Yelemiya 20:11 - Amazwi Yakwe Leza 2013

¹¹ Lelo we Yawe, wemo waya ku lusansa lwane, nupya wewe ilamba lyamaka, na yayo akuncuzya yamapempezyokanga yaposiwa. Yene yalaposiwa mpaka yazewane pee, pamulandu wakuti yalaposiwa kufikilizya cino yakasi. Ukupupana kwao kutalatala kwililike, awe.

Yelemiya 20:11 交叉參考

Yelemiya 1:19

Yene yalakulwisya, lelo yalaposiwa ku kucimvya, pano nemo namayanga nawe apa kukupususya.” Ivyalanda ne Yawe.

Yelemiya 1:8

Utayoopa foo, pano namayanga nawe nu kukupususya. Ivyalanda ne Yawe.”

Yelemiya 15:20

Ndakulenga kuti uye ilinga lya maka, ilya mukuwa, lya kukucingilila ku mutundu uu. Yene yalakulwisya, lelo yalaposiwa ku kucimvya pano ndaya nawe apa kukutaasya nu kukuwaka.

Yelemiya 17:18

Yano yakancuzya kayazewane, lelo utaleka kuti nemo nzewane. Si leka ingofyo ziyaponele, lelo nemo utangofya. Uyaletele uononesi nu kuyavungola.

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Masamu 6:10

Anisi yane yonsi kayuvwe insonyi, yapelelwe na mano. Yalutonye, ni nsonyi ziyalemu.

Masamu 40:14

Leka yao akulonda uku nkoma yazewane, ni nsonyi ziyaleme! Leka yao akuzanga apamulandu wa macuzi yane, yaswilile mwenemo ale yati yaponya ni nsuka.

Masamu 35:26

Yano yakasansamukila api syamo lyane, kayaye ni nsonyi uleke na mano yao nayo yayapele. Aikala kwati yanduta, leka insonyi ziyaleme, yazewane nu kuzewana!

Loma 8:31

Uzye tumati uli pa vintu vii? Ndi Leza ali naswe, aweni amatucimvya?

Yelemiya 23:40

Nupya ndayaletela ukupupana kwa muntaputuka ni nsonyi izilayelelela pee, ukwaula kwililika.”

2 Timoti 4:17

Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.

Ezaya 45:16

Yonsi yano yakapanga utuluwi, yalazewana nupya yaluvwa insonyi. Yonsi yalapita asauke.

Masamu 66:5

Izini mulole vino Leza wacita. Iye mwe, aliwe uwakoopa, pamulandu wa vintu vino wacitila antu!

Danieli 12:2

Aingi muli yayo afwa mpiti yalazyukuka: yamwi uku umi wa pee, yamwi nayo ku kupupana kwa pee.

Masamu 65:5

Ukaatwasuka we Leza, we katuula witu. Apa kututuula, wemo ukacita ivintu ivyakuzunguka. Antu yonsi apano nsi kumwi na yano yaya ukumbalama yakwe yemba, munuli amuno yataila.

Masamu 47:2

Mukwatile Yawe Wapapelapela icoopo, pano ali Mwene Mukalamba, akateeka impanga zyonsi.

Ezaya 41:14

Nupya Yawe wavwanga wati, “Mwe ina Izlaeli, nanti angala mwacepesya nu kuulilwa amaka, mutaoopa foo, pano nene namamwazwanga. Anene Leza Wamuzilo wakwe Izlaeli. Anene namamupususyanga.

Masamu 129:2

“Anisi yane yakanzunya wakwe cimwi, ukufuma ku wance wane, lelo yaposiwa ukuncimvya.

Yelemiya 15:15

Lyene inti, “We Yawe, cico cene wacimanya. Uwanjiusya nu kungazwilizya. Uwandandwila kuli yayo akanzunya. Wemo usisoka zuwa, acino utaleka yankome. Waiusya ukuti nemo nkutukwa pamulandu wako.

Yelemiya 22:22

Umuza umaululula intunguluzi zinu zyonsi. Yano mwalemana nayo yalayasenda ku uzya. Alino lyene mwemo insonyi zilamulema, mulapupana pamulandu wa uyi uno mwacita.

Yelemiya 32:18

Ukayela antu amazimbi na mazimbi uluse, lelo ukalandula wakwe cimwi ku ana amufulo pa uyi wa vikolwe vyao. We Leza mukulu Wamaka, Yawe Wamaka yonsi ali zina lyako.

Yelemiya 1:18

Namakusangula umusumba wi linga, ulucesi lwa cela, ilinga lya mukuwa lya kulwisyanya ni nsi yonsi. Yamwene aku Yuda, ivilolo vyao, yasimapepo yao kumwi na ikala nsi yonsi.