yakwe Babiloni. Muvuzye yakalinda, mwike na yakasopa, mufise na akuteyamila. Pasi pano Yawe wapangila aina Babiloni, nupya wayacitila ndi muno wayalaile.

Yelemiya 25:9

indi nu kwama imitundu yaku kayeya, namaama umuomvi wane Nebukadineza umwene waku Babiloni, namaama antu yano yakaikala ku mpanga ilya apakuti yize yamuvwangatile, yavwangatile kumwi ni mitundu ino yamuzinguluka. Namamulovya mwensi pyu pakuti antu yauze ndi yalolekesya yatandika sile kuizakazila pamulandu ni ntete. Ivyalanda Yawe.

Yelemiya 6:22

Yawe wavwanga wati, “Lolini, impuka ya vita ilafuma ku katutu. Uluko lwamaka ukufuma ukutali lukuiteyanya ku kulwa inkondo.

Yelemiya 6:1

Mwe antu yakwe Benjamini, utukini! Mupuuke mu Yelusalemu! Lizini intandala mu Tekoa. Imikini imendela yakusonta ku Beti Hakelemu. Uzanzo nu uononesi vyasya vize ukufuma ku katutu.

Yelemiya 4:21

Uzye ukufika lilaci lino ndalola imendela ya nkondo, nu kuvwa ukulila kwa ntandala?

Ezaya 62:10

Pitini, pitini mu mpongolo! Umilini antu inzila! Lundumalikini umuseo, fumini mwenemo amawe! Tumpwilini imitundu imendela!

Zefaniya 1:10

Yawe wavwanga wati, “Apa wanda ulya muluvwa inkuuta uku Mpongolo ya Nswi iyamu Yelusalemu, muluvwa impoma ikufuma kwi pamba lipya ilya musumba, muluvwa ni ntinti zikalamba ukufuma mu twamba.

Yelemiya 51:54

Yawe wavwanga wati, “Uvwini impooma zino zyafuma ku Babiloni, izikulosya pa lwa kononeka kwa mpanga.

Yelemiya 50:22

Ivyongo vya nkondo vikuvwika mu mpanga, nupya umulimo wa ononyi wa kaluma ncecete!

Yelemiya 21:7

Alino wiyo wensi aalapusuka ku mpungo nu ku lupanga nga nu ku cipowe, wene alalemwa ku mwene Nebukadineza nu ku anisi yao yano yalayakoma. Yene yalakomolwa kunoli ku cilimi ca lupanga lwakwe. Atalasya penepo nanti wenga nupya atalayuvwila uluse foo.”

Yelemiya 18:11

Ali cino wemo pitanga, yanga ukanene aku Yuda na ikazi yonsi amu Yelusalemu ukuti ne Yawe natinjateyanyizizya uyi, natinjapangila na mapange. Acino zenzukini cila wenga uku miyele inu iipe, cila muntu asenule imiyele yakwe iipe ni vicitwa vyakwe iviipe.

Yelemiya 22:7

Ninteyanya aomvi yano yaliza yakulwisye. Cila muntu aliza ni mpasa yakwe. Yaliza yateme imiti yako, imikelide iyololoke nu kuisumbila umu moto.

Zakaliya 6:6

Iceleta lilya ilili ni mfwalasi zitifi, likuya ku lusansa lwaku kayeya ka mpanga ya Babiloni, na lili ilili ni mfwalasi zitiswe lilungime ku mpanga yaku uwondaka, na lino lili ni mfwalasi ziyenzu lilungime ku mpanga yaku ufumondaka, na lino lili ni mfwalasi zya maalamaala lilungime ku mpanga yaku katutu.

Yelemiya 10:22

Uvwini kuno! Malamulo asuma yiza! Icongo cikalamba cuvwika ukufuma ku katutu! Ivita vyakweco vilasangula imisumba yaku Yuda iye ulwanga, iye uwikalo wakwe yankusa.”

Ezekelo 9:1

Nupya ne Ezekelo nuvwile kuno Yawe walaizya wati, “Mwe muno mwasonsilwe uku fulula Yelusalemu, aleni izini kuno, mwize ni vyanzo.”

Ezekelo 9:2

Awe mukwai papo kwene aonsi mutanda yafuma nu ku mpongolo ya panzi, ino yayela lwaku katutu ku mpongolo ya Ng'anda ikulu yakwe Leza, cila wenga ala ali ni canzo. Pali penepo nu monsi wenga uwazwite insalu zisuma izitelepelele, wene ala akweti ni vyakulembelako. Awe yonsi yiza yimilila lusansa lwaku kavuwa ka kutuulilapo aka mukuwa.