Yelemiya 21:12 - Amazwi Yakwe Leza 2013

¹² Mwe amu mupanda wakwe Davidi. Mwacita vya ulungi cila katondo. Mwatuula wino yafyenga, wiyo wino yiila mu ucenjezi. Ndi mutangacita cico, ale lyene iviipe vino mukucita vilalenga ukuti ukali wane ukatuke nu kulunkuma wa moto uno kusi nanti wenga angauzimya.

Yelemiya 21:12 交叉參考

Ezaya 1:17

Tiini ukwifya. Sumbini amano ku kuzifya. Sumbini amano inu ku kucita ivya ulungi. Mwaazwilizya antu akafyengwa. Mwapingula ningo ana asyale. Mwaazwilizyako yamukamfwilwa.”

Yelemiya 4:4

Sungini upangano uno ne Yawe napangine namwe. Mutuule imyenzo inu kunondi mwe antu amu Yuda na amu Yelusalemu. Ndi cakuti mwakana ukucita cico, ale lyene ukali wane ulalunkuma wa moto pamulandu wa vintu viipe vino mwacita. Wene ulalunkuma wa moto, nupya kusi nanti umwi alauzimya.”

Ezaya 1:31

Vivi kwene vino icimbilimbili cikaoca icimuti icume, ali vino na antu yamaka yalapila pamwi ni vicitwa vyao. Nupya kutalaloleka umuntu nanti wenga alalesya ukuti antu yayo yakane ukononeka.

Zefaniya 3:5

Lelo Yawe acili mu musumba uo, nupya wene akacita vyaololoke. Wene asicita iviipe. Cila katondo wene akapingwila antu yakwe, ukwaula kuposiwa. Lelo yakaifya yakatwalilila ukucita iviipe nupya yasi na nsonyi.

Naumi 1:6

Lino wene wasoka, uzye aweni angimilila pa manso yakwe Yawe? Aweni angaposya ukali wakwe uwakofya? Ukali wakwe ukafuluma kwati icimbilimbili ca moto, na mawe iyavungoka pa manso yakwe.

Yelemiya 36:7

Limwi yangasuka yapapate kuli Yawe yate ni misango yao iipe. Pano kwene Yawe wayapangila wakwe cimwi, ukuyacitila cimwi cikali nupya cipyu cipyu.”

Yelemiya 17:4

Mulafumbatula iminwe ku vyaupyanyi vino namupiile. Ndamucita azya ku anisi inu umu mpanga ino mutamanyile, pamulandu wa cipyu cane cino cikoline wa moto umuntazima.”

Yelemiya 7:20

Ali cino Yawe Simwandalali akuti, “Ukali wane ni cipyu cane vilaponela apa ncende ii. Vilaponela umuntu ni nyama kwene, imiti ya mpanga ni viseekwa kwene. Ukali wane ulaya wa moto uno kusi nanti wenga angauzimya.”

Yelemiya 5:28

Yaya antu yamwi aine nupya atozoke indilwa, nga ni vicitwa vyao iviipe wakwe cimwi. Yene yasipela ana asyale insambu zyao nanti kucita vyaulungi kuli yao azunyiwa.’ ”

Loma 13:4

Kateeka wene umuomvi wakwe Leza, wino wasonta kuti aombela antu visuma. Acino ndi wacita ciipe lyene uye ni ntete pano kateeka akweti nsambu zya kukupingula. Wene umuomvi wakwe Leza uwapeelwa mulimo wakupingula yampula masunde.

Luka 1:69

Watapela kunotuli Katuula wa maka, uwamu luko lwakwe Davidi.

Ezekelo 22:31

Fwandi nemo ndayafulumila ukali wane nu kuyonona ndi vino umoto ukacita, pakuti nkayafulule pamulandu wa vintu vino yacita. Ivyalanda ne Yawe Simwandalali.”

Nyimbo zya ndosya 4:11

Umwene watafusya ukali wakwe. Wene wakozizye umoto umu Zioni uno wosile Zioni nu mu mifula kwene.

