2 Yawe, Leza wa ina Izlaeli wavwanga wati, “Lemba amazwi yonsi yano nkunenyile umu lupapulo.
Fwandi Yelemiya ali pakutoola amapepala yauze apeela kalemba Baluki umwana wakwe Nelya. Nawe alembulula ndi muno Yelemiya wamunenyile. Alemba amazwi yonsi yano yali muli kalata wino yosile kuli Yeoyakimu, ukulundapo na mazwi aingi amu musango uli onga kwene.
Yawe wanenyile ne Ezaya ati, “Lemba umu lupapulo lumwi, pa misango ya antu apakuti cice ciye umboni wakuyasinila uwa manda pe.”
Lyene lemba vintu vino walola, ivintu vikucitika ndakai ni vilacitika.
Lyene liti “Lemba vino walola nu kutuma lupapulo ku mauvi amu misumba cinimbali, ku Efeso, ku Similina, ku Pegamu, ku Tiatila, ku Sadisi, ku Filadefia, nu ku Lodesiya.”
Pano kutaya ilandwe lya usemo ilyafuma ku kulonda kwa muntu. Lelo antu yatungulwilwe na Mupasi Wamuzilo lino yavwanganga ilandwe ilyafumile kuli Leza.
Vintu vii vyonsi vyacitikile vikolwe vitu kuti ciye ukusokwa, nupya vyalemvilwe kuti viye vyakutusambilizya swe muno tukulolela mpelelekezyo yakwe vyonsi.
Vyonsi ivyalembwa mu malembelo vyalemvilwe ukutusambilizya, pakuti tuye nu upaalilo kupitila mu kutekeziwa nu kukomeleziwa kuno malembelo yakutupela.
Lyene wene anena ati, “Lelo wemo, we Danieli, kupika ulupapulo nu kwikapo icimanyililo ukufika uku nsita ya mpela ya nsi. Pali ndakai, antu avule yamaezyanga ukumanya ivikucitika.”
Yawe wanenyile ne Ezaya ati, “Tola icakulembela penepo icikalamba, nga ulembe ni vilembelo ivikulu uti, ‘Maeli Syalali Hasyi Bazi.’ Kuli kuti ‘Kalauka ukuzanza, onona zuwazuwa.’
“Ali cino fwandi wemo lemba ulwimbo luu. Ulusambilizye ku ina Izlaeli pakuti luce luye alukambone kunoyali.
Lyene Yawe anena Mose ati, “Lemba vintu vii mu lupapulo kuti vikiusiwe, nupya unene Yoswa ukuti ndonona nu kulovya aina Amaleke yonsi pyu.”
Antu amutundu ulya nemo ndayacita vyonsi vino nayapangila. Vyonsi pyu vyalembwa mu lupapulo luu, vino Yelemiya wavwanga.
Nga alino nalyuze izwi lyakwe Yawe lyafikile Yelemiya.
“Toola amapepala yauze ulembe amazwi yonsi yano yali muli kalata wakutandika, wino Yeoyakimu umwene wa ina Yuda woca.”
