Yelemiya 23:6 - Amazwi Yakwe Leza 2013

⁶ Umu manda yakwe akuteeka, antu amu Yuda yalacingililwa, nga na antu amu Yelusalemu yalikala mu mutende. Wene alaamwa ukuti, ‘Yawe ali ololoke witu’.

Yelemiya 23:6 交叉參考

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

Yelemiya 33:16

Insita iyo nga yafikila, antu aku Yuda ale yakululwa, na ina Yelusalemu ale ikala ku matwi cele. Ni zina lyao kumwi nu musumba wao ulaamwa, ‘Yawe Mukuluzi witu.’ ”

Filipi 3:9

nu kuilundanya cuze kunoli. Ndakai ntakweti wololoke ukaiza pa kuyela Masunde. Lelo wololoke uno nkweti ukaiza kupitila mu kuya nu utailo muli Klistu, uno ukafuma kuli Leza nupya wimikwa pa utailo.

Loma 3:22

Leza akacita antu kuya aololoke pa manso yakwe kupitila mu utailo wao muli Yesu Klistu. Leza akacita vivyo ku muntu wensi wataila muli Yesu Klistu, pano Leza ataya na kasoozi.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Danieli 9:24

“Imyaka cinimbali amaila amakumi cinimbali ili nsita ino Leza wika iyakuleka antu yako kumwi nu musumba wamuzilo yaye antungwa ukufuma ku maifyo ni nkota. Amaifyo yalelelwa nu ulungi wa manda pe uye kweneko, apakuti cilolwa nu usemo vikafikiliziwe, nga ni Ng'anda ikulu yamuzilo yakwe Leza ikapelwe kuli Leza nupya.

Yelemiya 32:37

“Lolini, ndayakolonganika ukufuma ku mpanga zyuze kuno nayazingile cipyu cipyu, umu ukali wane nu kusoka kwane wakwe cimwi. Ndayawezezya uku ncende kwene ii, muno yalikala usaka.

Yelemiya 30:10

“Utaaopa fwandi we muomvi wane Yakobo. Utazakaza we Izlaeli. Ivyalanda ne Yawe. Pano nemo ndakukulula mu mpanga ntali na ana yako mu mpanga ya uzya wao. Yakobo alasyukila nupya ulongo nu mutende, kutalaya nu wakumucuzya.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

Zakaliya 10:6

“Nemo ndakomya ang'anda yakwe Yuda, ndatuula ang'anda yakwe Izlaeli, ndayawezezya ukumwao, pano ninjuvwila inkumbu. Yalaya kwati ntatazile injafutatila, pasi pano nemo nene indi Yawe wao, fwandi acino ndauvwa na mapepo yao.

Zakaliya 3:10

Mu wanda ulya, mwemo mwensi mulaamana na inipamba yauzo. Mulaikala mu visao vya mitingi ni misamvu, mumo muno mulaalila amalila ku matwi cele pamwi nayo.’ ” Kuu kuli kuvwanga kwane, ne Yawe Wamaka yonsi.

Zefaniya 3:13

Aina Izlaeli alasyalapo yatalifya ku muntu awe. Yene yatalatumpoka awe, nanti ukulanda ivyaucenjezi, foo. Yalaya nu longo nu kuikalila uku matwi cele, ukwaula nanti aumwi uwakuyasonsomba.”

Obadiya 1:21

Aku Yelusalemu yano yali mu uzya ku Sefaladi yalazanza nu kucimvya aina Edomu, nga nu kuyateeka. Lyene uwene onsi ulaya uwakwe Yawe.”

Obadiya 1:17

“Lelo pa mwamba wa Zioni palikala yamwi alapusuka, alino nu mwamba ulaya uziliziwe. Lilyo kwene ali lino amu mupanda wakwe Yakobo yalapokelela icaupyanyi cao.

Oseya 2:18

Mu wanda ulya ndacita upangano ni nyama zya mpanga, ni vyunyi vyamu lwelele, nga ni viumbwa ivikasela pansi, kuti vitakacitile antu yane iviipe. Nupya ndasisya ulapwa, lupanga, kumwi ni vyanzo vyuze vyonsi vya nkondo, nga nu kuvisisya umu mpanga iyo, kuti yene yikale umi wa mutende.

Oseya 1:7

Lelo nanti cili vivyo nemo ndatemwa amu mutundu wakwe Yuda, nupya ndayatuula uku maka yane, ne Yawe Leza wao. Ntalayatuula apakuomvya ulapwa, nanti amalupanga, nanti mfwalasi na asilika akakwela pa mfwalasi, ndi vino cikaya apakulwa inkondo, awe.”

Ezaya 54:17

Kuu kuli kulanda kwakwe Yawe.

Ezaya 35:9

Mutalaya yacisama nanti ivilyanyi umu nzila iyo. Yayo yano Yawe wakulula ali yano yalapitamo.

