Yelemiya 20:16 - Amazwi Yakwe Leza 2013

¹⁶ Umuntu kwene wiyo kaye wa misumba kwene ilya ino Yawe wononyile ukwaula uluse. Sangala auvwa impooma zya ulanda umu katondo, ni mpooma zya nkondo lino ilanzi lyafika umutwe pakasi.

Yelemiya 20:16 交叉參考

Yelemiya 18:22

Tumini iumba likasampe vyamu mang'anda yao mu kupumikizya. Uleke lyene mwauvwika impooma. Pano nemo yatiyanjimbila polowe umwakuti nize mponele mwenemo. Yatiyanteya ni vyakuti yize yandemeleko.

Malango 29:23

Umu vyalo vinu mutalamela akantu nanti kamwi. Mulaya sile amawe kwati a yamunyela amu malungu. Nupya mulaya umusili uwa cicelecele muno mutangakomelwa nanti cimwi, nanti sile ivikona vitangamela mwenemo. Fwandi impanga inu ilaya wa misumba ya Sodoma na Gomola, Adima na Zeboimu, ino Yawe wononyile lino wasosile icisoke conga.

Yuda 1:7

Iusyini Sodoma na Gomola, nga ni misumba iyazingulwike muno antu yaitumfile mu vyawinyi. Yene yaya icilangililo kuli yonsi ca uvunuko waku moto wape.

2 Petulo 2:6

Leza wavunwike antu amu misumba ii ku moto kuti ciye icilangililo ca cintu cino cilacitikila yakaifya.

Luka 17:29

Uwanda uno Loti wafumile mu Sodoma, umoto na maluti vyaponyile kufuma kuli Leza kwiyulu nu kulovya onsi kwene.

Zefaniya 2:9

Caleka ne Yawe Wamaka yonsi nkulapa ukuti, ‘Nene ne Leza waumi, uwa ina Izlaeli, nkuti cumi kwene aina Moabu yalononwa wa antu aku Sodoma, aina Amoni yalononwa wa antu aku Gomola. Ncende ilya ilaya wa musonso wa vikona nupya wa viwina vya musilya. Antu yane asyala yalazanza incende iyo. Yayo apusuka amu luko lwane yalapoka impanga yao.’ ”

Zefaniya 1:16

Uwanda kwene ulya ulaya uwakulizyamo intandala, nupya uwa kawele ka nkondo, kako akalacitwa ni vita ivilalwisya imisumba ya malinga ni mpungu izitali.

Yona 4:2

Acino Yona apepa kuli Yawe ati, “Iye, we Yawe, uzye ntalanzile vikwene lino nali kumwitu? Uli mulandu uno nacincile ukuutukila ku Tasisyi. Namanyile vino wewe Leza wa mizu nu wa luse, wino asisoka zuwa nupya akatemwa wakwe cimwi, Leza asisimwilila ku kuponya ivilumbelo.

Yona 3:4

Yona aingila mu musumba ulya nga atandika ukupita mwenemo. Akosola ilandwe ati, “Kwasyala amanda nayauze amakumi yani kuti umusumba uwa Ninive ononwe.”

Amosi 4:11

“Nononyile yamwi amuno muli wakwe vino nononyile antu amu misumba ya Sodoma na Gomola. Mwemuno mwapuswike mwali wa visonsololwa vya moto. Lelo mutawezile kunondi. Avino Yawe wavwanga.

Amosi 2:2

Nemo ndaponyezya umoto pa mpanga ya ina Moabu, nga umoto uo uloca amalinga ya musumba wa Kelioti. Aina Moabu yonsi yalafwila umukasi ka congo ca nkondo, lino asilika yalapunda nu kulizya intandala.

Amosi 1:14

Acino nemo ndaponyezya umoto mu musumba waku Laba, nga umoto uo uloca amalinga yakweo, lino antu yakupunda pa wanda wa ulwi, nu kulwisyanya kulakanzuka wa cipunga.

Oseya 11:8

“Uzye ungamfuulila uli we Efulemu? Uzye ningakutazyela uli we Izlaeli? Uzye ningakusenula uli wakwe Adima? Uzye ningakonona uli wakwe Zeboimu? Umwenzo wane ukuti cipelele ukutali, ukutemwa kwane kunuli ukukulu.

Oseya 10:14

anisi inu yalamukatusizya inkondo. Amalinga inu yonsi yalononwa ndi vino cali apa wanda wa nkondo lino umwene Syalamani ononyile umusumba wa Beti Alibele. Wene walenzile ukuti yamangu kumwi na ana yao yalyatolwe.

Ezekelo 21:22

Mu minwe yakwe ya kwilunji, ukupendola kwakwe kwafikilizya ukuya ku Yelusalemu nu kwimika vyakuongolwela ilinga, ukupeela isunde lyakukomako antu nu kupunda impooma zya ulwi, pakuti yaike vyakuongolwelako pa mpongolo ni cakutuntumalika ciimbili nga ni cakwimba yamunyama.

Yelemiya 26:13

Ali cino fwandi mwemo zifini sile inzila zinu ziipe, muvwe amazwi yakwe Yawe Leza winu, alino nawe amaelenganyapo akane nu kumuponyezya isyamo lino watasowela panomuli.

Yelemiya 18:8

lelo umutundu uno napingwilile vivyo wata ukwifya, lyene ningautezela apa uyi uno naupangile ukucita.

Yelemiya 4:19

Owe nafwa mwe! Nemo nkunyunguluka sile pamulandu nu ukali! Umwenzo wane umalepuka! Umwenzo wane uku kulukunta uyi uyi. Naposiwa kumyalala. Pano natinuvwa ukulila kwa ntandala nga nu kupunda kwamu nkondo.

Yelemiya 23:14

Lelo muli yakasema aku Yelusalemu mwene nindola mwenemo ulenzyo, intumpu, ukukomelezya antu ukucita iviipe, kuti kutaya uwakuzenzuka ku uyi wakwe. Yonsi pyu kunondi aipe wa ina Sodoma. Antu amu Yelusalemu yakoline wa ina Gomola.

Nyimbo zya ndosya 4:6

Antu yane yatiyavunukwa ukuluta navino cali ku ina Sodoma, yayo aononyilwe mu kupumikiziwa nupya kutali uwakuyazwa.

Oseya 13:14

“Ntalatuula antu yaa ukufuma kuzimo, nanti ku maka ya mfwa. We mfwa, uzye vilumbelo vyako vili kwi? We lindi, uzye uononesi wako uli kwi? Ntalaya ni nkunkunsi pa antu yaa.

Malango 29:22

“Umu nkulo iziliza ku nkolelo amu mupanda winu na inamasi afuma ku mpanga zya kutali yalalola ivilumbelo na macuzi yano Yawe alaleta mu mpanga inu.