Yelemiya 21:10 - Amazwi Yakwe Leza 2013

¹⁰ Pano natinsumba amanso yane apa musumba uu apa kuuletela isyamo, asi syuko foo. Wene ulapelwa mu makasa ya mwene waku Babiloni, nawe alaoca uku moto. Ivyalanda Yawe.”

Yelemiya 21:10 交叉參考

Yelemiya 44:11

“Caleka fwandi ne Yawe Wamaka yonsi, Leza wa ina Izlaeli, ndamulovya, ndonona ni mpanga yonsi yakwe Yuda.

Amosi 9:4

Ndi cakuti anisi yao yayasenda umu uzya, kuku kwene ndapeela ilamulo lyakuti yayakome umu nkondo. Ndayacevya mpaka njaletele imikosi nupya ntalayazwa awe.

Yelemiya 44:27

Panondi pano, namamusuntililanga sile mpaka ince nkamuletelele, isyuko lyene, kotoo! Aina Yuda yonsi aikala umu Eguputo, yalalowa uku nkondo, nanti uku cipowe mpaka yakasuke yakasililikile pyu.

Ezekelo 15:7

Kwene namasumbangako amanso yane pano yali apakuyalwisya. Yati yapusuka uku moto, lelo umoto uliza uyalye. Alino mulamanya ukuti nene Yawe, lino ndasumba amanso pa kumulwisya.

Yelemiya 52:13

Wene aoca Ng'anda ikulu yakwe Yawe, isano lya mwene na mang'anda yonsi amu Yelusalemu.

Yelemiya 39:8

Aina Babiloni yoca isano lya mwene kumwi na mang'anda ya antu, nga yawisya na malinga ya musumba wa Yelusalemu.

Yelemiya 38:18

Lelo ndi cakuti utafumile nu kuyacimbila ivita vya mwene waku Babiloni, ale lyene umusumba uu umapeelwa mu makasa ya ina Babiloni. Yene yamaoca nga nawe kwene utalapusuka uku makasa yao.’”

Yelemiya 38:3

Yawe wati, “Umusumba uu ulapelwa mu makasa ya vita vya ina Babiloni, vivyo ivilaupoka.”

Yelemiya 34:2

“Yawe Leza wa ina Izlaeli wavwanga wati! Pitanga ukanene Zedekiya umwene wa ina Yuda ukuti Yawe wavwanga ukuti wasya apeele umusumba uu umu makasa ya mwene waku Babiloni, wiyo wino alawooca mpaka uce ulokotele na pansi.

2 Milandu 36:19

Alino aoca ni Ng'anda ikulu yakwe Leza nu kuwisya ilinga lya musumba wa Yelusalemu kumwi na masano kwene nu konona ivintu vyamutengo ivyali mwenemo.

Yelemiya 38:23

“Anaci yonsi, na ana yako yonsi yalasendwa ku ina Babiloni. Nawe kwene utalapusuka ku makasa yao. Yalakulema yakusende ku uzya ku mwene waku Babiloni. Yaloca nu musumba uu ku moto.”

Masamu 34:16

Lelo wene antu yayo akacita iviipe, yene akayafutatila icakuti na antu yao nayo kwene iyasuka iyayilila.

Aina Levi 26:17

Nkaamufutatila pakuti anisi inu yamucimvye. Nupya yano amupata yakaamuteeka. Muli nu kuya ni ntete cakuti mukaautuka nalino kusi umwi akumuzinganya.

Aina Levi 17:10

“‘Mwina Izlaeli ali wensi nanti umwinamasi wino akwikala pakasi kao, ndi walya inyama ino mucili uwazi, Yawe ali nu kumusukula mu antu yakwe.

Zakaliya 1:6

Uzye ivikolwe vinu vituvwile amazwi yane na masunde yane yano nanenyile aomvi yane yakasema? Lyene yene yazenzwike nu kuvwanga yati, Yawe Wamaka yonsi watatupezya ukulingana ni miyele nga ni vicitwa vitu iviipe.’ ”

Yelemiya 34:22

Yawe wavwanga wati, “Namapeela ilamulo lya kuyawezezya uku musumba uu, yaulwisye yaupoke nu kuoca. Namasangula ni misumba yakwe Yuda ukuya ulwanga, umutange mwikale umulawa.”

Yelemiya 26:6

Ndi cakuti mwatwalilila ukukanayuvwila, lyene ndacitila Ng'anda ikulu ndi vino nacisile ku Syilo. Alino imitundu yonsi ya muno nsi yalaomvya izina lya musumba uu uwa ntipu.”

Yelemiya 17:27

Lelo ndi cakuti mwala mwakana kunjela, ukuwaka wanda wi Sabata nu muzilo, nu kukana ingila pa mpongolo zyakwe Yelusalemu ni civiya apa wanda wi Sabata, lyene mulaleka noce impongolo zizyo uku moto uno ulamalila amang'anda acindame amu Yelusalemu ukwaula kuti uzime.”

Yelemiya 33:5

‘Yakalwikanya ya antu na ina Babiloni, apa kuzuzya ivyala umu musumba, ndakomola antu yayo uku cipyu cane nu ku ukali wane, yano mfutatile apa uyi wao onsi.

Yelemiya 39:16

“Yanga ukanene Ebedimeleki umwina Kusyi wilya uti Yawe Wamaka yonsi, Leza wa ina Izlaeli akuti, ‘Nasya mfikilizye vino navwanzile ivikumile musumba uu, nga ivintu vivyo iviipe, kusi ulongo awe. Apa nsita ilya ivintu vivyo vilafikiliziwa apa manso yako.

Ezekelo 24:11

Ale lyene teka umupika utupu pa munyeswa, uleke upye, uyenze na cee. Alino ingalawa zya uko zimasunguluka, nga nu mupika lyene umaya ukuzike pa cisila ca ngalawa ukupya.

Amosi 2:5

Acino nemo ndaponyezya umoto mu Yuda, apakuti uce woce nu konona amalinga aku Yelusalemu.”

Yelemiya 38:17

Alino Yelemiya anena Zedekiya ati, “Yawe, Leza Wamaka yonsi, Leza wa ina Izlaeli, wavwanga wati, ‘Ndi cakuti wala wafuma, waya wacimbila ivita vya ina Babiloni, lyene ale wemo ulapusuka nu kupususya umi wako. Nu musumba uo lyene utalapya ku moto. Wewe kwene nu luko lwako mulasyala nu umi.