Yelemiya 22:11 - Amazwi Yakwe Leza 2013

¹¹ Pano vii avino Yawe walanda pamulandu wakwe Syalumu umwana umonsi wakwe Yosiya, wiyo uwapyanyile isi pa cilimba ca wene waku Yuda lelo wafumamo umu ncende ino nupya atalatala awele.

Yelemiya 22:11 交叉參考

1 Milandu 3:15

Ana aonsi yakwe Hosiya aeya: Yoanani uwali iyeli, wakwe ciili a Yeoyakimu, wakwe citatu a Zedekiya, wakwe ciini a Syalumu.

2 Yamwene 23:34

Alino Falao Neko asonta Eliakimu, umwana umonsi wa mwene Yosiya, kuti aye umwene uwamu Yuda. Nga asenula izina lyakwe ati a Yeoyakimu. Lelo Neko asenda Yeowazi uku Eguputo, akuno asuka afwila.

2 Milandu 34:22

Hilikiya na antu yano umwene Yosiya watumile ali pakukatuka nu kuya uzya kasema umwanaci, wino izina lyakwe a Hulida, uwikalanga mu Yelusalemu, umu citente icipya. Iya wali a Syalumu umwana umonsi wakwe Tokati, nupya umwizikulu wakwe Hasila. Syalumu ali wino wasunganga vyakuzwala vyakwe yasimapepo ivyamu Ng'anda ikulu yakwe Yawe. Fwandi ali vino yamutuzile umulandu uo.

2 Milandu 28:12

Lyene intunguluzi zimwi izyamu Efulemu, wakwe Azaliya umwana umonsi wakwe Yeoanani, Belekiya umwana umonsi wakwe Mesyilemoti, Yeizikiya umwana umonsi wakwe Syalumu, na Amasa umwana umonsi wakwe Hadilai, yakatuka kuti yalwe na yayo afisile ukufuma ku kulwa inkondo.

2 Yamwene 23:31

Yeowazi wali ni myaka yakuvyalwa amakumi yaili na itatu apa nsita ino watandike ukuteeka, nga wateesile mu Yelusalemu imyezi itatu. Nyina wali a Hamutali umwana wakwe Yelemiya. Wene wali uwaku Libina.

2 Yamwene 23:30

Inkombe zyakwe ali pakwika icala cakwe umwi celeta nu kuciswilizya uku Yelusalemu. Akuno yaya yamuzika, uku nzisi zino yazikanga mwenemo yamwene aku Yuda. Antu amu Yuda ali pakutoola Yeowazi, umwana wakwe Yosiya kwene awino iyasonta apa wene.

Zefaniya 1:1

Mu manda yakwe Yosiya, umwana wakwe Amoni, umwene waku Yuda, Yawe wapile Zefaniya amazwi. Zefaniya wali umwana wakwe Kusyi, umwana wakwe Gedaliya, umwana wakwe Amaliya, umwana wakwe Hezekiya.

2 Yamwene 23:29

Lino Yosiya wali apa wene, Falao Neko umwene waku Eguputo waile ni vita vyakwe uku nkondo, uku Luzi lwa Yufulate uku kuya azwilizya umwene waku Asilya. Umwene Yosiya alonda ukulesya ivita vyaku Eguputo apa Megido. Na lino yacili yakulwa, ali vino yakomile Yosiya.

Yelemiya 22:27

Nupya kutalatala kuye ukuweluluka umu mpanga ino mukalukisya wakwe cimwi.”