Yelemiya 23:8 - Amazwi Yakwe Leza 2013

⁸ Suka sile ukulapa mwi zina lyakwe Leza wa umi wino wafumizye aina Izlaeli umu mpanga yayela ku kayeya, mu mpanga zyuze muno wayasalanganyizizye. Alino lyene yalikala mu mpanga iyakwao.”

Yelemiya 23:8 交叉參考

Ezekelo 34:13

Ndazifumya mu mpanga zya mitundu yonsi. Ndazikolonganika, nkaziwezezye nu mu mpanga yakwezyo. Ndazicemela mu myamba yamu Izlaeli, ku tunguzi twa manzi, nu mu mpanga zyonsi umwikala antu.

Zefaniya 3:20

Pa nsita ilya indamukonganika, nu kumuwezya ku mwinu. Ndaleka mulumbuke nu kuya alongo, pakasi ka antu amu mitundu yonsi ya pano nsi. Ndamuwezezya uwene winu mule mukulola.” Avino Yawe wavwanga.

Ezekelo 39:28

alino yalamanya ukuti nene indi Yawe Leza wao. Lilyo lino ndapususya azya ku mitundu nu kuyakolonganika mu mpanga yao ukwaula kusya nanti wenga.

Ezekelo 37:25

Yalaikala umu mpanga ino napiile umuomvi wane Yakobo, umwikalanga ni vikolwe vyao. Ali muno na eneco kwene yalaikala amanda pe pamwi na ana yao, kumwi ni vizikulula vyao kwene.

Ezekelo 36:24

Pano nemo ndamufumya ku antu ya mitundu yuze, ndamukolonganika ukufuma ku mpanga izyenyi zyonsi nu kumuwezezya umu mpanga inu.

Yelemiya 23:3

Nemo ndakolonganika nemweneco imfwele zino zyasyala penepo. Indazifumya umu mpanga zyonsi muno zyasalanganile, ndaziwezezya uku macemelo yakwezyo, nga alino lyene zilasandana nu kuvula.

Ezaya 14:1

Yawe alaya nu luse ku antu amu mutundu wakwe Yakobo, wene alasolola aina Izlaeli nupya alayata yikale mu mpanga yao. Na inamasi kwene yaliza yikale nayo umu mpanga yao kwene. Ainamasi yalailundanya kunoyali nu kulemana na ang'anda yakwe Yakobo.

Yelemiya 8:3

Alino asyala yano yalapusuka ku luko kwene lulo ulwipe yalatemwa imfwa kuluta ukuya nu umi, ukuli konsi kuno ndayazingila. Vii ivyalanda Yawe Wamaka Yonsi.”

Yelemiya 16:15

Lyene yalasenuka yalanda yati, “Umwi zina lyakwe Leza wa umi, wino wafumizye aina Izlaeli mu mpanga yaku katutu nu mu mpanga zyuze zyonsi muno yasalanganile. Pano ndayawezezya umu mpanga yao ino napiile ivikolwe vyao.”

Yelemiya 29:14

Ndaleka ukuti munzane, ndamuwezezya ni syuko lyampiti. Ndamukolonganika, apakumufumya mu mitundu yonsi nu mu ncende zyonsi muno namusalanganyizizye.” Ivyalanda Yawe.

Yelemiya 30:3

Insita iliiza lino ndaswilizizya antu yane, aina Izlaeli na ina Yuda isyuko lyao ilyampiti. Alino ndalenga nu kuti yakawelulukile uku kukwata impanga ino napiile ivikolwe vyao” Ivyalanda ne Yawe.

Yelemiya 30:10

“Utaaopa fwandi we muomvi wane Yakobo. Utazakaza we Izlaeli. Ivyalanda ne Yawe. Pano nemo ndakukulula mu mpanga ntali na ana yako mu mpanga ya uzya wao. Yakobo alasyukila nupya ulongo nu mutende, kutalaya nu wakumucuzya.

Yelemiya 31:8

Silola, ndayawezya ukufuma ku kayeya, ndayakolonganika kufuma ku mpela zya pano nsi. Yonsi pyu impafu ni vilema, umwanaci anyomelile na wino ali pakulela, yonsi yalaweluluka kuno wi umba lino litaikulila.

Yelemiya 32:37

“Lolini, ndayakolonganika ukufuma ku mpanga zyuze kuno nayazingile cipyu cipyu, umu ukali wane nu kusoka kwane wakwe cimwi. Ndayawezezya uku ncende kwene ii, muno yalikala usaka.

Ezekelo 28:25

Yawe Simwandalali wavwanga wati, ‘Lino ndafumya aina Izlaeli mukasi ka mitundu muno yayasalanganyizizya, nu kuyakolonganika, alino ndalanga ucindami wane pa manso ya mitundu muli cii cakuti, yalikala mu mpanga ino napiile muomvi wane Yakobo.

Yowelo 3:7

Lelo nemo ndayalondola kuti yawele uku mpanga yao. Asi cico conga, lelo amacuzi yano yapitamo, namwe ayano ndamuwezezya apa mitwe inu.

Ezaya 11:11

Mu wanda ulya Yawe alatumpula nupya ikasa lyakwe, nu kuwezya yonsi yalya yano yasile uku Asilya na Eguputo. Uku Pafulosi, ku Sudani, uku Kusyi, uku Elamu, ku Babiloni, ku Hamati, nga na pa vilila vyamuli yemba.

Yelemiya 16:14

Nga lelo Umwene wavwanga wati, “Lola amanda yaliza lino yalata ukulapa yati, ‘Umwi zina lyakwe Leza waumi uwafumizye aina Izlaeli mu mpanga ya Eguputo.’ ”

Ezekelo 36:35

Nga alino yonsi yalavwanga yati, Silolini ivyalo ivyali mpiti ulwanga, lolini lyene vino vili wa calo ca Edeni. Nga ni misumba iyaongolwike mpiti nu kuisampa nu kusyala vitalang'anda, lolini lyene vino yati yaikuula cipya cipya, nu kupindilizyako amalinga, nga na vino lyene antu yakwikala mwenemo.

Mika 7:15

Yawe akuti, “Ndayalanga ivizungusyo vyane, wakwe vino cali mu manda yano yafumile mu Eguputo.”