Yelemiya 39:16 - Amazwi Yakwe Leza 2013

¹⁶ “Yanga ukanene Ebedimeleki umwina Kusyi wilya uti Yawe Wamaka yonsi, Leza wa ina Izlaeli akuti, ‘Nasya mfikilizye vino navwanzile ivikumile musumba uu, nga ivintu vivyo iviipe, kusi ulongo awe. Apa nsita ilya ivintu vivyo vilafikiliziwa apa manso yako.

Yelemiya 39:16 交叉參考

Danieli 9:12

Wemo watufikilizya vino wavwanzile ukuti ulafikilizya ivyakupezya sweswe kumwi ni ntunguluzi zitu. Wavunwike Yelusalemu icikalale ukuluta umusumba uze uli onsi pano nsi.

Zakaliya 1:6

Uzye ivikolwe vinu vituvwile amazwi yane na masunde yane yano nanenyile aomvi yane yakasema? Lyene yene yazenzwike nu kuvwanga yati, Yawe Wamaka yonsi watatupezya ukulingana ni miyele nga ni vicitwa vitu iviipe.’ ”

Mateo 24:35

Iyulu ni nsi vitalikalilila manda pe, lelo mazwi yane yene yalikalilila manda pe.

Yelemiya 36:31

Ndamuvunuka mwensi pamwi ni mpyanyi zyakwe kumwi na aomvi yakwe pamulandu sile wa uyi wao! Aikazi amu Yelusalemu nanti amu Yuda ndayaletela amasyamo yonsi yano nasowile, pamulandu wakuti yatanguvwile.”

Yelemiya 35:17

Caleka fwandi Yawe Wamaka yonsi Leza wa ina Izlaeli wavwanga wati, “Ndaletela aina Yuda na ina Yelusalemu yonsi isyamo lino nayanenyile. Pasi pano nemo nayanenyile, lelo yakana ukunguvwa. Nayamile nayo yakana ukwaasuka.”

Yelemiya 34:22

Yawe wavwanga wati, “Namapeela ilamulo lya kuyawezezya uku musumba uu, yaulwisye yaupoke nu kuoca. Namasangula ni misumba yakwe Yuda ukuya ulwanga, umutange mwikale umulawa.”

Yelemiya 26:20

Akuno wali umuntu namuze wino wasemanga mwi zina lyakwe Yawe, a Uliya umwana wakwe Syemaya uwaku Kilyati Yealimu. Wene wasemile apa musumba kwene uu na pa mpanga kwene ii amazwi ali yamwi kwene ndi yano Yelemiya watasema umwi lelo.

Yelemiya 26:18

“Umu manda yakwe Hezekiya uwali mwene mu Yuda alino na Mika umwina Molesyeti wasemile nu kunena umutundu wakwe Yuda ati, ‘Yawe Wamaka yonsi wati Zioni alalimwa wa calo, Yelusalemu alasenuka umutumba wa vitalang'anda. Umwamba apaya Ng'anda ikulu yakwe Leza ulaya umutengo wa miti.’

Yelemiya 26:15

Lelo kuya kwene mucimanye mucumi ukuti ndi mwankoma, mumazwisya uwazi wakwe uwakaele pali mwemwe mwe eneco, apa musumba uu, alino na pa antu akaikala mwenemo. Pano kwene mucumi Yawe aliwe wantumile kuno muli apa kumunena amazwi yonsi yaa yano muvwa.”

Yelemiya 5:14

Acino Yawe avwanga kunondi ati, “We Yelemiya, pamulandu wakuti antu yaa yatiyavwanga ivintu vyamusango ndi uu, nemo ndaleka amazwi yane yaye wa moto umu tunwa twao. Nupya antu yaa yalaya wa nkwi, nga nu moto ulayoca mpaka yalokote.”

Masamu 92:11

Nemo natinjilolela kuno anisi yane yakucimba, natinjuvwila kuno intalanganyi zikuililila.

2 Milandu 36:21

Acino fwandi icintu cino Yawe wavwanga ukupitila muli yakasema ali wakwe Yelemiya, casusile cafikiliziwa icikati, “Impanga yi ilasunga Isabata apa nsita yonsi ino ilikala iyononeke mpaka ikasuke ikasyukile ukupuza kwi Sabata, myaka amakumi cinimbali isuke ipite.”

Yelemiya 44:27

Panondi pano, namamusuntililanga sile mpaka ince nkamuletelele, isyuko lyene, kotoo! Aina Yuda yonsi aikala umu Eguputo, yalalowa uku nkondo, nanti uku cipowe mpaka yakasuke yakasililikile pyu.

Amosi 9:4

Ndi cakuti anisi yao yayasenda umu uzya, kuku kwene ndapeela ilamulo lyakuti yayakome umu nkondo. Ndayacevya mpaka njaletele imikosi nupya ntalayazwa awe.

Yelemiya 40:3

nu kucita watacita cino wavwanzile ukuti alacita. Vyonsi vii vyativicitika pamulandu sile wakuti antu yako yaifya kuli Yawe, yakana nu kumuyela.