Yelemiya 27:5 - Amazwi Yakwe Leza 2013

⁵ “Uku maka yane ataikulila, na pakukonzolola ikasa lyane apa kuumba antu, impanga ni myamba ya pano nsi nu kupeela nkapeela wino natemwa.

Yelemiya 27:5 交叉參考

Yelemiya 51:15

Yawe aliwe waumba insi uku maka yakwe. Aliwe kwene wasimpa impanga yonsi uku mano yakwe, nu kwanza amayulu ku kucenjela sile kwakwe.

Yelemiya 32:17

“Yawe Simwandalali, wemuno wapanzile amayulu ni nsi, umu kukonzolola ikasa lyako lya maka, kutaya nati cimwi icakuposya.

Danieli 4:17

Kuu kuli kupingula kwa angeli awakanga nu kucevya. Acino lyene, lekini antu yonsi konsikonsi yamanye ukuti Leza wapapelapela wakwata amaka apa mawene yonsi ya antu cakuti angapeela uwene kuli wensi wino akasi. Wene angapeela uwene nu ku muntu musulwe kwene.’

Ezaya 45:12

Nene napanzile insi ya pano pansi nu kuumba umuntu kuti aikale mwenemo. Nakonzolwile amayulu uku maka yane, nupya nene nkaleka kuti ilanzi lyawala, kumwi nu mwezi nga ni ntanda kwene.

Kolose 1:16

Pano muli aliwe Leza waumvile vintu vyonsi ivya mwiyulu na pano pa nsi, ivikaloleka ni visiloleka, kwika pamwi na maka yonsi, aene, yakateeka ni ntunguluzi zyonsi. Leza waumvile uumbo onsi muli aliwe nupya vyonsi vyaumvilwe kuti viye vyakwakwe.

Ezaya 42:5

Yawe, Leza, wiyo uwaumvile amayulu nu kuyavungulula, wiyo uwakonzolwile insi na vyonsi ivyafuma mwenemo, nu kupeela umi kuli yonsi akapita mwenemo. Wene wavwanga wati,

Umbwilo 4:11

“We Mwene Leza witu! Wemo wazipilwa kupelwa lulumbi, mucinzi na maka, pano wewe waumvile vintu vyonsi. Ku kulonda kwako walenzile vyonsi kuti viyeko, nupya wewe waviumvile.”

Ayebulai 1:2

Lelo mu manda yaa akusyalikizya wene wavwanga kunotuli mu Mwana wakwe. Muli wikwene amuno Leza waumvile uumbo onsi, nupya wene wamusolwile kuti aye umweneco wa vintu vyonsi.

Milimo 17:24

Leza uwaumvile insi na vyonsi ivyayamo, ali mwine wi yulu ni nsi, nupya asyaikala mu ng'anda yakulwa na antu.

Milimo 14:15

“Uzye pacani mukucita cii mwe antu? Swemo sweswe antunze sile wakwe vino muli! Tuli kuno kuti tukosole Ilandwe Lisuma, kuti mufume ku vintu vyasile sile mutandike kupepa Leza wa umi, uwaumvile iyulu, insi, yemba ni vyayamo.

Ezaya 51:13

Uzye limwi mwatimwilila Yawe wino wamupanzile? Wiyo wino wanzika amayulu nu kusimpa insi ii? Uzye pacani cino mungikalila ntetentete amanda yonsi, umukoopa sile ukali wa antu akamucuzya, akalonda ukumulovya?

Ezaya 48:13

Amakasa yane ayano yatungilila insi, nu kwandatila iyulu. Ndi navyama, navyo vikaasuka.

Ezaya 44:24

“Yawe, Katuula wako, uwakupanzile umu ndilwa yakwe nyoko, wavwanga wati, ‘Nene indi Yawe, uwapanga ivintu vyonsi. Nene nakonzolwile iyulu, nalino napanzile insi, uzye kwaliko umwi uwakungazwa?

Ezila 1:2

“Lii ilamulo lyakwe Kilusi, umwene waku Pesya. Yawe, Leza wa kwiyulu, watampela amaka akuteeka impanga yonsi. Watanena ukumukuulila Ng'anda ikulu uku Yelusalemu mu mpanga yakwe Yuda.

Malango 2:7

“Mwiusye vyonsi vino Yawe wamupolelela mu milimo inu yonsi. Wene wamusakamalanga nu kumuwaka lilyo lyonsi lino mwalulumbanga mu lwanga ulutaikulila. Apa myaka ii yonsi amakumi yani Yawe wali namwe, nupya mutulilwanga icintu nanti cimwi.

Masamu 102:25

Awewe waumvile insi apa katalili, na makasa yako alio yapanga iyulu.

Malango 32:8

Leza wapapelapela wapeela inko impanga zyao. Aliwe wapimila antu imipaka umwakwikala Ukulingana ni mpendwa ya ana yakwe Izlaeli

Malango 9:29

Lelo yene antu yako, akwako kololo yano wafumizye mu Eguputo ku maka yako akulu nu ulamba.’

Malango 5:16

“‘Cindika so na nyoko wakwe vino Yawe Leza wako wakupeela ilamulo kuti amanda ya umi wako yavule nu kuti vyonsi vikuzipile mu mpanga ino Yawe Leza wako akukupeela.

