Yelemiya 39:5 - Amazwi Yakwe Leza 2013

⁵ Lelo ivita vya ina Babiloni viyazinganya, ivizana Zedekiya mu manyika aku Yeliko. Alino vimulema nu kumutwala ku Libula mu mpanga ya Hamati kuli Nebukadineza, umwene waku Babiloni, nga nawe amupingwila umulandu.

Yelemiya 39:5 交叉參考

2 Yamwene 23:33

Lyene uteko wakwe wasilile pano Falao Neko wamusenzile uzya uku Libula, umu mpanga ya Hamati. Nga asonkisya aikazi amu Yuda amakilogalamu yakwe siluva ukulingana 3,400, na yakwe zaabu 34.

Yoswa 5:10

Lino ilanzi lyawa pa wanda uwalenga ikumi na yani, lino yatenzi mu nsakwe zyao zino yakuuzile ku Giligali lwa ku manyika aku Yeliko, aina Izlaeli iyazevya Cimulo ca Ucilo.

Yelemiya 38:23

“Anaci yonsi, na ana yako yonsi yalasendwa ku ina Babiloni. Nawe kwene utalapusuka ku makasa yao. Yalakulema yakusende ku uzya ku mwene waku Babiloni. Yaloca nu musumba uu ku moto.”

Yelemiya 38:18

Lelo ndi cakuti utafumile nu kuyacimbila ivita vya mwene waku Babiloni, ale lyene umusumba uu umapeelwa mu makasa ya ina Babiloni. Yene yamaoca nga nawe kwene utalapusuka uku makasa yao.’”

Yoswa 4:13

Pa manso yakwe Yawe antu ukulingana na mazimbi amakumi yani, yao aiteinye ku ulwi, iyalamba nu kulungama ku manyika aku Yeliko.

Nyimbo zya ndosya 4:20

Yalemile intulo ya umi witu, wiyo wino Yawe wasolola, wino twataile mwenemo ukutucingilila ku muzanzi ali wensi.

Nyimbo zya ndosya 1:3

Yuda watawa. Wene watasendwa umu uzya uku mpanga ya inamasi. Lyene wataikala umu inamasi, nga atakweti na pakufutila. Wene yatiyamuzinguluka ku anisi, nga atakweti nakuno angutukila.

Yelemiya 4:12

Umuza uo uno ukwiza api lamulo lyakwe Yawe, wene ulaya ukome ukuluta. Yawe umwisikulu aliwe akuma imbila ya uputuzi pa antu yakwe.

2 Milandu 33:11

Icalenga Yawe ayatumila ivita vikalamba vyaku Asilya apakuti vizanze Ayuda. Iyalema Manase nu kumutotola na maswelo umu mwili. Alino lyene iyamunyepa ni minyololo nu kumusenda ku Babiloni.

2 Yamwene 25:6

Walanga yalema umwene Zedekiya, iyamutwala ku mwene Nebukadineza, wino wali mu musumba wa Libula. Ali kuno Nebukadineza waile aputwila Zedekiya umulandu.

2 Yamwene 17:24

Pacisila cakwe vii umwene waku Asilya wasenzile antu ukufuma mu misumba ii: Babiloni, Kuta, Ava, Hamati, na Sefalavaimu. Ayaleta kuti yize yikale mu misumba yaku Samaliya, umwikalanga aina Izlaeli yano yasenda uzya. Yakukile umu misumba ilya amuno iyaikala.

2 Samueli 8:9

Umwene Tou uwaku Hamati auvwa ukuti Davidi watacimvya ivita vyonsi vyakwe Hadadezeli.

Yakapingula 3:3

Yao asile mu mpanga ilya yali aikazi amu misumba isano ya ina Filisti, na ina Kenani yonsi, na ina Sidoni, na ina Hivi aikalanga mu myamba yaku Lebanoni. Ukutandikila lwaku Mwamba wa Baali Helimoni ukufika pa wingililo wa Lebo Hamati.

Yoswa 13:5

Ni mpanga ya ina Gebali, nga ni ncende yonsi iya Lebanoni lwaku ufumondaka kufumilila ku Baali Gadi mwisika ya Mwamba wa Helimoni ukufika ku Lebo Hamati.

Mpendwa 13:21

Caleka yatumbela ku kwendezya impanga ukutandikila ku Lwanga lwa Zini, nu kufika ku Leobu, pipi na pano yakaingilila ku Lebo Hamati.

Yelemiya 21:7

Alino wiyo wensi aalapusuka ku mpungo nu ku lupanga nga nu ku cipowe, wene alalemwa ku mwene Nebukadineza nu ku anisi yao yano yalayakoma. Yene yalakomolwa kunoli ku cilimi ca lupanga lwakwe. Atalasya penepo nanti wenga nupya atalayuvwila uluse foo.”

Yelemiya 24:8

Yawe walanda wati, “Zedekiya umwene waku Yuda, yacilolo yakwe ni nsyazi zyamu Yelusalemu na antu yano yaya yikala mu Eguputo, nene ne Yawe ndayacita wa masamvu aipe cakuti kusi angayalya.

Yelemiya 44:30

Falao Ofila, umwene waku Eguputo, ndamupeela umu makasa ya anisi yakwe yano yakalonda uku mukoma. Ndamucita ndi vino napiile Zedekiya, umwene waku Yuda umu makasa yakwe Nebukadineza, umwene waku Babiloni, uwali umwanisi wakwe, wino walondanga uku mukoma.”

Yelemiya 49:23

Apa lwa musumba wa Damasiko, Yawe wavwanga wati, “Aikazi amu Hamati na Alipadi, amano yatiyayapeela. Pasi pano yene yatiyuvwa ululumbi ulwipe. Imyenzo yao yafwa cipafi. Yasi yakutekeziwa foo.

Ezekelo 23:24

Yalakwizila ukufuma ku kayeya, yalaya na maceleta ni vyakusendelamo iviya. Yene yalazwalila ivyaulwi, vimpompo pakukulizizya. Nene ndayanena uku kupingwila, nga nayo yalakupingwila kulingana na masunde yao.

Habakuku 1:7

Konsi kuno yangaya, yali nu kulenga antu yuvwe intete nu koopa. Yene yakaituumika nu kuipeela insambu nga nu kuilondela umucinzi.

Ezaya 22:3

Intunguluzi zyako zyonsi zyatizipuuka, nupya zyatizilemwa ukwaula ukuomvya uluceto nanti longa. Mwensi pyu mwemuno mwalemilwe mwasenzilwe ku kunyepwa, apacisila cakupuuka anisi lino yacili ukutali.