Yelemiya 33:3 - Amazwi Yakwe Leza 2013

³ We Yelemiya, ndaizya sile nani namakwasuka, namakunena ni milandu ikulu nupya iyankama ino wemo utamanya.

Yelemiya 33:3 交叉參考

Yelemiya 29:12

Alino lyene mulampunda nu kumpapata, nga nani ndamuvwa.

Ezaya 65:24

Ndayaasuka lino yatacili yangame, ndayuvwa na lino yatacili yamale ukuvwanga.

Efeso 3:20

Ndakai lulumbi luye kuli Leza, wino ali na maka akucita munotuli vintu vilusile vino tungalenga nanti vino tungelenganya.

Ezaya 48:6

“Vyonsi vii wavyuvwa, acino uvilole ningo. Uzye lyene wemo utacili usininkizye? Ukutandika sile ndakai mpaka nu ku nkolelo namakunenanga ivintu ivipya, ivintu ivifisame vino utamanyile.

Masamu 91:15

Lino yene yalandaizya nemo ndayasuka, lino yaponelwa namalanda nemo namayanga nayo. Namayataasyanga nu kuyacindamika.

Malango 4:29

Kuku kwene ali kuno mulatandika nu kulonda Yawe Leza winu, nga ndi cakuti mwaca mwamulonda ni myenzo inu yonsi nu umi winu onsi, lyene mulamuzana.

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Masamu 145:18

Wene waya umupipi na yonsi akakuuta kunoli, yonsi akakuuta kunoli umusi mwisyente.

Malango 4:7

“Kusi umutundu uze nanti onga, nanti ungakula uli, uno wakwata Leza wao mu pipi wakwe vino Yawe Leza witu waya kunotuli. Wene akatwasuka lyonsi lino twamulaizya.

Milimo 2:21

Lyene alino wensi wino alaama pi zina lya Mwene alatuulwa.’

Amosi 3:7

Cumi kwene Yawe asicita icintu nanti cimwi ukwaula kuumbula uteyanyo wakwe, kuli yakasema aomvi yakwe.

Masamu 25:14

Yawe akasokolwela inkama zyakwe kuli yao akamoopa, nu kuleka upangano wakwe umanyike kunoyali.

Ezaya 45:3

Ndakupeela ivyuma ukufuma mu mfinzi, vino yasezya umu ncende zya nkama, apakuti ukamanye ukuti nene indi Yawe, Leza wa ina Izlaeli, wiyo akukwamila ukwi zina.

Umbwilo 2:17

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya ndayapeela mana uwafiswa. Nupya cila wenga uwa munoyali ndamupeela iwe litiswe pano palembwa izina lipya, ililamanyikwa kuli aliwe asi kuli wensi.

Mateo 13:35

Cii cacitike pakuti cifikiliziwe cino kasema wavwanzile ati, “Ndavwanga kunoyali mu milumbe, Ndasokolola vintu vino vyafiswa kufuma ku utandiko wa nsi.”

Mika 7:15

Yawe akuti, “Ndayalanga ivizungusyo vyane, wakwe vino cali mu manda yano yafumile mu Eguputo.”

Yowelo 2:32

Lyene alino wensi wino alaama pi zina lyakwe Yawe alatuulwa. Pasi pano uku Mwamba wa Zioni nu ku Yelusalemu, na muli yayo yamwi asyala palazanwa yamwi yano Yawe alaama.”

1 Kolinto 1:2

Kwi uvi lyakwe Leza ilili mu Kolinto, na kuli yonsi yano aamwa kuti yaye antu yakwe Leza amuzilo, ali akwakwe mu kutaila kwao muli Klistu Yesu, pali pamwi na antu yonsi konsikonsi yano akapepa Mwene witu Yesu Klistu, Mwene witu nupya wakwao.

Yelemiya 23:35

Acino apakuvwanga nu muze nanti umwina, umuntu wensi alinzile wavwanga wati, ‘Uzye Yawe wataasuka uli?’ Nanti ati, ‘Uzye Yawe watavwanga cani?’

Yelemiya 32:17

“Yawe Simwandalali, wemuno wapanzile amayulu ni nsi, umu kukonzolola ikasa lyako lya maka, kutaya nati cimwi icakuposya.

Yelemiya 32:27

“Lola, nene Yawe wa antu yonsi, uzye kwaya cino camposya?

Danieli 2:18

Lyene Danieli ayakonkomezya kuti yapepe kuli Leza wa kwiyulu kuti aye na mizu kunoyali nu kumulenga kuti ayalondolwele inkama pakuti yatakomwa kumwi na yampandamano amu Babiloni.

Danieli 2:22

Wene akasokolola ivintu ivizike nupya vya nkama. Wene amanyile ivyafiswa mu mfinzi, nu luswepo lwamuzinguluka monsi.

Danieli 2:23

Nkukutaizya nu kukulumbanya, we Leza wa vikolwe vyane. Wemo wampeela amano na maka. Watuasuuka ni pepo lyane nu kutulanga vyakuti tukanene umwene.”