Malango 4:35

Yawe wamulanzile ivintu vii vyonsi pakuti mumanye ukuti wene ali Leza wenga mpo nu kuti kutaya namuze foo.

Malango 4:32

“Muzye nu kulondelezya ivyampiti, pa nsita ino walanga mutacili muvyalwe, ku katalili lino Yawe waumvile antu pano nsi. Muzye nu kulondelezya mu nsi yonsi. Uzye kwatala kwacitika icintu cimwi wakwe cii? Uzye umwi watala uvwa icili consi ica musango uu?

Malango 4:25

“Nalyo kwene ndi mwaca mwikala mu mpanga ilya mwalengela mwenemo, mwavyala ana nu kukwata aizikulu, mutakezye ukupanga akaluwi mu musango uli onsi. Cintu cico iciipe pa manso yakwe Yawe, nupya cilamulenga ukusoka.

Malango 4:17

nanti ku nyama nanti ku cunyi,

Malango 2:21

Yene yali ivipombolo wa ina Anaki. Yali avule cuze nupya yali amaka. Lelo Yawe wayononyile, pakuti aina Amoni yapoke impanga yao nu kwikala mwenemo.

Malango 2:19

Lino mwapalamila ku mpanga ya ina Amoni, mutaca mwezye ukuyacuzya nanti ukuyakatusizya inkondo, pamulandu wakuti mwemo ntalamupeela icipande ca mpanga ino nayapeela.’ ”

Malango 2:9

Alino lyene Yawe wanenyile ati, ‘Mutezya ukucuzya aina Moabu, amu mupanda wakwe Loti, nanti ukuyasonka kuti mukatusye inkondo mulwe nayo. Yene nayapeela umusumba wa Ali, nupya ntalamupeela impanga yao ili yonsi.’ ”

Kufuma 20:11

“Pano Nene, ne Yawe, naumvile insi, iyulu, na yemba, nga na vyonsi vyayamo mu manda mutanda. Lelo pa wanda uwalenga cinimbali, impuuza. Acino ne Yawe napaatwile nu kupolelela uwanda wi Sabata ukuya uwamuzilo.

Utandiko 9:6

Nu muntu uwakoma umuntu muze, nawe kwene antu yauze yalamukoma. Pano umuntu waumvilwe mu cata cakwe Leza.

Milimo 17:26

Ukufuma ku muntu wenga, waumvileko imitundu yonsi iya antu nu kuleka kuti ikale mu nsi yonsi. Wisile utusita utwalinga na yanande ya vifulo vyao vya kwikalamo.

Utandiko 1:25

Acino Leza aumba inyama zya mpanga cila nyama nu musango wakweyo, iviteekwa nu musango wakwevyo, nga ni viumbwa vyonsi ivikasela nu musango wakwevyo. Lyene Leza alola ukuti camuzanzya.

Masamu 96:5

Pano tuleza utwa inamasi, utwaunkolanya sile. Lelo Yawe uwapanzile amayulu.

Yelemiya 27:4

Uzitume ku asambazi yao ukuti Yawe Wamaka yonsi, Leza wa ina Izlaeli wavwanga wati, ‘Munene asambazi inu muti,

Danieli 4:25

Wemo yalakufumya apakasi ka antu nupya ulikala pamwi ni nyama. Pa myaka cinimbali ulalya isote wa ng'ombe ni mbuzi apanzi, kuko kuno ulumi lulakukunga. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Danieli 5:18

“Iye mwene, ala Leza wapapelapela walasike so Nebukadineza pa cilimba ca wene, aya umwene mukulu amupeela na amaka nu lulumbi nu usambazi.

Kufuma 6:6

Caleka nena aina Izlaeli ukuti Yawe wavwanga wati, ‘Nene indi Yawe, nga ndamukulula ukufuma ku uzya wa milimo ikome ino aina Eguputo yamutwika. Ndaomvya maka yane nu kuvunuka aina Eguputo pakulu cuze. Nupya ndamutuula.

1 Yamwene 8:42

apamulandu wakuti antu avule yaluvwa ukucindama kwi zina lyako, na maka yako asuma, alino fwandi ndi cakuti wiza wapepa mu Ng'anda ii ikulu,

Neemiya 9:22

“Wayapile impanga nyanya pamwi na antu kwene. Yacimvyanga imitundu yonsi iya palamile uku mpanga ino wayapile. Yapokolwile Hesyiboni, impanga ino Siooni wateekanga, ni mpanga yakwe Basyani, umwateekanga Ogi.

Danieli 2:38

Wene wika antu ni vinyama vya mpanga ni vyunyi vya mulwelele mu makasa yako. Konsi kuno vikaikala wewe uli kateeka wakwevyo vyonsi. Wewe uli mutwe ulya wakwe zaabu.

Danieli 4:14

Alino alaizya ni zwi likulu ati, ‘Sinda icimuti nu kusankola imisambo yakweco. Ucipulule na mafwa nu kusansanta iviseekwa vyakweco. Zinga inyama zino zikuuwa mwenemo kumwi ni vyunyi ivili mu misambo yakweco.

Danieli 4:22

“Musambazi, wewe uli cimuti cici, citali nupya camaka. Wemo watuya umukulu wakwe cimwi cakuti ukulu wako wafika nu mwiyulu, na maka yako autesi yafika nu ku mpanga zyakutali umu nsi yonsi.