Yelemiya 20:6 - Amazwi Yakwe Leza 2013

⁶ Nawe, Pasyuli, wewe kumwi na ang'anda yako kwene mulasendwa umu uzya ku Babiloni. Kuku akuno mulafwila nu kuzikwa, wewe kumwi na yacuza yako kwene yano wasemile vyaufi.’ ”

Yelemiya 20:6 交叉參考

Nyimbo zya ndosya 2:14

Yakasema yako kutaya nanti vimwi vino yakakusemela suka sile intumpu zitupu. Inkosolo zyao zyali izyakukusomba sile nupya kusi navyuze vino yakunenanga. Yene yakutumpikanga sile iyaleka uwelenganya nu kuti utalinzile kuzenzuka.

Ezekelo 22:28

Yakasema yao nayo yasilandapo pa uyi uu, yakafisa kwati antu yano yakupawila cipau ku lung'umba. Ivilolwa vyao navyo ivyaufi sile, ni visowelo vyao navyo kwene ivyaufi sile. Yene yakailola ungati antu akalanda amazwi yane ne Yawe, fwandi ala ne Yawe ntayanenyile nanti kamwi.

Yelemiya 20:4

Yawe umwisikulu watavwanga ati, ‘Wemo Pasyuli namakucita ingofyo kuli wemwisikulu na kuli yacuza yako kwene. Nu kuilolela ulailolela wemwisikulu kuno anisi yako yalakomola yacuza yako ku lupanga. Namaleka umwene waku Babiloni awino ateke antu yako amu mpanga ya Yuda. Yamwi alayasenda mu uzya uku Babiloni, nga yamwi nayo alayakoma.

Zakaliya 13:3

Alino umwi ndi waca watwalilila ukusema, isi na nyina, yayo amuvyalilila yalamunena yati, ‘Wemo ukulonda imfwa, pasi pano ukuitunga ukulanda amazwi yakwe Yawe, lino fwandi ivyaufi sile vino ukulanda.’ Alino ndi waswilizyapo ukusema, lyene isi na nyina amuvyalilila, ali yano yalamutota icanzo mpaka yamupulinkanye, pamulandu wakusema ivyaufi.”

Mika 2:11

Umuntu umwi uwantumpu ndi wapita konsi konsi afuma akusema vyantumpu ala akuti, ‘Endi, mulakwata waini nu wengwa nyanya,’ kasema wamusango uu awino antu yatemwa!”

Yelemiya 29:32

Fwandi lyene namafulula Syemaya umwina Neelamu kumwi na akazi kakwe. Apa antu yakwe Aonsi patalasyala nanti wenga mu mutundu uu, wino alikala umupuma nu kulola isyuko lino ndapeela ku mutundu wane. Pasi pano wene wasambilizya antu vya kutalamila Yawe.’” Ivyalanda Yawe.

Yelemiya 23:32

Cumi kwene, nemo nkukanya yakasema yano yakalota iviloto vyaufi. Yene yakalotola iviloto ku antu yane nu kuyatungulula kwi lovyo pamulandu wa ufi wao ni vilumba vyao. Ala nemo ntayatumile nanti ukuyanena ukuti yapitana. Nupya yene yatakweti umulimo nanti umwi ku antu yane.” Ivyalanda Yawe.

Yelemiya 5:31

Yakasema yakusema vyaufi na yasimapepo nayo yakusambilizya sile vino yatemwa. Lelo antu yane nayo aula ukuyalesya. Uzye lyene mulacita uli lino vii vilasila?”

Ezaya 9:15

Aikolo na yasimucindikwa ali mitwe. Yakasema akasambilizya ivya ntumpu ali misinda!

Malango 28:25

“Yawe alapeela amaka ku anisi inu akuti yamucimvye. Mulaezya kuyazanza ukutunkila pa ntunga yonga, lelo muluutuka ukufuma kunoyali mulungame ku ntunga zyonsi, cakuti antu yonsi pano nsi yalazakaza ku ntete lino yalalola icacitika kunomuli.

Aina Levi 26:17

Nkaamufutatila pakuti anisi inu yamucimvye. Nupya yano amupata yakaamuteeka. Muli nu kuya ni ntete cakuti mukaautuka nalino kusi umwi akumuzinganya.

Yelemiya 20:1

Lino simapepo Pasyuli umwana umonsi wakwe Imeli, uwali musika mukulu uwamu Ng'anda ikulu yakwe Leza, uvwa kuno ne Yelemiya nkusema ivintu vii,

Yelemiya 14:13

Lelo nani naasuka inti, “We Yawe Simwandalali, umanyile ukuti yakasema yakunena antu yati umu mpanga mutalapona inkondo nanti cipowe, pamulandu wakuti wayalaya ukuti mulaya sile icituku.”

Yelemiya 14:16

Nupya antu yano yakasemelako yalasumbwa umu miseo yamu Yelusalemu. Lilyo ale yatiyafwa ntangali ntangali uku lupanga nu kucipowe nu wakuyaziika aluula. Vintu vii vilacitikila alio na aci yao, ana yao aonsi na anaci kwene. Pano ndalandula uyi apa uyi wao.”