Yelemiya 22:3 - Amazwi Yakwe Leza 2013

³ Yawe akuti, ‘Mwacita vyaulungami ni visuma. Mwatuula yayo afyengelekeziwa kuli yano yakayafyenga. Mutacuzya umwinamasi na ana asyale na yamukamfwilwa. Mutacita ulufyengo nupya mutazwisya nu wazi wa antu akaele mu ncende ii.

Yelemiya 22:3 交叉參考

Yelemiya 21:12

Mwe amu mupanda wakwe Davidi. Mwacita vya ulungi cila katondo. Mwatuula wino yafyenga, wiyo wino yiila mu ucenjezi. Ndi mutangacita cico, ale lyene iviipe vino mukucita vilalenga ukuti ukali wane ukatuke nu kulunkuma wa moto uno kusi nanti wenga angauzimya.

Mika 6:8

Awe, Yawe wakulanga mpiti, we muntu we, icintu icisuma. Ivintu vino wene akasi kuti wacita aivi: Uwacita vilungame nu kuya na mizu, nga nu kupita mu ufuke pa manso yakwe Leza wako.

Yelemiya 22:17

Lelo wemo amanso yako nu mwenzo wako vyalola sile ku kuizanzya we mwisikulu. Wemo ukakoma antu akaele nu kuomvya uluku uluku antu yako.

Yakobo 1:27

Upefi uno Leza Tata akalola ukuti uwa mpomvu aewu: ukwazwa ana asyale na yamukamfwilwa mu macuzi yao nga nu kuisunga ku ukakasi uwaya mu nsi.

Ezekelo 22:7

Mu musumba uu mutaya nanti wenga akacindika akwasi yakwe. Wemo ukacenjezya aenyi, nupya ukafyenga yamukamfwila na ana asyale.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Yowelo 3:19

“Lelo Eguputo alasyala wa citotela. Edomu nawe alasyala wa lwanga, pamulandu wa nkondo ino yaponyizye apa antu aku Yuda nga na pamulandu wa kuzwisya uwazi uwakaele umu mpanga yao.

Yelemiya 9:24

Ndi umwi akasi kuyuvwa, alinzile wayuvwa apakumanya nene nu kwiluka vino naya, pamulandu wakuti nene indi Yawe wino akacita uluse. Nupya nkacita vyaulungami ni vyaololoke umu nsi, pano vii vili vintu vino vikanzanzya. Ivyalanda ne Yawe.”

Yelemiya 5:28

Yaya antu yamwi aine nupya atozoke indilwa, nga ni vicitwa vyao iviipe wakwe cimwi. Yene yasipela ana asyale insambu zyao nanti kucita vyaulungi kuli yao azunyiwa.’ ”

Ezaya 1:23

Intunguluzi zyako zyatizitalama, iziya a yacuza ya ivi. Lyene yakazumilizya utwawila na mafukakanwa. Yatangeyezye lyene ukuvwangila ana yasyale mu cilye nanti ukuvwa ku ntazi zyakwe yamukamfwilwa.

Mapinda 23:10

Utalelula yanande yampititi acitungu cako, nanti ukupokolola imisonso yakwe ya ana asyale.

Masamu 68:5

Leza, wiyo akaikala umwi sano lyakwe ilyamuzilo, ali wino akasunga ana asyale, nu kuvwangila yamukamfwilwa.

2 Yamwene 24:4

Makamaka apamulandu uwa uno wakomile antu akaele umu Yelusalemu. Apamulandu uo, awe kwene Yawe wene atalondanga nanti panono ukuyakwatila uluse.

Malango 24:7

“Wensi uwafunsya umwina Izlaeli muze nu kumucita umuzya nanti ndi wamukazya, wiyo wene uwa kukoma sile.

Yelemiya 26:16

Intunguluzi pamwi na antu yonsi ali pakunena yasimapepo pamwi na yakasema yati, “Umuntu wii atalinzile ukufwa, pano watusundila umwi zina lyakwe Yawe Leza witu.”

Mapinda 6:17

Amanso ya cilumba, ululimi lwaufi, iminwe ikazwisya uwazi wakaele,

Masamu 94:21

Yene yakalwisyanya na antu asuma, nu kuzwisya uwazi wa muntu wakaele.

Masamu 94:6

Yakakoma yamukamfwilwa na ayenyi, nu kutala akatwe ku ana asyale.

Yobo 24:9

“Lyene antu kwene yayo yakasompola ana asyale ukwi yele, nga yapoka na ana ya alanda pakuti yaye wakwe kamukole. Apakuyakulula, suka alanda yayo yatala yalipila impa zyao, zino yayapingwilile.

Yobo 22:9

Watazyelanga yamukamfwilwa uleka yapita ukwaula utwakuyalongelezya. Alino na ana yacisyale nayo kwene wayacitanga wanyawanya.

