Yelemiya 2:11 - Amazwi Yakwe Leza 2013

¹¹ Uzye kwatala kwaloleka umutundu uno ukakauzya tuleza twakweo utuluwi, nanti angala tusi utwampomvu?

Yelemiya 2:11 交叉參考

Loma 1:23

Mu cifulo cakupepa Leza asiifwa, yene yakapepa tuluwi tuno yapanga mu unkolanya wa muntu akafwa nanti vyunyi nanti nyama nanti visela.

Ezaya 37:19

Twalola na vino yakaoca utuluwi tuleza twao, icakuti mucumi asi tuleza foo. Ivinkolanya vino aeneco yaipangila uku vimuti nu ku mawe, uku minwe yao.

Yelemiya 16:20

Uzye antu yangaipangila tuleza? Awe, ndi yacisile cico, ale lyene tutangaya a tuleza.”

Masamu 106:20

Yezya uwamuzilo umucindami yalondelela icinkolanya iciluwi ca ng'ombe yonsi, ikalya umulemvwe.

Mika 4:5

Antu amu nko zyonsi yakapepa nu kuyela leza wao, lelo swemo tumapepanga nu kuyela Yawe, Leza witu mpaka umuyayaya.

1 Kolinto 8:4

Acino lyene nanti angala vyakulya vikapelwa impolelwa ku tuluwi, swemo twamanya vino kutaya nanti kaluwi konga muno mu nsi kano kaya nu umi. Twamanya vino kwaya Leza wenga sile.

Yelemiya 2:8

Yasimapepo nayo yakanyile ukuuzya yati, ‘Uzye Yawe ali kwi?’ Yakapingula nayo yatamanyile nene, intunguluzi nazyo zyansangukile. Yakasema nayo yasemile mwi zina lyakwe Baali. Nga yalondela utuluwi utwasilesile.

Yelemiya 2:5

Vii avino Yawe akulanda ati, “Uzye ukuluvyanya cii kuno ivikolwe vinu vyazanyile munondi, apakuti vinsangukile? Vyene vyalondelile ukupepa utuluwi twasilesile, nga aisikulu yasanguka yaya asilesile.

Masamu 115:4

Yene tuleza twao utuluwi twakwe siluva nu twakwe zaabu, tuto utwapangwa ni minwe ya antu.

Masamu 3:3

Lelo we Yawe, wewe cisyangu cane. Wewe uli ucindami wane, wewe ukampamya.

Malango 33:29

Icumi mwe ina Izlaeli, mwemwe alongo! Kutatala kwaya yamwi akoline namwe, uluko luno Yawe watuula. Yawe umwisikulu ali cisyangu nu lupanga lwinu, ulwakumucingilila nu kumupeela ucimvyo. Anisi inu yaliza kunomuli nu kupapata kuti muyalolele uluse, lelo mwemo mulayalyatola pansi.

1 Petulo 1:18

Pano mwamanya malipilo yano apilwe pakuti muye antungwa kufuma ku wikazi uwa ciwelewele uno mwasambilile ku vikolwe vinu. Malipilo yaa yatakoline wakwe siluva nanti zaabu wino akaononeka.

Galatiya 4:8

Lino mutamanyile Leza mwemo mwali azya ya tuluwi tutali tuleza.

1 Samueli 4:21

Atemela umwana wilya umonsi izina ati a Ikabodi, ale akuti, “Ululumbi lwatilufuma pakasi ka ina Izlaeli” ala akusontelela ku Mbokosi ya Upangano yakwe Leza ino yapokwa nga nu ku mfwa yakwe sivyala na yakwe iya.

2 Milandu 13:9

Mwemo nu kuzinga mwazinga yasimapepo yakwe Yawe, ana aonsi yakwe Aloni, na ina Levi apa vifulo vyao. Mwasontela penepo yasimapepo yauze ndi vino antu amu mpanga zyuze zya inamasi yasonta. Ali kuti umuntu wensi wiyo uwiza na cipambasi nanti yasuku cinimbali, ku kuiswefya, wene ala angaya a simapepo wakwe tuleza kwene tuto utuluwi tuno mukati atuleza twinu.

Yelemiya 5:7

Yawe auzya ati, “Uzye pacani cino ningelela amaifyo ya antu yane? Yene yamfutatila nupya yakapepa tuleza utusi twacumi. Nemo nimwile antu yane mpaka yikuta, lelo yene yacisile ulenzyo nu kwizya pamwi na yacizelele.

Yelemiya 18:13

Yawe akuti, “Mutale muzye imitundu yonsi ndi cakuti umuntu umwi wino uvwa cintu camusango ndi uu, cakuti umukazyana atatala wamanya umonsi, wacita icintu iciipisye!

Ezekelo 5:7

Caleka ne Yawe Simwandalali nkuti, pamulandu wakuntalondela amasunde ni vipope vyane, wemo we Yelusalemu watuiletelela ukuluta imitundu ya antu yano yakuzinguluka. Nupya wemo ukalondela imisango ya antu ya mitundu yuze.

Ezekelo 14:5

Ndacita cii pakuti imbwezye imyenzo ya ina Izlaeli, yayo yonsi yano yamfutatila nu kulondela utuluwi twao.’

Malango 32:16

Ukupepa kwao ukwa tuluwi ukwalesile ukuti Yawe asuke akwate uzuwa. Ni vicitwa vyao ivyankota vyalenzile kuti asoke.

Malango 32:21

Yandenga ukuya nu uzuwa pamulandu ni vipangwe visi leza, Yaleka nasoka pamulandu na tuno yakwama ukuti a tuleza, tuto tuno umucumi tusi a tuleza. Caleka fwandi nani ndaleka yaye nu uzuwa ku cintu icisi umutundu wa mpomvu. Ndaleka uluko lwa ciwelewele luyasosye.

1 Yamwene 11:33

Ndacita vivyo pamulandu wakuti Solomoni wiyo wamfutatila, atatandika nu kupepa Asyitaloti, kaleza kanaci ka ina Sidoni, na Kemosyi, kaleza kanaci ka ina Moabu, alino na Moleki, kaleza ka ina Amoni, Solomoni wata ukuntontela. Wene akucita ivintu vya winyi nupya asikusunga amasunde yane ni vyeo vyane wakwe vino isi Davidi wacitanga.

2 Yamwene 1:3

Lelo umungeli wakwe Yawe anena Eliya umwina Tisyibe ati, “Katuka yanga ukakomenkanye inkombe zya mwene waku Samaliya nga uzyuzye uti, ‘Uzye icani icalenga kuti uye ku kusapola kuli Baali Zebubi, kaleza ka antu aku Ekiloni? Uzye mukwelenganya ukuti mu mpanga ya Izlaeli mutaya Leza, vwile?’