Yelemiya 24:6 - Amazwi Yakwe Leza 2013

⁶ Ndasumba amanso yane pano yali apakuyacitila ivisuma. Ndayaswilizya kuno yafuma. Ndayakuula, ntalayaongolola, awe. Ndayalema, ntalayatukula, awe.

Yelemiya 24:6 交叉參考

Yelemiya 42:10

‘Ndi cakuti mukasi ukwikala umutende umu mpanga ino, ndamukuula ntalamuongolola pansi. Ndamulema ntalamwipa foo, pasi pano nimutezela apa uyi uno namucitile.

Yelemiya 29:10

“Nupya Yawe wavwanga wati suka sile imyaka amakumi cinimbali ino yamupimila ku Babiloni ice isile, alino ndiza mupempule. Ndafikilizya nu ulayo uno nalavile apakumuwezezya umu ncende ii.

Yelemiya 33:7

Ndawezezya Yuda na Yelusalemu isyuko nu kuyasimpa nupya ndi vino nacisile mpiti.

Yelemiya 32:41

Ndatemwa ukuyacitila ivisuma, ndayalema umu mpanga kwene ii, uku mwenzo wane onsi nu ku mupasi wane onsi.”

Yelemiya 12:15

Lelo alala lino nayafumyamo, ndayakwatila uluse, ndawezya na cila muntu uku mpanga yakumwao nu mu vifoloma vyao.

Yelemiya 1:10

Ilelo nakupeela amaka pa mitundu na pali yamwene yayo, amaka ya kutukulula nu kuongolola, amaka akonona nu kulovya, akukuula nu kulema.”

Yelemiya 32:37

“Lolini, ndayakolonganika ukufuma ku mpanga zyuze kuno nayazingile cipyu cipyu, umu ukali wane nu kusoka kwane wakwe cimwi. Ndayawezezya uku ncende kwene ii, muno yalikala usaka.

Masamu 34:15

Yawe aliwe ali kalinda wa ana asuma, nupya wene akauvwa ni nkuta zyao.

1 Petulo 3:12

Pano Mwene akalolekesya pa antu akacita vyawololoke, nu kuvwa mapepo yao. Lelo wene akakanya yao akacita viipe.”

Ezekelo 36:24

Pano nemo ndamufumya ku antu ya mitundu yuze, ndamukolonganika ukufuma ku mpanga izyenyi zyonsi nu kumuwezezya umu mpanga inu.

Yelemiya 23:3

Nemo ndakolonganika nemweneco imfwele zino zyasyala penepo. Indazifumya umu mpanga zyonsi muno zyasalanganile, ndaziwezezya uku macemelo yakwezyo, nga alino lyene zilasandana nu kuvula.

Neemiya 5:19

Caleka we Leza wane, ule walukunjiusya pamulandu ni visuma vyonsi vino nacitila antu yaa.

2 Milandu 16:9

Yawe Leza wako akalola pa nsi yonsi pyu, nu kupeela akapeela amaka akucimvya kuli yayo yano imyenzo yao ikamufukilila. Kwene paa pene wacita ivintu upuwaupuwa. Ali cino fwandi, ukutandika sile ilelo umalwanga inkondo.”

Malango 11:12

Yene ili mpanga ino Yawe Leza winu akasunga nu kuiwaka pee ukufuma pa kutandika kwa mwaka ukufika na pa mpela ya mwaka.

Yelemiya 21:10

Pano natinsumba amanso yane apa musumba uu apa kuuletela isyamo, asi syuko foo. Wene ulapelwa mu makasa ya mwene waku Babiloni, nawe alaoca uku moto. Ivyalanda Yawe.”

Masamu 44:2

Vino wazinzile imitundu yuze ya antu nu kulasika antu yako mu mpanga yao kwene. Wemo wavunukanga imitundu yuze ya antu, nu kuleka antu yako yasanduluke.

Yelemiya 16:15

Lyene yalasenuka yalanda yati, “Umwi zina lyakwe Leza wa umi, wino wafumizye aina Izlaeli mu mpanga yaku katutu nu mu mpanga zyuze zyonsi muno yasalanganile. Pano ndayawezezya umu mpanga yao ino napiile ivikolwe vyao.”

Yelemiya 31:4

Namakukuula nupya, umakuulwa nalyuze we nacisungu wane Izlaeli. Ulaiyemvya nupya. Ulatola nu tungoma twako nu kucina ni nsansa pamwi na yayo atiyasansamuka.

Yelemiya 31:28

Wakwe vino nkulolelanga ukwipa, apa kuwisya, apakuongolola, apakonona na pa kuleta ulanda, ali vino ndakolelela ukukuula na pa kulima. Ivyalanda Yawe.

Yelemiya 33:9

Alino kunondi Yelusalemu alaya izina lyaluzango, ilyalulumbi nu ucindami, umu mitundu yonsi iya pano nsi, lino yaluvwa isyuko lino ndayaletela. Nupya ilaopa nu kuzakaza, apamulandu wa usuma onsi ni cituku consi cino ndayapeela.’ ”

Amosi 9:14

“Ndawezya antu yane aina Izlaeli ku mpanga yao. Yalakuululula imisumba ino yononeka nu kwikala mwenemo. Yalalima vyalo vyamatingi nu kumwa waini wakwevyo. Yalalima imiyanda nu kulya ivyakulya vyakweyo.

Utandiko 44:21

“Musambazi, wemo watunenyile kuti tungaleta muto witu kuno kuti wize umulole.

Ezaya 14:1

Yawe alaya nu luse ku antu amu mutundu wakwe Yakobo, wene alasolola aina Izlaeli nupya alayata yikale mu mpanga yao. Na inamasi kwene yaliza yikale nayo umu mpanga yao kwene. Ainamasi yalailundanya kunoyali nu kulemana na ang'anda yakwe Yakobo.

Ezaya 60:21

Antu yako yonsi pyu yalaya asuma, yalasyukila ni mpanga pee. Umucumi anene nayasimpa, nene nayaumvile apakuti yanena antu yauze vino nemo nacindama.

Yelemiya 39:12

“Umusende nu kumuwaka. Utamucuzya, lelo umucitile icili consi ndi muno akulondela.”