Yelemiya 39:8 - Amazwi Yakwe Leza 2013

⁸ Aina Babiloni yoca isano lya mwene kumwi na mang'anda ya antu, nga yawisya na malinga ya musumba wa Yelusalemu.

Yelemiya 39:8 交叉參考

Neemiya 1:3

Nayo yangasuka iyati, “Antu yayo asile pasi pakucula alino ni nsonyi. Iciumba icazinguluka Yelusalemu cawa nu kononeka, alino ni mpongolo zyakweo nazyo zyapya zyonsi pyu!”

Yelemiya 38:18

Lelo ndi cakuti utafumile nu kuyacimbila ivita vya mwene waku Babiloni, ale lyene umusumba uu umapeelwa mu makasa ya ina Babiloni. Yene yamaoca nga nawe kwene utalapusuka uku makasa yao.’”

Yelemiya 21:10

Pano natinsumba amanso yane apa musumba uu apa kuuletela isyamo, asi syuko foo. Wene ulapelwa mu makasa ya mwene waku Babiloni, nawe alaoca uku moto. Ivyalanda Yawe.”

Mika 3:12

Caleka pamulandu winu, Zioni alalimolwa wa calo, Yelusalemu alaya citalang'anda, nu mwamba apa kuulwa Ng'anda ikulu yakwe Yawe ulaya umutengo.

Amosi 2:5

Acino nemo ndaponyezya umoto mu Yuda, apakuti uce woce nu konona amalinga aku Yelusalemu.”

Nyimbo zya ndosya 2:7

Umwene watakana kavuwa kakwe nga watafumya amano ku Ng'anda yakwe ikulu iyamuzilo. Watapela ivikulwa vya masano yakwe umu makasa ya anisi kuti yaviongolole. Lyene umu ng'anda yakwe kwene iya mapepo ali muno anisi yakufyuntwila amazya yakuzevya ucimvyo.

Nyimbo zya ndosya 2:2

Ukwaula nu kuvwa uluse, Yawe wataonona imisumba yonsi yamu mpanga yakwe Yakobo. Cipyu cipyu, wene wataonona amalinga yano yacingililanga impanga. Watalenga nu kuti uteko uzewane kumwi na yakateeka yamwenemo.

Nyimbo zya ndosya 1:10

Anisi yatiyamupoka ivyuma vyonsi. Wene watailolela nakuno ainamasi yakwingila umu Ng'anda ikulu yakwe Leza, yao yano we Yawe wainda ukwingila muno antu yako yakakongana.

Yelemiya 37:10

Nanti mungakomola ivita vya ina Babiloni, ivikumulilizya, suka kwasyala sile impondo zitupu tupu, zizyo kwene zingakatuka nupya nu kwiza oca umusumba uu.”

Yelemiya 34:22

Yawe wavwanga wati, “Namapeela ilamulo lya kuyawezezya uku musumba uu, yaulwisye yaupoke nu kuoca. Namasangula ni misumba yakwe Yuda ukuya ulwanga, umutange mwikale umulawa.”

Yelemiya 34:2

“Yawe Leza wa ina Izlaeli wavwanga wati! Pitanga ukanene Zedekiya umwene wa ina Yuda ukuti Yawe wavwanga ukuti wasya apeele umusumba uu umu makasa ya mwene waku Babiloni, wiyo wino alawooca mpaka uce ulokotele na pansi.

Yelemiya 17:27

Lelo ndi cakuti mwala mwakana kunjela, ukuwaka wanda wi Sabata nu muzilo, nu kukana ingila pa mpongolo zyakwe Yelusalemu ni civiya apa wanda wi Sabata, lyene mulaleka noce impongolo zizyo uku moto uno ulamalila amang'anda acindame amu Yelusalemu ukwaula kuti uzime.”

Yelemiya 7:20

Ali cino Yawe Simwandalali akuti, “Ukali wane ni cipyu cane vilaponela apa ncende ii. Vilaponela umuntu ni nyama kwene, imiti ya mpanga ni viseekwa kwene. Ukali wane ulaya wa moto uno kusi nanti wenga angauzimya.”

Ezaya 5:9

Ali cino lyene Yawe Wamaka yonsi wasuka walapa, ala nkuyuvwila na matwi yane ati, “Amang'anda avule yalononeka. Yalaya amatongwa.

2 Milandu 36:19

Alino aoca ni Ng'anda ikulu yakwe Leza nu kuwisya ilinga lya musumba wa Yelusalemu kumwi na masano kwene nu konona ivintu vyamutengo ivyali mwenemo.

2 Yamwene 25:8

Uwanda walenga cinimbali uwa mwezi walenga cisano, uwa mwaka walenga ikumi na fundimbali, uwa kuteeka kwakwe Nebukadineza umwene waku Babiloni, Nebuzaladani musika mukulu uwa vita vyakwe umwi uwali a mpandamano wakwe, aingila umu Yelusalemu.

Masamu 79:7

na yano yakafyekola antu itu, nu konona impanga itu.

Yelemiya 32:29

Nupya aina Babiloni, yano yakulwisya umusumba uu, yamaiza yawoce kumwi na mang'anda, yano yocelanga Baali ubani apa mapaala yao pakunsosya umwenzo, alino na pakutuulila tuleza tuze ivya wila ivili wa vyakumwa.

Ezekelo 16:41

Yaloca amang'anda yako nu kukupezya apa manso yi umba lyakwe yamangu. Ala mwine, ali lino ndaputula umunyanya wakwe ucizelele wako. Utalatala nupya ukalipile yacizelele yako aonsi.

Ezekelo 23:47

Lekini iumba lilyo lya antu lize liyatamole na amawe nu kuyakomola ku lupanga. Yakome na ana yao aonsi na anaci yoce na mang'anda yao.

Ezekelo 33:21

Mu mwaka walenga ikumi na iili, pa wanda walenga yasano uwa mwezi walenga ikumi, ala tucili mu uzya, umuntu umwi uwapusumwike mu Yelusalemu, wizile anena ne Ezekelo ukuti yatiyapoka umusumba.

Yelemiya 5:10

Yangini musalale mu vyalo vyao vya matingi, Vyononini lelo mutavimalila. Putulini insaala pano zisi zyakwe Yawe.