2 Samueli 23:3

Leza wa ina Izlaeli avwanga, Ciliwe camu Izlaeli icinena citi, “Wino akaateka antu yakwe mu ulungami, wino akateeka umu coopo cakwe Leza,

Malango 27:19

“ ‘Katipwe kuli Leza wiyo wensi akafyenga umwinamasi, ana asyale, na yamukamfwilwa.’ “Lyene antu yonsi yalalanda yati, ‘Ee mukwai! Kaciye vivyo kwene!’

Malango 25:1

“Ndi cali aina Izlaeli yamwi yaili yapusana nga yatwala umulandu ku cilye ca milandu pakuti yayapingwile, nga lyene wenga wazanwa ukuti asi nu mulandu lelo umuze ali wa mulandu.

Malango 10:18

Wene akasakamala ukuti ana asyale na yamukamfwilwa yatafyengwa. Wene watemwa ainamasi akaikala na antu itu, nupya akayapeela ivyakulya ni vyakuzwala.

Aina Levi 19:15

Uye umufumacumi lino ukupingula imilandu. Utacita kasoozi pakasi ka muntu mupina nu mukama. Lelo wapingula umuntu muzo mu ulungami.

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Kufuma 22:22

Mutacuzya mukamfwilwa nanti umwana musyale.

Mateo 23:23

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukapela kuli Leza cikumi ca pa vilimwa vyonsi ivikanunkizya vyakulya vili wakwe kanyenze ni vinzali. Lelo mwatazyela vintu vikulu kuluta, vyamu Masunde wakwe vii. Upinguzi wa mulinganya, mizu nu ufuma cumi. Mulinzile mwacita vii vyonsi kwaula kutazyela vimwi.

Kufuma 22:21

“Mutacuzya nanti kuzunya mwinamasi. Mwaiusya ukuti namwe kwene mwali ainamasi mu Eguputo

Ezaya 58:6

Nemo nkuti ukuta ukulya ukwa mpomvu kuno ningatemwa aeku: ukusapula yano yanyepa umu ng'anda yaminyololo pamulandu wa lufyengo. Ukutankola insinga zya makoli yao, ukuta yano yakafyengelekezya pakuti yaikalila aeneco.

Ezaya 58:7

Ukwankanya icakulya cinu kuli yano yatakweti, ukupokelela apina umu ng'anda inu, yano yatakweti ukwakwikala. Ukwazwilizya antu yano mukulola ukuti kwene yasizya. Mutafisa ukulanga antu inu uku mwinu.

Yelemiya 7:23

Lelo nayapile ilamulo lii lyakuti, mwayela amazwi yane, pakuti nje Leza winu nga namwe mulaya antu yane. Nupya mwapita umu nzila zyonsi zino nkumulanga, alino mulaya nu longo.

Yelemiya 19:4

Ndacita cico pamulandu wakuti antu yane yantazyela nu kukowezya incende ii pakupeela penepo impolelwa kuli tuleza tuze tuto tuno yene nanti vikolwe vyao nanti yamwene amu Yuda yatamanyilepo nanti cimwi. Yene yazuzya uwazi wa antu akaele umu ncende ii.

Nyimbo zya ndosya 3:36

Ukufyenga umuntu umu cilye ca milandu, nako kwene asilonda, awe.

Ezekelo 18:12

akacuzya mupina nu mulanda, akapokolola vya eneco ku maka, asiwezya vino wazima, akatumpwila amanso ku tuluwi, akacita vyawinyi,

Ezekelo 45:9

Yawe Simwandalali avwanga ati, “Mwe ntunguluzi zya ina Izlaeli, awe mwaifya pavula! Tiini ukakasi winu nu mucuzya winu. Mwacita vyaulungami, muye nu mulungikila. Mutakaswilizye nupya ukuzinga antu yane mu mpanga yane. Ivyalanda ne Yawe Simwandalali.

Amosi 5:24

Lelo lekini ulungami winu wakonkoloka wa luzi, nu ololoke winu wa kaluzi kano kasipwa.

Malango 24:17

“Mutaezya kufyengelekezya ainamasi na ana asyale pa nsambu zyao. Nupya mutaezya kutoola cakuzwala cakwe mukamfwilwa kuti ciye kamukole pa nkongole zino amukwatile.

Masamu 82:4

Tulini yayo azunyiwa na yayo aulilwa. Yapususyini uku antu aipe, amaka!”

Ezekelo 18:7

Asifyenga umuntu ali wensi, lelo akalipa kamukole apakwazima. Asipoka kantu ku maka, akapeela uwanzala vyakulya nu kuzwika wiyo ali tupu.

Amosi 5:15

Patini iviipe, temwini ivisuma. Sininkizini ukuti mukucita ulungami mu matengo inu amilandu. Namanye limwi alino Yawe Wamaka yonsi alaya na mizu pa antu yonsi asyala amu mutundu wakwe Yosefu.