Yelemiya 3:14 - Amazwi Yakwe Leza 2013

¹⁴ “Si welulukini, mwe antu aula utailo mwe, pano nene indi Yawe Leza winu. Umu misumba inu yonsi, onga onga ndatolamo umuntu wenga. Nu mu nko zinu kwene namo ndatola yaili nu kuleta mwemwe uku Zioni.

Yelemiya 3:14 交叉參考

Yelemiya 2:19

Uyi winu ulamuletelela na ucisanguka winu ulamuzewanya. Alino lyene mulasambilila, muluvwa nu usungu icakuti nu kumucuzya cilamucuzya apakulola vino ukusuula Yawe Leza winu, nu kukana moopa kwaya. Ivyalanda ne Yawe Leza Wamaka yonsi.

Yelemiya 31:32

Citalaya wa upangano uno napangine ni vikolwe vyao uwanda uno nayalemile pi kasa nu kuyafumya mu mpanga ya Eguputo. Yene yasuzile upangano wane. Ali cino nali nu kuyalanga ndi vino nene ndi ciinda wao. Ivyalanda Yawe.

Ezaya 54:5

Pano uwakuumba kwene aliwe alaya uwako. Izina lyakwe a Yawe Wamaka yonsi. Ali Katuula wako Wamuzilo wakwe Izlaeli, akaamwa Leza wa nsi yonsi.

Yelemiya 23:3

Nemo ndakolonganika nemweneco imfwele zino zyasyala penepo. Indazifumya umu mpanga zyonsi muno zyasalanganile, ndaziwezezya uku macemelo yakwezyo, nga alino lyene zilasandana nu kuvula.

Yelemiya 3:8

Waweni nakuno nazinzile umutalami Izlaeli apamulandu wa uzelele wakwe. Namupiile na kalata uwakumuzingila. Lelo Yuda, kaci wakwe, cizelele muze, wene atoofile foo. Waya wacita icili conga kwene.

Yelemiya 2:2

“Nkaiusya ukuti lino mwali ance mwali ni cuvwilo. Mwemo mwantemilwe wakwe cimwi muli unawinga winu. Yandondile umu lwanga, itupita suka tufika mu mpanga itatala yalimwa.

Ezaya 10:22

Nanti angala aina Izlaeli yangavula uli, yaye wa lusenga lwamu nkumba yakwe yemba, lelo ampendwa sile ali yano yalaweluluka, pamulandu wakuti ukulowa kwa antu kucilipo, nako ukukome.

Ezaya 6:13

Nanti umu mpanga mwasyala umuntu wenga pa antu ikumi lyonga, nawe kwene ndamulovezya kumwi. Wene alasyala sile wa cisiki ca muoko cino yacentula.” (Cisiki cico cilaya wa cimanyililo cakutandikila cipya cipya uku antu yakwe Leza.)

Loma 9:27

Vii avino kasema Ezaya wavwanzile pamulandu wa ina Izlaeli ati, “Nanti angala aina Izlaeli yavula wa musensenga uwamu nkumba yakwe yemba, lelo anono sile alatuulwa.

Yelemiya 3:1

Yawe akuti, “Umuntu ndi wata umuci, nawe waya watwalwa kuze, uzye wene angaca aweluluke kuli wino wamuzinzile? Uzye impanga yonsi ale itati ikowele? Uzye lyene we Izlaeli ukulonda uweluluke kunondi, wemuno wacitanga uzelele nu kutemwa aingi?

Ezaya 17:6

Mulasyala sile antu ampendwa yano alapusuka. Impanga ya Izlaeli ilasyala sile wa muti umuolivi, uno yatiyapukunya kweneko iviseekwa vyonsi, nu kusya sile iviseekwa viili nanti vitatu apa ntonje apapela. Nanti iviseekwa vini nanti visano ivisile ku misambo.” Kuu kuli kulanda kwakwe Yawe, Leza wa ina Izlaeli.

Ezaya 1:9

Yawe Wamaka yonsi akana ukusya antu yamwi apuma, awe cumi Yelusalemu ngano ononeka ntanzi ntanzi, vivi kwene sile vino cali kuli Sodoma na Gomola.

Ezaya 31:6

Nupya Leza wavwanzile ati, “Mwe ina Izlaeli icumi mwaifya wakwe cimwi kunondi, mwalunda penepo nu kuntalamila. Ali cino fwandi welini kunondi.

Ezaya 57:17

“Nemo nayasokile apamulandu wa uyi wao. Ali pakuyakatusizya icipyu nayafumyako na mano. Lelo nalyo kwene imitwe yao yakomile wi we, yatwalilile nu kucita ivyacicitecite.

Yelemiya 3:12

Lyene pitanga uume ni mbila ulunga lwaku kayeya uti, ‘Wela we mutalami Izlaeli, cisanguka we! Ala anene ne Yawe nkuvwanga. Nemo nakwatisya uluse. Nemo ntakwiza mu kukulolekesya ukali ukali, awe. Nemo ntalakusokela lyonsi, awe.

Yelemiya 29:14

Ndaleka ukuti munzane, ndamuwezezya ni syuko lyampiti. Ndamukolonganika, apakumufumya mu mitundu yonsi nu mu ncende zyonsi muno namusalanganyizizye.” Ivyalanda Yawe.

Yelemiya 31:6

Pano uwanda uliza lino yakalinda yalapunda pa myamba yakwe Efulemu yati, ‘Katwapita ku Zioni kuli Yawe Leza witu.’ ”

Yelemiya 31:12

Yaliza apa Mwamba wa Zioni, nu kulaizya ni nsansa, yalutukila ku visuma vyakwe Yawe, ivili wa ngano, waini, amafuta, imfwele ni ng'ombe. Umwenzo wao ulakola icalo cikontelelwe, yataluvwa ulanda.

Oseya 5:15

“Alino lyene ndaswilila ku cifulo cane, mpaka lino antu yane yalazumila ukuti yali nu mulandu, nu kutandika ukundondandonda. Mu ucuzi wao yalezya ukundonda ni myenzo yao yonsi kuti yanzane.”

2 Milandu 30:6

Intumi nazyo ali pakuyela ilamulo lya mwene, nu kusalangana umwayelile aina Izlaeli na Ayuda mu lwamo lwao ulwakuti, “Mwe ina Izlaeli, si mungala muweluluke kuli Yawe Leza winu, Leza wakwe Abulaamu, Isaki na Yakobo, pakuti nawe kwene aweluluke kuli mwemwe mwe muno mwati mupusunsuka umu minwe ya ina Asilya.

Ezaya 27:12

Mu wanda ulya Yawe alakolonganika antu yakwe ukutandikila sile ku luzi Yufulate, ukuyapelela kuli nande waku Eguputo. Wene alayapaatulula wenga wenga ndi vino yakaelulula ingano ukufuma mu vinkapala.

Ezaya 44:22

Nemo namuyela uluse apa maifyo inu. Nayo yapasika ndi vino ikumbi likapasika. Acino mwemo mungala muweluluke sile kunondi, pano nemo namukulula.”

Ezaya 55:7

Umwipe ate imisango yakwe, ni ntalanganyi nayo amapange yakweyo. Kayale sile yasenukile kuli Yawe, ukuti ayelele uluse, kuti Leza witu nawe alayelela cuze.

Zakaliya 1:4

Mutakolana ni vikolwe vinu. Uku mpiti yakasema yasemile amalandwe yane kunoyali yati, Yawe Wamaka Onsi wavwanga wati, ‘Zenzukini ku misango inu iipe nga nu ku vicitwa vinu ivyankota. Lelo yene yakanyile ukunguvwa nanti ukunjela.