Yelemiya 23:19

Icipunga ca ukali wakwe Yawe caticikatuka, na nkungulupya kwene watakatuka wiyo wino alaponela pa mitwe ya antu aipe.

Yelemiya 5:14

Acino Yawe avwanga kunondi ati, “We Yelemiya, pamulandu wakuti antu yaa yatiyavwanga ivintu vyamusango ndi uu, nemo ndaleka amazwi yane yaye wa moto umu tunwa twao. Nupya antu yaa yalaya wa nkwi, nga nu moto ulayoca mpaka yalokote.”

Ezaya 7:13

Lyene Ezaya avwanga ati, “Uvwa kuno, we mwizikulu wakwe Davidi! Wemo wamanya mpiti ukuti ukucuzya antu icintu cimwi iciipe sana. Ale lyene icani fwandi cino wemo ukulonda ukucuzya nu Mwene Leza wane kwene?

Ezaya 7:2

Walanga amazwi yafika ku mwene waku Yuda ukuti ivita vya ina Alamu vyativingila mu mpanga yamu Izlaeli, intete izimulema kumwi na antu yakwe yonsi icakuti iyapunganika sile wa miti yamu mutengo ikutenta uku muza.

Masamu 101:8

Amanda yonsi nemo ndavunuka antu aipe umu mpanga yane. Nu kuzinga antu aipe umu umusumba wako we Yawe.

Zefaniya 1:18

Siluva wao wensi na zaabu wao wensi, vilaposiwa ukuyapususyako pa wanda uno Yawe alayafokela ukali ukali. Icipyu cakwe cino cilalunkuma wa moto, cilonona insi yonsi, pasi pano mukupumikizya wene alalovya antunze yonsi aikala pano nsi.

Yelemiya 23:5

Yawe walanda wati, “Amanda yaliza lino ndasonta Umwene kacita wa vyaololoke, uwa mupanda wakwe Davidi. Aliwe alateeka wa Mwene wampomvu, uwamano nu kucita ivisuma ni vilungame mu mpanga.

Yelemiya 21:5

Nene nemweneco namaya kalwisya wa anisi yinu namaka yane yonsi, icipyu cane nu ukali wane onsi.

Yobo 29:17

Uwaluvyanya wene namutamanga umu nzekete, mpaka aswa navino avwasile. Fwandi natulanyanga yano yafyengwa.

2 Samueli 8:15

Davidi ateeka impanga yonsi iya Izlaeli ala akucitila antu yakwe ivya ulungami ukwaula ulufyengo.

Malango 32:22

Ukali wane ulalunkuma wa moto nu koca akali konsi akaya pano nsi. Wene ulafika na pisina lya nsi nu koca imisisi ya myamba.

Aina Levi 26:28

lyene mu ukali wane ndamwalukila nu kumuvunuka cuze maila cinimbali ukuluta kuvunuka kwankolelo.

Kufuma 18:13

Uwanda walondelelapo, Mose atandika kupingula imilandu pakasi ka antu. Antu yaleta imilandu kuli Mose ukufuma katondo mpaka na manguzi.

Yelemiya 7:5

“‘Mucumi ndi cakuti mwasenula imiyele inu ya wikazi nga ni vicitwa vinu vino mukucita, nu kusakamala ukukana fyengana,

Yelemiya 23:2

Ali cino fwandi Yawe, Leza wa ina Izlaeli, walanda pamulandu wakwe yakacema, yano yakacema umutundu wa antu yane, wati, “Mwatimuleka imfwele zyane zisalangane nu kululumba. Mutazisakamile foo. Lelo nemo nkumusakamala pamulandu wa vicitwa vinu viipe.

Yelemiya 44:22

Asi papo, ukufika napilelo impanga inu yononeka mutacili nanti umwi uwakwikala mwenemo. Antu yauze yakazunguka sile, apakulola vino cili, ni zina linu, ali lino yakaomvya apakutipwila. Pasi pano Yawe wasusile waposiwa ukuzizimizya apa miyele inu ni misango inu iipisye.