Yelemiya 2:15 - Amazwi Yakwe Leza 2013

¹⁵ Antu ya mitundu yuze yakumung'anzila wakwe cisama? Yatiyasangula impanga inu ungati ulwanga. Imisumba inu yationgoloka, nga musi na antu akwikala mwenemo.

Yelemiya 2:15 交叉參考

Yelemiya 4:7

“Wakwe cisama uwatakatuka ukufuma mwi tesi muno afisime, avili vino umononyi wa mitundu watakatuka ukufuma ku cifulo cakwe. Wene akwiza ku konona Yuda. Imisumba yaku Yuda ilononwa isyale wa vitumba. Kusi umwi wino alikala mwenemo.

Yelemiya 50:17

Aina Izlaeli yali wa mfwele zino zikulungwa kuli cisama. Apa kutandika cali umwene wa ina Asilya ali wino wayalile ivyala, alino piza palondelela Nebukadineza umwene waku Babiloni, nawe wizile akokota amafupa.

Yelemiya 9:11

Yawe nawe avwanga ati, “Umusumba wa Yelusalemu namausangula amatongwa. Umaya uwikalo wakwe yankusa. Imisumba yamu Yuda ilaya wa lwanga, incende umusiikala umuntu nanti wenga.”

Ezaya 5:29

Asilika yayo yakung'anza wakwe yacisama ati yalema inyama nu kuzitakanya, apakuti kutaya nanti umwi uwakuzipokolola.

Ezaya 1:7

Impanga inu yatisanguka amapooli, ni misumba inu nayo yaongoloka nu kupya nu moto. Ainamasi yakusampa impanga inu nu konona akali konsi akaya mwenemo, namwe ala mukuilolela vivyo kwene mwenga.

Zefaniya 3:6

Yawe akuti, “Natinonona antu amu nko zyonsi, nga nu kuwisya amalinga yao yonsi ankondo. Ni miseo yao naitazyela, kusi umuntu nanti wenga akapita mwenemo. Imisumba yao yononwa, nupya kusi umuntu nanti wenga asile mwenemo.

Zefaniya 2:5

Kalanda kuli mwemwe mwemuno mwikala mu nkumba yakwe yemba, mwe mutundu wakwe Keleti. Yawe watamulolwesya, mwe ina Kenani, impanga ya ina Filisti. Wene akuti, “Ndamonona mwemwe mwensi, nga patalasyala nanti wenga uwa munomuli.”

Zefaniya 1:18

Siluva wao wensi na zaabu wao wensi, vilaposiwa ukuyapususyako pa wanda uno Yawe alayafokela ukali ukali. Icipyu cakwe cino cilalunkuma wa moto, cilonona insi yonsi, pasi pano mukupumikizya wene alalovya antunze yonsi aikala pano nsi.

Naumi 2:11

Uzye lyene umusumba ulya uli kwi? Wene wakoline wa ninga yakwe yacisama, muno yalisyanga ana yao. Mumo muno yacisama kumwi na ana yao yayanga ukwaula ukoopa cimwi.

Amosi 3:12

Yawe wavwanga wati, “Ndi vino kacema akalombola imyendo iili sile, nanti ikutwi lya mfwele iyatiliika kuli cisama, vili vino aina Izlaeli yanono sile yalatuulwa, yayo aikala ku Samaliya pa vilimba vyao vyakupemwililako na pa miceka yao mu Damasiko.

Amosi 3:8

Cisama ndi waluluma, uzye aweni atanguvwa intete? Yawe Simwandalali ndi wavwanga, uzye aweni angalesya ukukosola amazwi yakwe?

Amosi 3:4

Uzye cisama angaluluma mu mutengo ndi cakuti atazanyile cakuti aleme? Uzye mwana cisama angaluluma mu cimpinda ndi cakuti pasi cino alemile?

Oseya 11:10

“Antu yane yalandondela lilyo lino ndang'anzila anisi yao wakwe cisama. Alino yalasimwilila kunondi ale yakuzakaza ukufuma ku uwondaka.

Oseya 5:14

Ndazanza antu yakwe Efulemu wakwe vino cisama akazanza, ndayalepola mu tumpimfya ndi vino cisama wamaka akacita. Nemwisikulu ndayasantola nu kuyasya. Lino ndayakululula, kusi nanti umwi alaya na maka akuyatuula.

Ezekelo 5:14

Antu yonsi amitundu yakuzinguluka lino yakupita, yalakuwela sile.

Yelemiya 44:22

Asi papo, ukufika napilelo impanga inu yononeka mutacili nanti umwi uwakwikala mwenemo. Antu yauze yakazunguka sile, apakulola vino cili, ni zina linu, ali lino yakaomvya apakutipwila. Pasi pano Yawe wasusile waposiwa ukuzizimizya apa miyele inu ni misango inu iipisye.

Yelemiya 34:22

Yawe wavwanga wati, “Namapeela ilamulo lya kuyawezezya uku musumba uu, yaulwisye yaupoke nu kuoca. Namasangula ni misumba yakwe Yuda ukuya ulwanga, umutange mwikale umulawa.”