Ezaya 45:17

Lelo Yawe alatuula Izlaeli, nga ufyusi wakwe ulaya uwa muyayaya. Antu yakwe yatalazewana nanti ukulengwa insonyi nupya.’ ”

Ezaya 33:22

Pano Yawe ali kapingula witu. Yawe ali kapela wa masunde, Yawe ali Mwene witu. Aliwe akatutuula.

Ezaya 2:4

Alapingwila imitundu yonsi iya antu, nupya aliwe alakaulula imitundu ivule wakwe cimwi, yace yasuke yatole ivipeni nu kusulamo amase, nga na masumo yao nayo yakasulemo ivikwakwa. Kutalatala nupya kuyeko umutundu ulakatukila uuze, nanti ukusambilila ivyankondo.

1 Yamwene 4:25

Mu manda yonsi yano Solomoni wali umumi, Ayuda na ina Izlaeli yatenzi mu mutende, kutandikila ku Dani ukufika nu ku Belisyeba, cila muntu atulizye amatingi nanti amasamvu yakwe.

Ezaya 42:6

“Ne Yawe awewe wemuno naama apakuti ulole ukuti vyaololoke vyacitwa pano nsi. Ndakulemelela apikasa nu ku kusunga, kuti uye icipangano ku antu, kuti uye luswepo lwakuyengesela Akulukuwa.

Yelemiya 29:11

Pano nimanya vino mpanzile ukucita pamulandu namwe, ivyalanda Yawe. Napanga ukumuletela ulongo asi syamo foo. Ukumuletela utailo ni syuko likalamba.

Yelemiya 33:15

Apa wanda kwene ulya na pa kasita kwene kaka, nemo ndaletelapo umwana uwa mpomvu umu mupanda wakwe Davidi, ali wino alalungamika ivintu vyonsi nu kucita ulungami impanga yonsi.

Ezekelo 21:27

Kalanda kasikolo we ononyi we! We ononyi we! Ee, umusumba nkambucite itongwa. Lyene awe kacitale ciye sile, mpaka ace asuke aize wino nasolola ukuti akize akafulule umusumba uu.

Ezekelo 28:26

Yalikalamo ukwaula cakoopa, yalakuula amang'anda nu kulema amatingi, yalaikala ku matwi cele. Nupya lino ndafulula amu mbali mbali zyao yonsi, yano yayasuula, alino yalamanya ukuti nene indi Yawe Leza wao.’ ”

Ezekelo 38:14

Icaleka fwandi, we mwana wa muntu, sesemela Gogi, umunene ukuti, Yawe Simwandalali wati, “Mu wanda ulya, lino antu yane yalikala mutende, uzye kwene umu cumi, utalapanga ukukatuka?

Ezekelo 48:35

Umusumba onsi kuzinguluka wali amamita 9,000 konsi konsi, nu kufuma wanda kwene ulya izina lya musumba lilaamwa ndi vino “Mwene ali Pano!”

Danieli 9:7

Mwene, wewe kacita wa vyaololoke, lelo swemo swe ikazi amu Yudeya nu mu Yelusalemu tukaipupanya lyonsi sweisikulu swemuno wasalanginye mu mpanga zya mupipi ni zya kutali pamulandu wakuti tusi acumi kunuli.

Oseya 1:11

Antu aku Yuda na aku Izlaeli yalayakundanya pamwi cipya cipya, nga nayo yalaisolela intunguluzi yonga. Alino yalatukuta nu kukula mu mpanga yao. Endi uwanda wakwe Yezileele ulaya uwanda ukulu cuze!

Kufuma 9:26

Ku mpanga ya Gosyeni, kuno aina Izlaeli ikalanga, ali cifulo sile cino kutali imvula ya mawe.

Masamu 45:5

Inceto zyako pasi pakukalipa, zikatota izitulinkanya mu myenzo ya anisi yako, yakaiza yaponela pano wimilile.

Ezaya 32:1

Uwanda umwi kuliza umwene muze, wino alateeka nu wololoke, ni vilolo vyakwe vilateeka nu ulungami.

Ezaya 32:18

Umu mpanga ya antu yakwe Leza mulaya ulongo ni cituku, na antu yakwe nayo kwene yatalalola nanti cimwi ica kuyasakamika.

Ezaya 33:5

Yawe wacindama, pano wikala ukwiyulu. Wazuzya Zioni nu ulungami nu wololoke.

Yelemiya 31:23

Yawe Wamaka yonsi, Leza wa ina Izlaeli wavwanga wati, “Lino ndayawezezya isyuko lyao, alino yalaswilizya ukuvwanga umu mpanga yakwe Yuda nu mu misumba yao yati, ‘Yawe kapuute ulutembo pali wewe, we cifulo caulungami, we mwamba ucindami!’ ”