Yelemiya 2:19 - Amazwi Yakwe Leza 2013

¹⁹ Uyi winu ulamuletelela na ucisanguka winu ulamuzewanya. Alino lyene mulasambilila, muluvwa nu usungu icakuti nu kumucuzya cilamucuzya apakulola vino ukusuula Yawe Leza winu, nu kukana moopa kwaya. Ivyalanda ne Yawe Leza Wamaka yonsi.

Yelemiya 2:19 交叉參考

Ezaya 3:9

Imilolekele apa manso yao, ikuyasinila sile. Yasifisama foo apa kwifya, yakucitila sile ivintu uku mufulo ndi vino aina Sodoma yacitanga. Iye mwee! Icumi yailetelela sile.

Yelemiya 4:18

“Endi, mwe ina Yuda amwemwe mwailetelela sile mwenga uku mikalile inu. Uyi winu auno wamuletelela uku macuzi yaa. Lyene mwatimucekama sile pamulandu nu kucula, ni myenzo inu nayo pasi paukali.

Yelemiya 2:17

Uzye asi mwemwe mwenga mwalenga cico, apamulandu wakufutatila Yawe Leza winu, apacisila cakumutungulula umu nzila yampomvu?

Masamu 36:1

1 Uyi ukalyolyosya umuntu umu mwenzo wakwe, cakuti wene kusi nu kusakamala kuli Leza nanti ukumukwatila icoopo.

Oseya 5:5

Icilumba ca ina Izlaeli casanguka umboni wakuyanenola. Cumi kwene Efulemu amapumeka umu maifyo yakwe. Yuda nawe kwene amapumeka pamwi na aliyo.

Amosi 8:10

Ivimulo vinu vya mapepo ndavisenula viye ukulosya, ni nyimbo zinu zyaluzango ndazisenula ziye zyandosya. Mwensi kwene ndaleka yamuzwike ivyakuzwala vya ndosya nu kumupeela ulukuzu. Mulaya wa akwasi yano yakulosya umwana wao umonsi wenga mpo. Uwanda ulya ulaya uwakunyunguluka ukufika napa mpela.”

Oseya 11:7

Antu yane yakonkowezya ukumfutatila. Acino yene yalakuuta pamulandu wi koli ilili pano yali nga lelo kusi nanti umwi alayafumizya.

Yelemiya 5:6

Ali cino na cisama ukufuma mu mpanga aliza ayakome, nu mumbulu uwamu lwanga uliza uyalepole mu tumpilinsya. Inangu nazyo zilateyamila apipi ni misumba yao kuti zisanyole wiyo wensi alalonda ukufuma. Pasi pano uyi wao watiupitilila, na ucisanguka wao nao pasi pakuvula.

Loma 3:18

Yene yasyaoopa nanti a Leza kwene.”

Zakaliya 7:11

“Lelo antu nayo ku mufulo sile yakana ukuuvwa, yene ku kutalama kwao sile, yakana ukwika amano kuli vii vyonsi.

Oseya 14:1

Mwe ina Izlaeli welini kuli Yawe, Leza winu, pano mwemo mwapona apamulandu wa maifyo inu.

Yelemiya 8:5

Uzye pacani cino antu yaa yamfutatila? Yene yanyinyinda sile ku vyaufi ukwaula kuweluluka.

Oseya 4:16

Aina Izlaeli yakoma imyenzo, wa ana ya ng'ombe. Uzye lyene Yawe angayimula uli ndi vino akalisya ana ya mfwele mu nyika?

Yelemiya 5:22

Nene indi Yawe. Uzye lyene pacani cino musioopa nene? Uzye pacani cino musizakaza pa manso yane? Nemo nisile umusensenga uwamu nkumba yakwe yemba kuya ali nande kuli yemba, nande wakuyelelela wino mutalatala muciluke. Amayimbi yakwe yemba yangakatuka, lelo suka yaposiwe. Nanti yangapooma uli, lelo yatange yaciluke, awe.

Yelemiya 3:22

Si angala mule muwele mwe ana ya ntalanganyi mwe, nize mpozye utalami winu!” Namwe muvwanga muti, “Endi, tumawela kunuli, pano wewe Yawe Leza witu.

Ezaya 50:1

Yawe wavwanga wati, “Uzye kalata wakutaana wino natelilepo mayo winu ali kwi? Nanti uzye akuli weni uwankongwesizye, kuno nakazizye mwemwe? Awe, mwemo yamukazizye uku uzya pamulandu wa maifyo inu, nga nyoko nawe yamusenzile pamulandu wa nkota zinu.

Ezaya 5:5

“Fwandi lyene vino nemo namacita icalo cane ica matingi aevi. Namafumya icimpinda nu kuongolola ulupungu lwa mawe, uleke inyama zya mpanga zingile zyalya mwenemo nu kulyatolola mwenemo.

