Yelemiya 23:5 - Amazwi Yakwe Leza 2013

⁵ Yawe walanda wati, “Amanda yaliza lino ndasonta Umwene kacita wa vyaololoke, uwa mupanda wakwe Davidi. Aliwe alateeka wa Mwene wampomvu, uwamano nu kucita ivisuma ni vilungame mu mpanga.

Yelemiya 23:5 交叉參考

Ezaya 4:2

Mu wanda ulya umusambo wakwe Yawe ulalemba, ulacindama nu kulumbanyiziwa. Iviseekwa vya mpanga navyo vilacindama. Vyene vilasansamusya antu apusuka amu Izlaeli.

Ezaya 52:13

Yawe wavwanga wati, “Umuomvi wane alacula muli vino alaomba. Alaya umukulu nu kucindikwa wakwe cimwi.

Ezaya 9:7

Uwene wakwe ulandalila konsi konsi. Ulasyukila ulongo ulutalasila. Wene alikala apa cifulo ca wene wakwe Davidi nga nu kuteeka uwene wakwe. Wene alausimpa nu kuukomya umu ulungami nu mu ololoke. Ukutandikila sile pali ndakai ukufika na pano insi ilasilila. Ee, cumicumi, avino Yawe Wamaka yonsi alafikilizya cico.

Zakaliya 3:8

“ ‘Caleka uvwa kunondi, we Yoswa. Wemo wewe Simapepo Mukulu, alino namwe mwe yasimapepo yauze uvwini kunondi. Mwemo mwemwe cimanyililo icakumanyila ivilaya kweneko. Mu cumi indi nu kusokolola umuomvi wane akaamwa ukuti Musambo.

Ezaya 53:2

Ala Yawe umweneco aliwe walanzile ukuti umuomvi wakwe akulile pa cinso cakwe wa muti uwalemwa apume ndi, pano imisisi ikulepola umusili apakutamba pansi. Atalolekanga umucindame nanti umuyembe, cakuti swemo tumwikeko amano. Atakweti usuma uwakuti swemo twalondelela kweneko.

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Umbwilo 19:11

Nupya ndola iyulu lyalekuka, ni mfwalasi itiswe iloleka. Izina lyakwe wino uwakwezilepo yakati, “Uwakutailwa” nu “Wacumi.” Wene ataya na lufyengo mu upinguzi wakwe nanti mu ulwi uno akalwisya.

Amosi 9:11

Yawe akuti, “Mu wanda ulya ndawezezyapo uwene wakwe Davidi, uno ukoline wa citalang'anda, nu kuzifya iviumba vyakweo, mpaka uye vino wali. Ndaukuululula nu kuuwezezya mu mwata uno wayelile mwenemo.

Yelemiya 30:9

Yalatumikila sile Yawe Leza wao nu mwene wao Davidi wino ndayapeela.

Yelemiya 30:3

Insita iliiza lino ndaswilizizya antu yane, aina Izlaeli na ina Yuda isyuko lyao ilyampiti. Alino ndalenga nu kuti yakawelulukile uku kukwata impanga ino napiile ivikolwe vyao” Ivyalanda ne Yawe.

Yelemiya 23:6

Umu manda yakwe akuteeka, antu amu Yuda yalacingililwa, nga na antu amu Yelusalemu yalikala mu mutende. Wene alaamwa ukuti, ‘Yawe ali ololoke witu’.

Ayebulai 8:8

Lelo Leza wazana mulandu mu antu yakwe, lino wavwanga wati, “Manda yakwiza lino nemo ndapanga upangano upya na amu luko lwakwe Izlaeli nga na amu luko lwakwe Yuda.

Yoane 1:45

Filipo azana Natanaeli, amunena ati, “Twati tuzana wino Mose walemvile pamulandu na aliwe mu lupapulo lwa Masunde, wino na yakasema nao kwene yalemvile pamulandu na aliwe mu mpapulo zyao. Wene a Yesu mwana Yosefu uwaku Nazaleti.”

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Danieli 9:24

“Imyaka cinimbali amaila amakumi cinimbali ili nsita ino Leza wika iyakuleka antu yako kumwi nu musumba wamuzilo yaye antungwa ukufuma ku maifyo ni nkota. Amaifyo yalelelwa nu ulungi wa manda pe uye kweneko, apakuti cilolwa nu usemo vikafikiliziwe, nga ni Ng'anda ikulu yamuzilo yakwe Leza ikapelwe kuli Leza nupya.

Yelemiya 31:27

Lolini, insita iliiza, ivyalanda ne Yawe, lino ndatovya mu ng'anda yakwe Yuda imbezu zya antu ni mbezu zya viteekwa.

Yelemiya 22:3

Yawe akuti, ‘Mwacita vyaulungami ni visuma. Mwatuula yayo afyengelekeziwa kuli yano yakayafyenga. Mutacuzya umwinamasi na ana asyale na yamukamfwilwa. Mutacita ulufyengo nupya mutazwisya nu wazi wa antu akaele mu ncende ii.