Yelemiya 33:10

Nupya Yawe wavwanga wati, “Antu yakuti impanga ili wa mpanga muno musiikala umuntu suka sile inyama zya mpanga. Ee kwene umu cumi, umu mizi ya muno mpanga ya Yuda nu mu miseo yamu Yelusalemu, musikuloleka umuntu nanti nyama foo. Lelo ukuya kwene muluvwika nupya,

Yelemiya 26:9

Uzye pacani cino wasemela mwi zina lyakwe Yawe ukuti Ng'anda ino ikulu yakwe Leza ilaya waku Syilo, nu musumba uu ulasanguka wa lwanga umutanga mwikale umuntu?” Lyene antu yonsi yaunganila Yelemiya.

Yelemiya 25:30

“Wemo we Yelemiya uyasowelele amazwi yaa yonsi nu kuyanena ukuti Yawe wauuza umwiyulu, wapangalansya ni zwi lyakwe lyapapela mu cifulo cakwe icicindamisye, wauzila uluwa lwakwe pa maka nu kupundisya ku antu yakwe apano nsi, kwati ukupundilila kuli yakafena ya matingi.

Yelemiya 5:6

Ali cino na cisama ukufuma mu mpanga aliza ayakome, nu mumbulu uwamu lwanga uliza uyalepole mu tumpilinsya. Inangu nazyo zilateyamila apipi ni misumba yao kuti zisanyole wiyo wensi alalonda ukufuma. Pasi pano uyi wao watiupitilila, na ucisanguka wao nao pasi pakuvula.

Ezaya 24:1

Cenjelini, Yawe alonona insi yonsi pyu, yapano pansi nu kuisenula ulwanga. Alavulunganya ukuyemba kwa iko, nu kusalanganya antu yonsi aikala mwenemo.

Ezaya 6:11

Alino nani namuzya nati, “Ale lyene fwandi we Mwene, icintu cii cilapelela pi?” Nga nawe angasuka ati, “Ukufika sile na pano imisumba ilononeka isyale amatongwa. Ukufika sile na pano amang'anda yalononekela yasyale sile ivipompa. Alino nupya ukufika sile na pano impanga ilasyalila amapooli.

Ezaya 5:9

Ali cino lyene Yawe Wamaka yonsi wasuka walapa, ala nkuyuvwila na matwi yane ati, “Amang'anda avule yalononeka. Yalaya amatongwa.

Masamu 57:4

Nemo indi pakasi ka vilyanyi ivikateyamila antu. Amino ya viko yaya wa masumo ni nceto.

Yobo 4:10

Icilulumo ciipe, ni vilululumo vyakwe yacisama, Leza alavimyalalika nu kusokola amino yao.

Yakapingula 14:5

Acino Samusoni atentemukila ku Timinaa, ale yali na akwasi yakwe. Lino yapalama ku vyalo vya matingi ivyaku Timinaa, auvwa kacilume kakwe cisama kakumung'anzila kala kakwiza kunoli.

Yelemiya 51:38

Aina Babiloni yalang'anza wakwe cisama nu kuuza wa twana twakwe cisama.

Ezekelo 36:3

“Fwandi lyene sema amazwi yane, landa amazwi yano ne Yawe nasya mvwange. Lino antu amitundu ya mumbali yaposile nu kusampa ivyuma vyamu myamba yamu Izlaeli, yonsi yawelanga Izlaeli.

Zakaliya 11:3

Kulosya kwakwe yakacema kwatikuvwika, pasi pano muno yakacemelamo mwatimononeka! Kuvwika nu kung'anza kwa twana twakwe yacisama, pasi pano matesi aku Yodani yatiyononeka kuno twene tukaikala!

Yelemiya 6:8

We Yelusalemu, cenjela pano limwi ningakufutatila nu kukusangula ulwanga, incende muno musiikala umuntu nanti wenga.”

Yelemiya 9:10

Alino ne Yelemiya mvwanga inti, “Awe cumi nemo kanaloosya imyamba. Kanalilila umulemvwe umwakucemelamo iviteekwa, pano mu myamba mwatimuma, nu mulemvwe nao watiuma. Musi umuntu nanti wenga akupita mwenemo. Umutinti wa viteekwa usikuuvwika, ivyunyi pamwi ni nyama zya mpanga vyativyutuka.”

Yelemiya 10:22

Uvwini kuno! Malamulo asuma yiza! Icongo cikalamba cuvwika ukufuma ku katutu! Ivita vyakweco vilasangula imisumba yaku Yuda iye ulwanga, iye uwikalo wakwe yankusa.”

Yelemiya 25:9

indi nu kwama imitundu yaku kayeya, namaama umuomvi wane Nebukadineza umwene waku Babiloni, namaama antu yano yakaikala ku mpanga ilya apakuti yize yamuvwangatile, yavwangatile kumwi ni mitundu ino yamuzinguluka. Namamulovya mwensi pyu pakuti antu yauze ndi yalolekesya yatandika sile kuizakazila pamulandu ni ntete. Ivyalanda Yawe.