Yelemiya 28:4 - Amazwi Yakwe Leza 2013

⁴ Ndawezya na Yeoyakini umwana wakwe Yeoyakimu umwene waku Yuda nga na azya yonsi aku Yuda yano yasenzilwe ku Babiloni. Ndakontola iyoko lya mwene waku Babiloni.” Ivyalanda Yawe.

Yelemiya 28:4 交叉參考

Yelemiya 22:24

Yawe wavwanga uku mwene Yeoyakini, umwana umonsi wakwe Yeoyakimu umwene waku Yuda, wati, “Cumi kwene vino nene indi Leza wa umi, nanti angala Yeoyakimu angaya imbalaminwe ukwi kasa lyane lilungi, nemo ningamuzula.

Yelemiya 28:2

“Yawe Wamaka yonsi Leza wa ina Izlaeli akuti ninkontola ikoli lya mwene waku Babiloni.

Yelemiya 24:1

Yawe wandanzile imise iili ya masamvu ino yatesilwe apa nkolelo ya Ng'anda ikulu yakwe Leza. Cali apacisila ca nsita ino Nebukadineza umwene waku Babiloni wasenzile Yeoyakini, umwana wakwe Yeoyakimu umwene waku Yuda, uku uzya, ukumufumya mu Yelusalemu nu kumutwala uku Babiloni pamwi na yacilolo yakwe na yafundi kwene.

Naumi 1:13

Ndakai namalenga aina Asilya yataya na maka pano muli, nu kuputola iminyololo ino mwanyepelwako.”

Yelemiya 30:8

“Mu wanda ulya, ali vino ne Yawe Wamaka yonsi navwanga, ndakontola ikoli apa nsingo zyao, ndatankola ni minyololo yao, yatalatala nupya yaye azya ku enyi.

Yelemiya 28:10

Kasema Hananiya ali pakutoola ikoli pa nsingo yane ne Yelemiya, walikontola nu kulikontola.

Yelemiya 24:5

“Yawe Leza wa ina Izlaeli wavwanga wati, ‘Ndasakamala antu yakwe Yuda ndi vino nasakamala amasamvu, antu yano yasendwa mu uzya, yano nafumizye mu ncende ino apakuyatuma umu mpanga ya Babiloni.

Yelemiya 22:10

Mwe antu amu Yuda mutalilila umwene Yoaazi. Mutalilila imfwa yakwe. Lelo lililini Yoaazi, wino yakusenda ku uzya, pamulandu wakuti wene atalatala awele, nu kwiza lola impanga muno wavyalilwe.

Yelemiya 2:20

Yawe wavwanga wati, “We Izlaeli, ampiti sana lino wakanyile amaka yane, wakana nu kunjela nu kumpepa. Alino lyene apa mwamba uli onsi utumpuke, nu mwisika lya muti uli onsi ulembe, walambalalanga mwenemo nu kupepa kaleza ki kwata.

Ezaya 9:4

Pano lyene watuputula umunyololo wao uwayacuzyanga. Watuvunola nu mukota uno wayanyambilanga apa viye. Watucimvya ndi vino wacimvizye aina Midyani.

Utandiko 27:40

Mu lupanga umulaya wikazi wako, Lelo ulaya muomvi wa muto wako. Ndi waca wamusangukila, lyene ulafuma mu maka yakwe.”

Yelemiya 27:8

Umutundu nanti uwene uno utalatumikila Nebukadineza umwene waku Babiloni, uno utalacimbila umwene waku Babiloni, ndaukomola ku lupanga, ku cipowe nu ku mpungo. Avino Yawe walanda. Suka sile ace aulovye ku minwe yakwe.

Aina Levi 26:13

Nene indi Yawe Leza winu wino wamufumizye mu mpanga ya Eguputo, pakuti nupya mutaya azya. Nalenzile kuti muzule ikoli lino mwazwite nu kuleka kuti mwapita mutongomwile insingo.”

2 Yamwene 24:14

Nebukadineza ali pakusenda na ikazi yamu Yelusalemu kwene, kuli kuti yacilolo yakwe na asilika yonsi, nga na yafundi ya milimo. Yonsi pamwi yafisile uku mpendwa ukulingana amazimbi ikumi. Wene wasendenkinye kumwi na antu yonsi alamoke, ali wakwe yakasula. Lelo asya sile apina yatupu umu mpanga yakwe Yuda.

Yelemiya 13:19

“Imisumba yamu Negebu yalailizizya nga kusi nanti wenga angapeka. Antu yonsi amu Yuda yatiyasendwa ku uzya.”

Yelemiya 29:1

Yaa ali mazwi yano kasema Yelemiya walemvile muli kalata wino watumile kuli yasimapepo, yakasema, intunguluzi zya antu nga nuku antu yonsi yano Nebukadineza wafumizye umu Yelusalemu nu kuyasenda ku uzya uku Babiloni.

Yelemiya 29:2

Cali apacisila ca nsita ino umwene Yeoyakini na nyina, namwene, ivilolo ni ntunguluzi zyaku Yuda nu mu Yelusalemu, yamfundi na yamusyanyi yafumile umu Yelusalemu nu kusendwa uzya.