Ezaya 53:10

Leza nawe ali pakuvwanga ati, Icacumi anene kwene nalonzile ukuti muomvi wane acule, apakuti ku mfwa yakwe akuno kuye impolelwa yakulipila pa ui, pano lyene angakwata impyanyi, angalengela na panonsi, na vino nemo nateinye angaleka ukuti vyacitika ningo.

Yoane 1:49

Natanaeli avwanga ati, “Kasambilizya wewe Mwana wakwe Leza! Wewe Mwene wa Izlaeli!”

Mateo 2:2

Alino yuzya yati, “Uzye wino watavyalwa nupya wino alaya Mwene wa Ayuda ali kwi? Pano twaweni lutanda ku ufumondaka, lwatumanyisya kuvyalwa kwakwe, nga twiza ku kumupepa.”

Ezekelo 34:29

Ndamezya ivyakulya ivya lulumbi mu vyalo vyao, mutalaya nupya ukucula uku nzala mu mpanga ni mitundu italayasuula nupya.

Masamu 80:15

Iza sile ndu pususye umutingi uno we mweneco walemile. Akateeta ka mutingi uno wasya aka maka wakwe cimwi!

Masamu 45:4

We mucindami, kalauka kacimvye, pano swemo tukulonda sile ulongo nu kulungika! Amaka yako yamaleka kuti ukacimvye!

Yelemiya 22:30

Yawe wavwanga wati, “Lembini umuntu wii muti imbulwa ana, umuntu wino atasyuka mu umi wakwe, pano kusi nanti wenga apa ana yakwe, wino alaya nu longo umu umi wakwe, wino alikala pa cilimba ca wene cakwe Davidi, nanti ukuteeka mu mpanga ya Yuda.”

Yelemiya 22:15

Uzye ukuvulilwa imikelide cakulenga ukuya umwene uwaluta antu yauze? Uzye so atailyokizye vyakulya ni vyakumwa? Wene wacitanga ivisuma ni vyaulungi. Caleka wali nu longo muli vyonsi.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

Ezaya 42:6

“Ne Yawe awewe wemuno naama apakuti ulole ukuti vyaololoke vyacitwa pano nsi. Ndakulemelela apikasa nu ku kusunga, kuti uye icipangano ku antu, kuti uye luswepo lwakuyengesela Akulukuwa.

Yelemiya 29:11

Pano nimanya vino mpanzile ukucita pamulandu namwe, ivyalanda Yawe. Napanga ukumuletela ulongo asi syamo foo. Ukumuletela utailo ni syuko likalamba.

Ezekelo 21:27

Kalanda kasikolo we ononyi we! We ononyi we! Ee, umusumba nkambucite itongwa. Lyene awe kacitale ciye sile, mpaka ace asuke aize wino nasolola ukuti akize akafulule umusumba uu.

Ezekelo 45:8

Fwandi ali citungu cino intunguluzi ilaateeka ilakwatako nayo mu mpanga ya ina Izlaeli. Ali pakuti itakacuzya antu nupya ali pakuti ikaleke imitundu ya ina Izlaeli nayo ikaikwatile ivitungu mu mpanga.

Oseya 1:11

Antu aku Yuda na aku Izlaeli yalayakundanya pamwi cipya cipya, nga nayo yalaisolela intunguluzi yonga. Alino yalatukuta nu kukula mu mpanga yao. Endi uwanda wakwe Yezileele ulaya uwanda ukulu cuze!

2 Samueli 23:3

Leza wa ina Izlaeli avwanga, Ciliwe camu Izlaeli icinena citi, “Wino akaateka antu yakwe mu ulungami, wino akateeka umu coopo cakwe Leza,

Masamu 99:4

Mwene uwamaka, awewe watemwa ukulungika, waletela aina Izlaeli ulungi. Wayaletela iviziipe ni vyacumi.

Ezaya 9:5

Pano lyene ulusapato lonsi ulwa ulwi, nanti insalu zyonsi izikandane uku wazi, vimapya pyu uku moto.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Ezaya 33:5

Yawe wacindama, pano wikala ukwiyulu. Wazuzya Zioni nu ulungami nu wololoke.

Ezaya 45:24

“Yene yalavwanga vyapali nene yati, ‘Uololoke na maka vikazanwa sile muli Yawe. Yonsi amupata yaliza kunoli nga yaluvwa insonyi.

Ezekelo 34:16

“Nemo ndapita nkulonda iponge, ndawezya ni ipumbuke, yacilonda nayo ndainyepela icilonda nga nu kupozya ino yalwala. Lelo iine, nupya ikome, yene ndaisunga. Ndazicema nu mulungikila.

Mika 5:3

Caleka Yawe alatazyela Izlaeli, mpaka ukufika na pa nsita ilya, lino mangu wilya wino ali pipi nu kupapa alalela umwana. Lyene asyala amu mutundu wakwe yalaswilila ku ina Izlaeli yauze.