Yelemiya 2:18 - Amazwi Yakwe Leza 2013

¹⁸ Uzye ukusunta kuno mukusuntilila ukuya uku Eguputo ukukumwa amanzi ya muli Nailo, kukumuzipila cani? Nanti ukusunta kuno mukusuntilila uku Asilya, ukukumwa amanzi ya muli Yufulate, kukumutumbwila cani?

Yelemiya 2:18 交叉參考

Yoswa 13:3

ukufuma ku Luzi lwa Syioli lwaku ufumondaka wa Eguputo ukufika nu ku mpanga ya Ekiloni ku katutu, yonsi kwene ino ikapendwa wa mpanga ya ina Kenani (ili mpanga yakwe yamwene yasano ya ina Filisti ateekanga mu Gaza, mu Asyidodi, mu Asyikeloni, mu Gati nu mu Ekiloni, impanga ya ina Avimu.)

Oseya 7:11

“Aluko lwakwe Efulemu yakoline wa nkunda, itumpe, iyaula amano. Yene yakaama aina Eguputo, nu kuya ku Asilya kukulenga uwazwilizyo.

Yelemiya 2:36

Uzye pacani cino mwemo mwayela namansenunsenu? Nkumunena mucumi ndi vino aina Eguputo yalamuzewanya ndi vino aina Asilya yamuzewanyizye.

Ezaya 31:1

Kalanda kuli yayo akasimwilila ku Eguputo, ku wazwilizyo. Yao akaika amano umu kutaila imfwalasi. Yao ataila amaceleta, ni vita ivikasimuzya amaceleta kwene ukwaula kutaila muli Yawe, Wamuzilo wakwe Izlaeli.

Oseya 5:13

“Lino antu aku Efulemu yalola ukuti yakulwala, nga antu aku Yuda nayo yalola ivilonda vyao, antu aku Efulemu yaya iyaya ku ina Asilya, antu aku Yuda nayo yatuma amazwi ku mwene mukulu, kuti ayazwe. Lelo wene atakweti amaka akuyapozya nanti ukulwazya ivilonda vyao.

Ezekelo 17:15

Lelo umwene waku Yuda wene wasangukile umwene waku Babiloni, watumile inkombe uku Eguputo, apakuyalengako imfwalasi ni vita ivivule. Uzye umuntu wamusango ndi uo angasyuka? Uzye ndi wacita vivyo yatange yamucitepo cimwi? Uzye angonona upangano ukwaula kuti yamufulwilepo?’

Nyimbo zya ndosya 4:17

Ukulunda pali cico, amanso itu yasusile yatonta. Twatwalilile ukulolela ukwazwiliziwa ukufuma ku luko luno lutange lututuule.

Ezaya 7:20

“Mu wanda ulya Yawe alaya uku mbalama ya luzi lwa Yufulate, uku kuyasenda umuntu umwi, umwene waku Asilya, wiyo wamanya ukupela inyele. Wiyo aliza amupele ku mutwe nga apele ni pipi ku makulu inu, kumwi ni vilezu vinu kwene.

Ezaya 23:3

Amwemwe mwatumanga antu apakuti yalambe yemba, nu kuya umukukala ingano zyaku Eguputo, alino nu kwiza umukuzikazya nu kucita amakau na antu ya mitundu yonsi.

Ezekelo 16:28

Wemo walongozyanga na ina Asilya, nu kutonta foo. Pano wapunukisye, utatazile uti cafula.

2 Milandu 28:16

Apa nsita ilya kwene umwene Aazi atuma amazwi ku mwene waku Asilya kuti aize amwazwilizye.

Yelemiya 31:22

Uzye ulazingota mpaka lilaci, we mwanaci mutalami? Pano Yawe watacita icintu cipya panonsi. Aeci cakuti umwanaci wataswilila kuli iya.

Nyimbo zya ndosya 5:6

Tukatambilikizya amakasa itu ku Eguputo nanti ku Asilya apakulola icakulya kuti twikale aumi.

Ezekelo 23:30

Ukulukusi wako na uciizelele wako ivilakuletelela amacuzi. Pano pakucita uzelele ni mitundu, wemo waikowezya ku tuluwi twaiko.