Yelemiya 39:6 - Amazwi Yakwe Leza 2013

⁶ Kuku kwene ku Libula umwene waku Babiloni akoma ana aonsi yakwe Zedekiya apa manso yakwe Zedekiya kwene nga akoma na asambazi yonsi amu Yuda.

Yelemiya 39:6 交叉參考

Yelemiya 52:10

Ku Libula Nebukadineza akoma ana aonsi yakwe Zedekiya apa manso yakwe Zedekiya. Alino akoma na ana yakwe yacilolo amu Yuda yonsi pyu.

Yelemiya 21:7

Alino wiyo wensi aalapusuka ku mpungo nu ku lupanga nga nu ku cipowe, wene alalemwa ku mwene Nebukadineza nu ku anisi yao yano yalayakoma. Yene yalakomolwa kunoli ku cilimi ca lupanga lwakwe. Atalasya penepo nanti wenga nupya atalayuvwila uluse foo.”

2 Yamwene 25:7

Alino Nebukadineza akoma ana aonsi yakwe Zedekiya apa manso yakwe Zedekiya. Alino Nebukadineza atonkola Zedekiya amanso, amunyepa mu minyololo, nga amusenda uku Babiloni.

Malango 28:34

Ucuzi winu ulamulenga ukuvulungana.

Ezaya 13:16

Yalalyatola yao ale yakulola ntontonto. Yalasampa ivyuma mu mang'anda, nu kuyembuka na aci yao umu kuyapatikizya.

Esita 8:6

Pasi pano nemo ningaposiwa ukuposya apakulola kuno yakukomola antu yane kumwi na akazi kane.”

2 Milandu 34:28

Ali cino wemo utalakuma ku ucuzi uno ndaponyezya Yelusalemu. Ndaleka ukafwe imfwa iyalongo.’ ” Antu nayo fwandi ali vino yawelulwike uku mwene Yosiya yaya yamulandila na mazwi kwene yaa.

2 Yamwene 22:20

Ukuvunukwa kwa aikazi amu Yelusalemu kutalacitika lino ucili nu umi. Ntalazumilizya iviipe kuti vicitike kunuli mpaka lino ulafwa.” Alino antu yaya iyaswilila ku mwene Yosiya nga yamunena amazwi yaa.

Utandiko 44:34

Ntangaswilila ku muzi kuli tata ndi insi nu mulumendo. Ntangatemwa kulola tata mu ulanda lino ungamucitikila.”

Utandiko 21:16

Nawe aya aikala katalamukila manye amamita ikumi, aivwanzya ati, “Ntangenalola kuno umwana wane akufwa.” Lyene lino acili atenzi papa, atandika ukulila.

Ezaya 34:12

Mutalaya umwene wakuteeka impanga ilya nanti ukupeela utunguluzi, pano intunguluzi zyao zilalowa pyu.

Yelemiya 20:4

Yawe umwisikulu watavwanga ati, ‘Wemo Pasyuli namakucita ingofyo kuli wemwisikulu na kuli yacuza yako kwene. Nu kuilolela ulailolela wemwisikulu kuno anisi yako yalakomola yacuza yako ku lupanga. Namaleka umwene waku Babiloni awino ateke antu yako amu mpanga ya Yuda. Yamwi alayasenda mu uzya uku Babiloni, nga yamwi nayo alayakoma.

Yelemiya 34:3

Mutalapuka foo, Mulalemwa nu kupelwa umu makasa yakwe. Mulasimpana amanso ntontonto nu kulandana nawe alino muce musendwe nu ku Babiloni.

Yelemiya 38:23

“Anaci yonsi, na ana yako yonsi yalasendwa ku ina Babiloni. Nawe kwene utalapusuka ku makasa yao. Yalakulema yakusende ku uzya ku mwene waku Babiloni. Yaloca nu musumba uu ku moto.”

Ezekelo 23:24

Yalakwizila ukufuma ku kayeya, yalaya na maceleta ni vyakusendelamo iviya. Yene yalazwalila ivyaulwi, vimpompo pakukulizizya. Nene ndayanena uku kupingwila, nga nayo yalakupingwila kulingana na masunde yao.

Ezekelo 24:5

Usolole ni mfwele isuma mu ufyo. Uninkule ni cininkwa ca moto mwi ziko pakuti vitopote ningo, uleke na mafupa yatonte.’ ”

Zefaniya 1:8

Yawe akuti, “Pa wanda kwene uo uwa mpolelwa yane indavunuka intunguluzi na ana ya mwene na yayo yonsi akalondela intambi zya inamasi.