Yelemiya 4:22 - Amazwi Yakwe Leza 2013

²² Pano kwene antu yane yatumpa, nupya yatamanya, awe. Yene yakolana na ana aula amano. Yene yatamanyile nanti cimwi. Yacenjela sile umu kucita iviipe. Yakaposiwa ukucita ivisuma.”

Yelemiya 4:22 交叉參考

1 Kolinto 14:20

Mwe inane, mute kwelenganya wa ance. Mu viipe muye akaele wa tunya. Lelo mukwelenganya muye wa antu aikolo.

Loma 16:19

Antu yonsi yuvwa vino mwaya acumi kwi Landwe Lisuma nga pamulandu kwene uu, nemo ndi nu luzango pali mwemwe. Nkulonda muye a mano pali cino icili cisuma, lelo muye akaele mutakumako ku viipe.

Yelemiya 5:21

sumbiniko amano, mwe antu atumpe nupya aulwa amano, mwemuno mwakwata amanso, lelo musilola nupya mwakwata amatwi, lelo mwemo musiuvwa.

Loma 3:11

Kusi umuntu nanti wenga akauvwikisya, nanti akalonda Leza.

Oseya 4:6

Antu yane yakononeka pamulandu wakuntamanya nene. Mwe yasimapepo mwakana ukusambilila vyapali nene, acino nani kwene ndakana ana inu yataya yasimapepo.

Loma 1:22

Yakaitaka kuya antu yamano, lelo yene iviwelewele.

Oseya 5:4

Imilimo yao iipe isiyazumilizya ukuwelela kuli Leza wao, pano yakweti imyenzo yakuntataila, nupya yasizumila vyapali Yawe.

Yoane 16:3

Antu yalacita vintu vii kunomuli pano yatamanya Tata, nanti anene.

Mika 2:1

Kalanda ku antu akapanga ukucita inkota, na kuli yao yano usiku onsi yakaelenganya ukucita iviipe. Lino yazyuka akatondo iyatandika ukucita iviipe, pano ala yakweti amaka.

Malango 32:28

“Izlaeli uluko ulusielenganya ningo. Yene yatakwata amano nanti panono.

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

Yelemiya 13:23

Uzye umwina Kusyi angasenula inkanda yakwe? Nanti uzye inangu ingasenula amaala yakweyo? Ndi cingaya vivyo ale lyene namwe kwene mwemuno mwikalila ukucita vya winyi mungata ukucita iviipe mutandike nu kucita visuma.

Ezaya 27:11

Akula insaala zyuma nu kukozoka, yamangu yiza yazyoca. Pano umutundu uu utaya na mano. Ali cino na Leza, kaumba wauko atalayaela uluse. Kaumba wao atalayuvwila amizu foo.

Yelemiya 10:8

Yonsi pano yapela atumpe nupya imbulisi. Uzye yangasambilila cani ku tuluwi twa mbao?

Ezaya 1:3

Ing'ombe zyamanya uwaziteeka, ni mfwalasi zyamanya umulangu muno umutesi waziko akazilisizya. Lelo aina Izlaeli yene yatamanya, antu yane yasitezya nanti kamwi awe.”

Yelemiya 5:4

Lyene nani nelenganya inti, ‘Antu yaa apina sile. Yene awelewele. Pano yatamanyile vino Leza akalonda, na vino wene akasi kuti yacita.

Luka 16:8

“Lyene mwene alumbanya kangalila uwali incenjezi pamulandu wakucenjela kwakwe, pano antu alondela vyamu nsi ii, amisango ili yonga, yacenjela kuluta antu yano yakapita mu luswepo lwakwe Leza.”

Oseya 4:1

Mwe ina Izlaeli, uvwini amazwi yakwe Yawe, pamulandu wakuti wene akumupeela umulandu, mwe antu mwemuno mwikala umu mpanga ii. Wene akumupeela umulandu wakuti, mu mpanga ii musi ucumi nanti ukutemwa, nga na antu yatazumila ukuti nene indi Leza.

Malango 32:6

Uzye icumi ali vino mungacita kuli Yawe, mwe viwelewele vya antu, mwe mbutuma mwe? Ala wene ali so, uwa muumvile, uwamucisile ukuya uluko.

2 Samueli 13:3

Lelo Amunoni wakweti cuza umwi umucenjele sana, izina lyakwe wali a Yonadabu, umwana wakwe Syimea umwina wakwe Davidi.

Masamu 36:3

Ivilandwa vyakwe vyonsi iviipe nupya ivyaufi, icakuti atange ailuke nanti ukwiluka.

Masamu 53:4

Leza akuuzya akuti, “Uzye yonsi akacita iviipe, umulandu wakuntamanya acino yakaifizya? Yene yikalila sile ukwiyila antu yane nu kumpepa yasimpepa foo.”

Masamu 82:5

Yene imbutuma nupya atumpe! Imiyele yao itazifile nanti panono, nu ulungami cili kwati watiufuma muno nsi.

Yelemiya 2:8

Yasimapepo nayo yakanyile ukuuzya yati, ‘Uzye Yawe ali kwi?’ Yakapingula nayo yatamanyile nene, intunguluzi nazyo zyansangukile. Yakasema nayo yasemile mwi zina lyakwe Baali. Nga yalondela utuluwi utwasilesile.

Yelemiya 4:21

Uzye ukufika lilaci lino ndalola imendela ya nkondo, nu kuvwa ukulila kwa ntandala?

Yelemiya 9:3

Lyonsi sile yene yatemwa ukusomba vyaufi. Yene intumpu azino zyateeka insi. Yawe wavwanga wati, “Antu yane yakomela sile ukucita ivintu viipe, nupya yakana nu kumanya.

Ezekelo 16:30

Yawe Simwandalali wati, “Kalanda we! Vino umwenzo wako watovoka, imicitile yako ikoline nu mwanaci cizelele umukamuke!

Amosi 3:10

“Yene yatamanya ukucita vyaololoke yayo akazuuzya ivisampwe vino yapokolola mu kwiya.” Avino Yawe wavwanga.

Utandiko 39:16

Lyene umuci wakwe Potifa asunga ikoti kufika lino umusambazi wakwe Yosefu wawezile.

Masamu 36:4

Lino aizi pa musanzi wakwe, ala akwelenganya sile inzila zya lufyengo zitupu. Imisango yakwe isi yampomvu. Wene asifuntuka ku uyi nanti lyonga.

Mapinda 28:5

Antu akaifya yasitezya ivya ulungami. Lelo yayo akaopa Yawe alio yakatezya vyonsi.

Yelemiya 9:2

Lelo kwene ningatemwisya ukuzanako incende imwi umu lwanga, ukwakuti ningaya apakuti mfuntuke ku antu yane, Pano yonsi sile yatalama, nupya yene iuvi lyakwe yacisanguka.

Yelemiya 9:5

Yonsi yakatumpwilana sile na auze. Kutaya nanti wenga akalanda vyampomvu, lelo yaelezya sile kulanda vyantumpu. Yene yaipisya cakuti cayaposya nu kuzenzuka.

Mika 7:3

Yene a yafundi apakucita iviipe. Intunguluzi zikalenga amawila, na yakapingula nayo yakalonda amafukakanwa. Antu yamaka nayo yanena antu iviipe vino yakasi. Avili vino yene yakaumana akapi.