Yelemiya 32:10 - Amazwi Yakwe Leza 2013

¹⁰ Ali vino nalemvile umulandu uu uwa kukala icalo namupeela na kalata wa umboni, nafwantapo ni nsimbi. Nalonda yakambone, namupendela ni mpiya namupeela nu kumupeela.

Yelemiya 32:10 交叉參考

Yelemiya 32:44

Umu mpanga yakwe Benjamini, umu mbali yakwe Yelusalemu, mu misumba yakwe Yuda, mu misumba yamu myamba, mu misumba yaku uwondaka, mwisika lya myamba yaku Negebu, monsi yalakalamo ivyalo ni mpiya. Yalalemba amakalata akukalilamo ivyalo nu kuyamatilizya mu nyungu apa manso yakwe yakambone. Pano lyene ndayawezezya isyuko lyao.” Ivyalanda Yawe.

Yelemiya 32:12

Lyene mvipeela kuli Baluki, umwana wakwe Nelya, mwizikulu Maaseya, pa manso ya muvyala wane Hanameli na yakambone yano yalemvile amazina yao muli kalata, na pa manso ya Ayuda yonsi yano yali mu musolo wakwe yakalinda.’ ”

Yelemiya 32:25

Lelo kwene we Yawe Simwandalali, awewe wanenyile uti, ‘Kala icalo ni mpiya apa manso yakwe yakambone, nupya umusumba wapelwa mu makasa ya ina Babiloni!’ ”

Ezaya 44:5

Umwi alavwanga ati, ‘Nene muntu wakwe Yawe,’ muze alayama umwisikulu ukuti uwamu mutundu wakwe Yakobo. Namuze alalemba api kasa lyakwe ati, ‘Uwakwe Yawe,’ nga yalangama ukuti uwamu mutundu wakwe Izlaeli.”

Yobo 14:17

Alino lyene ulanjelela kuli vyonsi vino nakwifizye. Alino nu kuvisula ulavisula vyonsi pyu vino naluvinye.

Malango 32:34

“Yawe akaiusya vino anisi yao yacita, nu kuvisunga mukulolela insita isuma iya kuyavunuka.

Umbwilo 9:4

Makanta yamunena kuti atonona isote nanti imiti nanti cimelwa cili consi. Lelo yamuzumilizya sile konona antu yano atakweti cimanyililo cakwe Leza pa mausyu yao.

Umbwilo 7:2

Alino ndola mungeli namuze kufuma ku ufumondaka ala alemile nsimbi yakwe Leza wa umi. Lyene apunda ni zwi likulu ku angeli yani yano Leza wapile maka akonona insi na yemba.

Efeso 4:30

Nupya mutaleka Mupasi Wamuzilo auvwe ulanda. Pano Mupasi Wamuzilo ali cimanyililo cakuti mwemwe yakwe Leza, cisininkizyo cakuti uwanda uliza lino Leza alamulenga kuya antungwa.

Efeso 1:13

Yesu wamuletile cumi, cino cili Ilandwe Lisuma lya pamulandu wakwe vino mungatuulwa ndi mwataila. Caleka mwatamwa ni nsimbi yakwe Leza pa kumupeela Mupasi Wamuzilo wino walavile kunomuli kuti alange vino mwemwe yakwakwe.

2 Kolinto 1:22

nu kwika Mupasi wakwe mu myenzo itu kuti alangilile vino sweswe akwakwe.

Yoane 6:27

Mutaombela cakulya cino cikalowa, lelo mwaombela cakulya cino cikaikalilila manda pe nupya cikapela umi wape. Cii cili cakulya cino Mwana wa Muntu alamupeela, pano Leza Tata wamupeela insambu yakucita vivyo.”

Yoane 3:33

Lelo wino wensi akataila umboni wakwe, wene akasininkizya vino umboni wakwe Leza uwa cumi.

Danieli 8:26

Cilolwa cii ca pamulandu wa mpolelwa zya manguzi ni zya katondo cino calondololwa kunuli cilafikiliziwa. Lelo usunge inkama ya ciko, pamulandu wakuti cilasenda insita ntali lino citatala cafikiliziwa.”

Ezaya 30:8

Yawe wanenyile ne Ezaya ati, “Lemba umu lupapulo lumwi, pa misango ya antu apakuti cice ciye umboni wakuyasinila uwa manda pe.”

Lwimbo lwakwe Solomoni 8:6

Uwankunda nene nenga mpo, muze wene foo. Uwankumbatila nene nenga mpo, muze wene foo. Pano ulukundo lwakoma wa mfwa, ni nsuna yakoma wa mfwa kwene. Yene yaya wa mvumba ya moto, wa cimbilimbili icikulu.

Yoswa 18:9

Alino antu yaya iyapita, nu kuya pitana mu mpanga ilya, yalemba utu mipaka tonsi mu vipande cinimbali, twa misumba yonsi pamwi ni mizi yonsi, alino iyaweluluka kuli Yoswa ku nkambi ku Syilo.

Mateo 27:66

Caleka yapita yaya yalinda ilindi ningo. Yika cimanyililo piwe lya pa mulyango, cakumanyila umwi ndi walikunkulusya, kulifumyapo. Alino yasyapo na yakalinda akuti yalindapo.

Utandiko 23:16

Lyene Abulaamu azumila nga apima cipimo kulingana vino Efuloni walanzile, nga amupeela pa manso ya ina Hiti impiya imyanda ini izyamutengo wa calo, kulingana ni cipimo icazumiliziwe cino aculuzi yaomvyanga.

Utandiko 23:20

Caleka icalo ni cele mukasi, icali ca ina Hiti, ciya icakwe Abulaamu caku matawa.

Luti 4:1

Boazi atala aya ku mpongolo ya musumba pano antu yakomenkanilanga nga aikala kuku. Umuntu wakwe wenga uwakweti insambu ya kupyana aiza wiyo kwene wino Boazi walanzile penepo. Alino Boazi amunena ati, “We cuza, tala iza kuno nduwikale paa.”