Yelemiya 23:2 - Amazwi Yakwe Leza 2013

² Ali cino fwandi Yawe, Leza wa ina Izlaeli, walanda pamulandu wakwe yakacema, yano yakacema umutundu wa antu yane, wati, “Mwatimuleka imfwele zyane zisalangane nu kululumba. Mutazisakamile foo. Lelo nemo nkumusakamala pamulandu wa vicitwa vinu viipe.

Yelemiya 23:2 交叉參考

Mika 7:4

Umuntu umusuma ukuluta auze ali ungati ivikona, uwacumi nawe akoline cimpinda ca myunga. Uwanda uno Leza alavunuka antu watiufika, ndi vino wayacewile ukupitila muli yakalinda yao, yakasema. Lyene ndakai yatiyavulunganyiziwa.

Yelemiya 21:12

Mwe amu mupanda wakwe Davidi. Mwacita vya ulungi cila katondo. Mwatuula wino yafyenga, wiyo wino yiila mu ucenjezi. Ndi mutangacita cico, ale lyene iviipe vino mukucita vilalenga ukuti ukali wane ukatuke nu kulunkuma wa moto uno kusi nanti wenga angauzimya.

Kufuma 32:34

Ndakai pitanga utungulule antu yayo ku mpanga ino nakunenyile. Waiusya ukuti mungeli wane akaakutungulula, lelo uwanda uliza uno ndavunuka antu yayo pamulandu wi iifyo lyao.”

Yelemiya 23:34

Ndi cakuti kasema umwi nanti simapepo nanti umuntu muze sile wavwanga wati, ‘Icisendo cakwe Yawe,’ ale lyene umuntu wiyo ndamuvunuka kumwi na ang'anda yakwe.

Yakobo 1:27

Upefi uno Leza Tata akalola ukuti uwa mpomvu aewu: ukwazwa ana asyale na yamukamfwilwa mu macuzi yao nga nu kuisunga ku ukakasi uwaya mu nsi.

Mateo 25:43

Pano nali mwenyi namwe mutanzengile, nali musizye namwe mutanzwisile, nali mulwale nupya nali mu ng'anda yaminyololo namwe mutampempwile.’

Oseya 2:13

Ndamuvunuka pamulandu wakuti wene ocile ubani kuli Tubaali mu manda kwene yalya auzevyo. Wene waiyemvizye ni mbalaminwe nga ni viyembelo vya mutengo ukulu cuze, nga alondelela akambwe yakwe. Lelo nemo atanjiwisye, awe. Avino Yawe wavwanga.

Yelemiya 13:21

Uzye lyene mulalanda uli lino antu kwene yayo yalamufutuka yatandike nu kumuteeka, antu yano mwelenganyanga ukuti ali yacuza inu? Kwene cilamuwaya vivi kwene vino umwanaci akauvwa apakulela.

Yelemiya 11:22

Caleka Yawe wavwanga ati, “Nemo ndayavunuka! Alumendo yao yalakomwa ku nkondo. Na ana yao yalafwa ku nzala.

Yelemiya 8:12

Insonyi zilinzile kuyalema apa vicitwa vyao iviipe, ivya lupato. Lelo camupamba yene yasyauvwa insonyi, awe. Icaleka fwandi yalapona pamwi na ali nu kupona. Lelo ndiza njavunuke, yalasumbwa pansi.’ ” Ivyalanda ne Yawe.

Yelemiya 5:29

Yawe walanda wati, “Uzye ntange njavunuke pa vintu vii? Uzye kwene ntange njilandwile pa luko lwa mwata ndi uu?

Yelemiya 5:9

Uzye kwene mwati ntalayavunuka apa vintu vii vyonsi nu kucita icilanduzi pa antu amu luko ululi ndi luu? Ivyalanda ne Yawe.

Mateo 25:36

Nali musizye namwe mwanzwisile. Nali mulwale namwe mwantumikile. Nali mu ng'anda yaminyololo namwe mwizile mumpempula.’

Yelemiya 10:21

Nani ali pakwasuka inti, “Intunguluzi zitu izitumpe. Zyene zisiuzya Mwene vino angazitungulula. Uli mulandu uno zyene zyaposiwa, nga na antu itu yasalangana.

Yelemiya 13:17

Ndi cakuti mwemo musyakumuvwa, nemo ale namalililanga mu umfisolo. Apamulandu wa vilumba vinu, namalilisya wakwe cimwi cakuti na misonzi yamalukutanga. Apamulandu sile wakuti antu ya Mwene yatiyasendwa mu uzya.

Yelemiya 13:20

Mwe ina Yelusalemu, tumpulini amanso mulole! Anisi inu ayayo yakufuma ku kayeya. Uzye antu yano mwemwe mukasunga yali kwi, yano mwakwatila cilumba?

Yelemiya 44:22

Asi papo, ukufika napilelo impanga inu yononeka mutacili nanti umwi uwakwikala mwenemo. Antu yauze yakazunguka sile, apakulola vino cili, ni zina linu, ali lino yakaomvya apakutipwila. Pasi pano Yawe wasusile waposiwa ukuzizimizya apa miyele inu ni misango inu iipisye.

Ezekelo 34:5

Zyapasiike, pamulandu wa kuulilwa kacema. Lyene zyasangwike icakulya ca cilyanyi icili consi, zyasasantike.

Zakaliya 11:16

Pasi pano ninsonta umuntu wenga mu mpanga akucema imfwele zyane. Wiyo wene asikusakamala kucingilila imfwele zino zikuzanza, asikwazwa ni zikuluwantika, asikupozya izikucisika nanti kulisya izikusyala penepo. Wene apunukile sile ku kulya izisuma iziine nu kuzifyontola inkamba.

Yelemiya 17:10

Nene ne Yawe nkaceceta umwenzo wakwe cila muntu, nu kwezya amano yakwe. Nkapeela na cila wenga ukulingana ni micitile yakwe, ukulingana ni milimo yakwe ino akacita.”

Zakaliya 10:3

Yawe wavwanga wati, “Nemo natinsokela akateeka antu yane, nupya nasya njavunuke. Ayuda ala antu yane ne mweneco, nene ne Yawe Wamaka yonsi ndayawaka. Yalaya wa mfwalasi zyane zyamaka zyakulwilapo inkondo.