Yelemiya 23:12 - Amazwi Yakwe Leza 2013

¹² Ali cino fwandi umu nzila yao mulazula iviwina. Lino yapamviwa ukupita mwenemo umu mfinzi, yalapona. Pasi pano umwaka wakuyavunuka lino ulafika, ndayaletela uononesi. Ivyalanda ne Yawe.

Yelemiya 23:12 交叉參考

Yelemiya 13:16

Mwacindika Yawe Leza winu lino atacili waleta akalanda. Lino mwemo mutacili mutandike ukuipumola uku myamba pamulandu ni mfinzi. Lino uluswepo luno mwemo mukalolela atacili walusangula luye imfinzi.

Yelemiya 11:23

Insita ndi yaca yafika ino nemo nteyanyizizye ukufulula aina Anatoti, awe cumi kutalasyala nanti wenga.”

Mapinda 4:19

Inzila ya antu aipe, yaya wa mfinzi usiku, yene yatange yamanye cino yakupumikako.

Masamu 35:6

Umu nzila yao muno yakupita, namo mufite fititi, nu kutelepa mutelepe lino umungeli wakwe Yawe afumile akuyasimuzya!

Yoane 12:35

Yesu avwanga ati, “Mumaya nu luswepo pa kasita kanono. Mwapita lino muli nu luswepo, pakuti mfinzi itangaya panomuli. Pano wino akupita mu mfinzi asimanya na kuno akuya.

Ezaya 8:22

limwi iyatumbwila sile amanso pansi. Awe cumi icauwelewele sile, iyazana imfinzi, nayo iyamalanda sile. Apa nsita iyo iya cimvulunganya, antu yatalalola apakufyonsezya.

Masamu 73:18

Ukuya kwene umucumi, wayaika muli kafuli mukonko nupya ukuyasunkilizya ukwakuti yace yapongelele!

Kufuma 32:34

Ndakai pitanga utungulule antu yayo ku mpanga ino nakunenyile. Waiusya ukuti mungeli wane akaakutungulula, lelo uwanda uliza uno ndavunuka antu yayo pamulandu wi iifyo lyao.”

Yuda 1:13

Yakolana na maimbi yamaka apali yemba, ni vicitwa vyao vyansonyi vikaloleka wa kufuluma kwi tomvu. Yakolana ni ntanda zikazeuluka. Antu yaa, Leza wayateyanyizizya icifulo ca mfinzi ikomesye iyape.

1 Yoane 2:11

Lelo wino wensi uwapata umwina wakwe wene ali mu mfinzi. Wene akapita mu mfinzi nupya atamanya kuno akuya, pano mfinzi yamupafuzya.

Mika 7:4

Umuntu umusuma ukuluta auze ali ungati ivikona, uwacumi nawe akoline cimpinda ca myunga. Uwanda uno Leza alavunuka antu watiufika, ndi vino wayacewile ukupitila muli yakalinda yao, yakasema. Lyene ndakai yatiyavulunganyiziwa.

Yelemiya 50:27

Komolini alumendo ya nkondo yano yakwata yonsi. Muyafyemfyente! Iye mwe, amanda yayazana! Amanda yafika akuvunuka aina Babiloni!

Yelemiya 48:44

Wiyo wensi amapuuka pamulandu ni ntete, alaponela mu ucinga. Na wino alafuma mu ucinga alalemwa mu viteyo. Pano vikwene ali vino ndavunukilako Moabu umu nsita yakononwa kwakwe, ivyalanda ne Yawe.

Yobo 18:18

Yamufumye umuswefile, nu kumusumba umu mfinzi. Yamuzinge muno nsi.

Malango 32:35

Yawe alalandula pa vicitwa vyao nu kuyavunuka. Insita ilafika lino yalasyelemuka yapone. Uwanda wa kuzanzwa kwao wapalama.

Masamu 82:5

Yene imbutuma nupya atumpe! Imiyele yao itazifile nanti panono, nu ulungami cili kwati watiufuma muno nsi.

Nyimbo zya ndosya 2:20

Silola, we Mwene! Uzye apacani cino ukutuvunuka mu musango kwene uu? Uzye anaci yalinzile kulya ivyala vya ana yao yano yatemilwe wakwe cimwi? Uzye antu yalinzile kukomola yasimapepo na yakasema umu Ng'anda yako kwene ikulu?

Yelemiya 8:12

Insonyi zilinzile kuyalema apa vicitwa vyao iviipe, ivya lupato. Lelo camupamba yene yasyauvwa insonyi, awe. Icaleka fwandi yalapona pamwi na ali nu kupona. Lelo ndiza njavunuke, yalasumbwa pansi.’ ” Ivyalanda ne Yawe.