Yelemiya 22:10 - Amazwi Yakwe Leza 2013

¹⁰ Mwe antu amu Yuda mutalilila umwene Yoaazi. Mutalilila imfwa yakwe. Lelo lililini Yoaazi, wino yakusenda ku uzya, pamulandu wakuti wene atalatala awele, nu kwiza lola impanga muno wavyalilwe.

Yelemiya 22:10 交叉參考

Yelemiya 22:11

Pano vii avino Yawe walanda pamulandu wakwe Syalumu umwana umonsi wakwe Yosiya, wiyo uwapyanyile isi pa cilimba ca wene waku Yuda lelo wafumamo umu ncende ino nupya atalatala awele.

Kasambilizya 4:2

Nkakumbwa yayo afwa, yano yatusya mpiti. Yene yazipapo ukuluta yayo acili nu umi.

Nyimbo zya ndosya 4:9

Yayo akomilwe ku lupanga yasyusile wakwe cimwi ukuluta yano yafwile pacisila, yayo yongokanga panono panono, apa kuulilwa ivyakulya kuti yaye nu umi.

Ezaya 57:1

Umuntu mololoke akafwa, lelo kusiya nanti wenga uwakuti ailuke nanti ukusakamala foo. Antu yololoke lino yasendwa, ala yakululwa uku ui, apakuti iyaya yikala umu longo.

2 Yamwene 22:20

Ukuvunukwa kwa aikazi amu Yelusalemu kutalacitika lino ucili nu umi. Ntalazumilizya iviipe kuti vicitike kunuli mpaka lino ulafwa.” Alino antu yaya iyaswilila ku mwene Yosiya nga yamunena amazwi yaa.

Luka 23:28

Yesu aseleukila kunoyali ayanena ati, “Mwe anaci amu Yelusalemu, mutandilila, lelo muililile mweisikulu na ana inu.

Yelemiya 22:18

Caleka Yawe wavwanga apamulandu wakwe Yosiya umwana umonsi wakwe Yeoyakimu, umwene waku Yuda, ati, “Kusi nanti umwi alamulosya, ‘Silolini vino caipa wakwe cimwi mwe yacuza yane!’ Kusi nanti umwi alamulila ati, ‘Mwene wane! Musambazi wane!’

2 Milandu 36:4

Neko watozile Eliakimu, umwina wakwe Yeowazi, nu kumulasika pa cilimba ca wene waku Yuda na Yelusalemu. Asenula ni zina lyakwe ati umaamwangwa Yeoyakimu. Yeowazi wene asendwa uku Eguputo kuli Neko kwene.

Yelemiya 16:7

Kutalaya nanti wenga uwakumokwela umukate kuli yano yakulosya apakuyatekezya umwenzo pali yano afwililwe. Kutalaya nanti wenga wakumumwesya amanzi akumutonsya ku mwenzo apa kulosya isi nanti nyina.”

Yelemiya 25:27

Nga alino lyene Yawe avwanga kunondi ati, “Nena antu ukuti ne Yawe Wamaka yonsi, Leza wa ina Izlaeli nayanena ukuti yamwe yakoleke yaluke nu kuluka. Yasuke yapona na pansi cakuti yaposiwe nu kukatuka apamulandu ni nkondo ino nkutuma kunoyali.

Yelemiya 28:4

Ndawezya na Yeoyakini umwana wakwe Yeoyakimu umwene waku Yuda nga na azya yonsi aku Yuda yano yasenzilwe ku Babiloni. Ndakontola iyoko lya mwene waku Babiloni.” Ivyalanda Yawe.

Yelemiya 42:18

“Yawe Wamaka yonsi, Leza wa ina Izlaeli wavwanga wati, ‘Vino ukali wane ni cipyu cane vyaponile akaya aku Yelusalemu, ali vino cipyu cane cilamuponela ndi mwaya ku Eguputo. Mulaya antu yamwi atipwe na asulwe. Mutalatala musyukile incende ii nupya.’ ”

Yelemiya 44:14

Alino apa antu asyalapo mu Yuda, yano yaile ku Eguputo ku kwikala, patalapusuka nanti wenga uwakuti akaswilile uku mpanga ya Yuda, ino yene yakalukisya wakwe cimwi ukuya ikala mwenemo. Pano kwene patalapusuka nanti wenga, suka sile imbutusi zimwizimwi.”

Ezekelo 24:16

“We mwana wa muntu, nemo namakupumikizya pa kusenda umuntu wino watemwisya wakwe cimwi. Fwandi wemo cisi cakwezya ukuilizyanyapo, nanti kupomola impooma nanti kulukusya aminsozi.

2 Yamwene 23:29

Lino Yosiya wali apa wene, Falao Neko umwene waku Eguputo waile ni vita vyakwe uku nkondo, uku Luzi lwa Yufulate uku kuya azwilizya umwene waku Asilya. Umwene Yosiya alonda ukulesya ivita vyaku Eguputo apa Megido. Na lino yacili yakulwa, ali vino yakomile Yosiya.

Yelemiya 22:27

Nupya kutalatala kuye ukuweluluka umu mpanga ino mukalukisya wakwe cimwi.”