Mapinda 5:22

Ivicitwa viipe vya muntu mwipe vikaya iciteyo cakulemyamo umwisikulu, ni milimo iipe iya mukanda ikamuvimbilikizya.

Mapinda 1:31

Ale fwandi mulalya vino mwazombwile mweisikulu umu misango inu nu kwikuta amapange inu mweisikulu.

Mapinda 1:32

Pano ukupumboka kwa mbulwamano kukayaletela imfwa, nga nu kuzenzemba kwa viwelewele kukayatwala sile ukwilovyo.

Yelemiya 5:24

Yasitala yelenganya mu myenzo yao yati, ‘Katoope Yawe Leza witu, wiyo akatupeela imvula ya mooko na coola mu nsita zyaiko nu kutupela insita ya uzombozi cila mwaka.

Ezekelo 39:24

Nayacitile ukulingana na mankowezya yao na ucisanguka wao, nayafisile nu usyu wane.

Oseya 7:2

Lelo yene yasiiluka ukuti nemo nkaiusya ivicitwa vyao vyonsi iviipe. Amaifyo yao yayalizizya monsi, nupya lyonsi kwene nkayalola.

Oseya 13:9

“Ndonona mwe ina Izlaeli! Uzye lyene aweni angamwazwa?

Mika 1:5

Vyonsi vii vilacitika pamulandu wa kwifya kwakwe Yakobo, pamulandu wa maifyo ya amu mupanda wakwe Izlaeli. Uzye aweni angapeelwa umulandu pa kwifya kwa ina Izlaeli? Uzye asi aina Samaliya? Uzye aweni angapeelwa umulandu pa kwifya kwa ina Yuda? Uzye asi ina Yelusalemu?

Kufuma 33:6

Caleka ukufuma lino aina Izlaeli yafumile ku Mwamba wa Holebu yatazwalanga viyembelo.

Yakapingula 10:13

Lelo mwemo mwamfutatila nu kutumikila tuleza tuze. Acino nani ntalatala imutuule nupya.

1 Yamwene 18:18

Eliya nawe aasuka ati, “Nemo insi umuntu kacita wa vimvulunganya ku ina Izlaeli. Lelo wemo pamwi na ang'anda yakwe so, mwemwe mukacita vivyo. Mwemo mwafutatila amalamulo yakwe Yawe nu kulondela Tubaali.

2 Milandu 12:5

Alino kasema Syemaya aya ku mwene Leoboamu nu ku ntunguluzi zya luko lwakwe Yuda izyakongine ku Yelusalemu umu kupuuka Syisyaki. Atandika ukuvwanga ati, “Yawe Leza wavwanga wati, ‘Apa kunsuula kuno mwatimunsuula, nani fwandi namamutazyela, muleke Syisyaki atale amupezye.’ ”

2 Milandu 21:10

Ukufika na ndakai kwene aina Edomu yakatukila utunguluzi wakwe Yuda. Lilyo kwene alino umusumba wa Libina nao wakatukile utunguluzi wakwe Yeolamu, pano Yeolamu wene wafutatile Yawe, Leza wa vikolwe vyakwe.

2 Milandu 25:16

Lelo lino acili akulanda, umwene amunena ati, “Uzye wewe twasonta kuti uye mpandamano wa mwene? Si tuzya sile! Ndi watwalilila namapeela ilamulo kuti ukomwe!” Acino kasema wilya ata ukulanda. Lelo avwanga sile amazwi yaa ati, “Manyile ukuti Leza wapanga ukukonona, pamulandu wakuti wacita icintu cii nu kukana ukutezya ku mazwi yane aku kupanzya amano.”

Yelemiya 1:16

Ndakalipila antu yane nu kuyapingwila uyi uyi apa kwifya kwao. Yene yatiyansangukila, yakocela tuleza tuze ubani nu kupepa ivicitwa vya minwe yao.

Yelemiya 7:19

Uzye kwene umucumi anene yasosyanga umwenzo? Uzye yasiisosya imyenzo nu kuizewanya sile aisikulu?”

Yelemiya 13:22

Lino mulaayuzya mweisikulu muti, “Uzye pacani cino icintu cii catuponela?” Ala apamulandu wa maifyo inu aingi ali cino yalepolela insalu apa kumuzula nu kumulema apa maka?

Ezekelo 23:30

Ukulukusi wako na uciizelele wako ivilakuletelela amacuzi. Pano pakucita uzelele ni mitundu, wemo waikowezya ku tuluwi twaiko.

Oseya 9:1

Mwe ina Izlaeli mutazanga! Mutazevya ni nsansa ungati izya antu ya mitundu yuze. Mwemo mwasya Leza winu wa mwanaci akalongozya. Mwemo mwaikazya kuli Baali wakwe yacizelele, kuti mukapelwe imbezu zipule izingi.