Yelemiya 27:4 - Amazwi Yakwe Leza 2013

⁴ Uzitume ku asambazi yao ukuti Yawe Wamaka yonsi, Leza wa ina Izlaeli wavwanga wati, ‘Munene asambazi inu muti,

Yelemiya 27:4 交叉參考

Yelemiya 51:19

Wiyo wino waya icuma cakwe Yakobo wene atakoline nato, awe. Pano wene ali kaumba wakwe vyonsi, ukwikapo nu mutundu wa Izlaeli, caupyanyi cakwe. Izina lyakwe a Yawe Wamaka yonsi.

Yelemiya 25:27

Nga alino lyene Yawe avwanga kunondi ati, “Nena antu ukuti ne Yawe Wamaka yonsi, Leza wa ina Izlaeli nayanena ukuti yamwe yakoleke yaluke nu kuluka. Yasuke yapona na pansi cakuti yaposiwe nu kukatuka apamulandu ni nkondo ino nkutuma kunoyali.

Yelemiya 10:16

Leza wakwe Yakobo atakoline nato. Wene uwaumvile ivintu vyonsi. Nupya aliwe kwene wasolola aina Izlaeli kuti yaye antu yakwe kololo. Izina lyakwe a Yawe Wamaka yonsi.

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Kufuma 5:1

Pacisila ca vintu vii, Mose na Aaloni yaya kwi sano kuli Falao nga yamunena yati, “Yawe, Leza wa ina Izlaeli, watavwanga ati, ‘Ta antu yane yapita, pakuti yangaya yakacite uzevyo wa cimulo ca kuncindika mu lwanga.’ ”

Yelemiya 27:3

Alino lyene utume izwi ku mwene waku Edomu, ku mwene waku Moabu, ku mwene waku Amoni, ku mwene waku Tuli nga nu ku mwene waku Sidoni, ukupitila mu nkombe zyao, izyaya ku Yelusalemu. Nga na kuli Zedekiya umwene waku Yuda.

Yelemiya 27:5

“Uku maka yane ataikulila, na pakukonzolola ikasa lyane apa kuumba antu, impanga ni myamba ya pano nsi nu kupeela nkapeela wino natemwa.

Yelemiya 28:14

Yawe Wamaka yonsi, Leza wakwe Izlaeli watavwanga ndi vino amakulika amakoli yavyela ku mitundu ii yonsi, nu kuti yatumikila umwene Nebukadineza waku Babiloni. Watavwanga nu kuti alaleka inyama zya mpanga nazyo kwene zyamutumikila.”