Yelemiya 22:16 - Amazwi Yakwe Leza 2013

¹⁶ Wene waputwilanga apina imilandu kumwi na aulilwa, acino wali nu longo muli vyonsi. Uzye vivyo asi ali kumanya nene? Ivyalanda Yawe.

Yelemiya 22:16 交叉參考

Yelemiya 9:24

Ndi umwi akasi kuyuvwa, alinzile wayuvwa apakumanya nene nu kwiluka vino naya, pamulandu wakuti nene indi Yawe wino akacita uluse. Nupya nkacita vyaulungami ni vyaololoke umu nsi, pano vii vili vintu vino vikanzanzya. Ivyalanda ne Yawe.”

Ezaya 1:17

Tiini ukwifya. Sumbini amano ku kuzifya. Sumbini amano inu ku kucita ivya ulungi. Mwaazwilizya antu akafyengwa. Mwapingula ningo ana asyale. Mwaazwilizyako yamukamfwilwa.”

Tito 1:16

Yene yakati yamanya Leza, lelo vicitwa vyao vikayasinila ukuti mu cumi yatamumanya. Yene yaya nu lupato nupya yasyayela Leza. Yene yasi antu ampomvu angacita cisuma cili consi.

Yoane 17:3

Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.

Yelemiya 9:16

Namayasalanganyizizya umu antu amu mitundu yuze ino alio nanti ivikolwe vyao vitatazile vyuvwe. Ndayatumila ivita vya anisi yao mpaka viyalovye.”

Masamu 109:31

Yawe akavwangila umupina, nu kumupususya kuli yao akamupingwila ukufwa.

Masamu 9:10

Antu amanya we Yawe yangala yakutaila. Akakulonda we Yawe usiyatazyela.

Yelemiya 5:28

Yaya antu yamwi aine nupya atozoke indilwa, nga ni vicitwa vyao iviipe wakwe cimwi. Yene yasipela ana asyale insambu zyao nanti kucita vyaulungi kuli yao azunyiwa.’ ”

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

Yoane 17:6

“Nati ndenga kuti antu yano wampile kufuma mu nsi yakumanye. Yene yali akwako, nga nawe wayampile. Yene yakayela mazwi yako,

Yoane 16:3

Antu yalacita vintu vii kunomuli pano yatamanya Tata, nanti anene.

Yelemiya 9:3

Lyonsi sile yene yatemwa ukusomba vyaufi. Yene intumpu azino zyateeka insi. Yawe wavwanga wati, “Antu yane yakomela sile ukucita ivintu viipe, nupya yakana nu kumanya.

Yoane 8:19

Nao yamuzya yati, “So alikwi?” Yesu aasuka ati, “Mutamanyile nene nanti a Tata. Ndi mumanya nene nga mwamanya na Tata kwene.”

1 Samueli 2:2

“Kutaya nanti aumwi uwamuzilo wakwe Yawe. Kutaya nanti aumwi akoline nawe we Yawe, kutaya nanti wenga angacingilila wakwe Leza witu.

Masamu 36:10

Twalilila uluse lwako kuli yao akumanya, nu ulungami wako kuli yao aswepe imyenzo.

Mapinda 31:9

Uwalanda nu kupingula ivilungame. Uwapeela insambu ku apina na kuli yayo alinzile ukwazwiliziwa.

Mika 6:8

Awe, Yawe wakulanga mpiti, we muntu we, icintu icisuma. Ivintu vino wene akasi kuti wacita aivi: Uwacita vilungame nu kuya na mizu, nga nu kupita mu ufuke pa manso yakwe Leza wako.