Yelemiya 34:3 - Amazwi Yakwe Leza 2013

³ Mutalapuka foo, Mulalemwa nu kupelwa umu makasa yakwe. Mulasimpana amanso ntontonto nu kulandana nawe alino muce musendwe nu ku Babiloni.

Yelemiya 34:3 交叉參考

Yelemiya 32:4

Ulunda nu kuti Zedekiya nawe kwene umwene waku Yuda atalapusuka mu maka ya ina Babiloni. Wene alasumbwa sile mu makasa ya mwene waku Babiloni. Alalanda nawe amanso na manso.

Yelemiya 21:7

Alino wiyo wensi aalapusuka ku mpungo nu ku lupanga nga nu ku cipowe, wene alalemwa ku mwene Nebukadineza nu ku anisi yao yano yalayakoma. Yene yalakomolwa kunoli ku cilimi ca lupanga lwakwe. Atalasya penepo nanti wenga nupya atalayuvwila uluse foo.”

Yelemiya 34:21

Zedekiya nawe, umwene waku Yuda na asambazi yakwe, ndayapeela umu makasa ya anisi yao nu mu makasa yakwe yao yano yakalonda uku yakoma, uku vita vya mwene waku Babiloni, vino vyativimutaluka.”

Ezekelo 21:25

“Lelo nawe we kateeka wa mpanga yakwe Izlaeli, we nkakasi ya muntu we ciwelewele we, nawe kwene lyene uwanda umakufikila uwakukufulwilapo.

Ezekelo 12:13

Ndateya isumbo lyane kuti alemyemo, nga nawe alalemwa mu lukose lwane. Ndamuleta ku Babiloni, ku mpanga ya ina Kalideya, lelo wene atalailola, nga alafwila kuku kwene.

Yelemiya 38:18

Lelo ndi cakuti utafumile nu kuyacimbila ivita vya mwene waku Babiloni, ale lyene umusumba uu umapeelwa mu makasa ya ina Babiloni. Yene yamaoca nga nawe kwene utalapusuka uku makasa yao.’”

Yelemiya 37:17

Nga alino lyene umwene Zedekiya atuma kuti yamulete kuno wali ukwi sano. Alino amuuzya mu umfisolo ati, ‘Uzye kungaya kweneko izwi ilingafuma kuli Yawe?’ Yelemiya nawe aasuka ati, ‘Ee, akuno lili. Wemo ulapelwa mu makasa ya mwene wa ina Babiloni.’ ”

Yelemiya 27:22

“Vilasendwa uku Babiloni, ali kuno vilasyala mpaka nu wanda uno ndavitola mviwezye kuno.” Ivyalanda Yawe.

Yelemiya 32:3

Lyene ali muno Zedekiya umwene waku Yuda wamuyalile nu kumunena ukuti cani cino ukusema ukupelwa kwa musumba uu mu makasa ya mwene waku Babiloni?

Yelemiya 32:28

Fwandi vii ivyalanda Yawe, nasya mpeele umusumba uu mu makasa yakwe Nebukadineza umwene waku Babiloni, wiyo aamaupoka.

Yelemiya 34:4

Lelo kwene ungala utezye amazwi yano ne Yawe nkukunena, we Zedekiya mwene waku Yuda. Wemo utalakomwa umu ulwi foo.

Ezekelo 17:15

Lelo umwene waku Yuda wene wasangukile umwene waku Babiloni, watumile inkombe uku Eguputo, apakuyalengako imfwalasi ni vita ivivule. Uzye umuntu wamusango ndi uo angasyuka? Uzye ndi wacita vivyo yatange yamucitepo cimwi? Uzye angonona upangano ukwaula kuti yamufulwilepo?’

Yelemiya 38:23

“Anaci yonsi, na ana yako yonsi yalasendwa ku ina Babiloni. Nawe kwene utalapusuka ku makasa yao. Yalakulema yakusende ku uzya ku mwene waku Babiloni. Yaloca nu musumba uu ku moto.”

Ezekelo 17:16

“Nemo ne Yawe Simwandalali nalapa nati kasili, umwene wiyo kakafwile ku Babiloni, pano wene wasuula umulapo, nupya wonona nu upangano uno napangine nu mwene waku Babiloni, wiyo uwamutesile na pa cilimba ca wene.