Yelemiya 19:8 - Amazwi Yakwe Leza 2013

⁸ Nupya namaonona umusumba uo cakuti yonsi yano yamapitanga mwenemo yaoopa nu kuzunguka kuli vyonsi vino vimacitika mwenemo.

Yelemiya 19:8 交叉參考

Yelemiya 18:16

Yasenula impanga icitumba, icintu cakusausya amanda pe, na wensi wino alapita apipi cilamupezya amano, nupya alapukunya sile umutwe.

Yelemiya 49:13

Pasi pano nalapa nemweneco ukuti Bozila alasanguka icitala ng'anda, nupya icintu cimwi icakoofezya, camuzewanya nu lutipu. Nupya imisumba ya mwenemo ilasyalilila amatongwa pee.”

1 Yamwene 9:8

Na pa Ng'anda kwene ii palasyala itongwa, kwati pataizipiile. Nu muntu wensi uwafika penepo alauzya ati, ‘Uzye pacani cino Yawe wacitila icintu camusango uu ku mpanga ii nu ku Ng'anda kwene ii?’

Zefaniya 2:15

Ukwene uli musumba uno waitakizizyanga amaka nu kwelenganya ukuti utenzi mu mutende. Antu yamwenemo yakaelenganya mu myenzo yao yati, “Umusumba witu uli musumba umu nsi yonsi uwamaka ukuluta.” Wene ulaya wi tongwa, mumo muno inyama zya mpanga zilikala! Umuntu wensi wino alapita apipi alazakaza nu kuvwa amiiku uku ntete.

Yelemiya 50:13

Atalatala aikalwemo nupya, pamulandu ni cipyu cakwe Yawe. Alasanguka ulwanga umwaulwa akali konsi na wensi aalapita ku Babiloni, alazunguka wakwe cimwi nu kulizya miluvi pamulandu nu ulanda wakwe onsi.

Yelemiya 25:18

Yelusalemu ni misumba yaku Yuda, yamwene yao ni vilolo vyao, apakuti ice isanguke ulwanga nu kononeka. Ikawelwe nu kutipwilwa ndi vino caya nu mwilelo kwene.

Aina Levi 26:32

Ndonona impanga inu yonsi pyu cakuti anisi inu yano yalikalamo cilayapezya amano pamulandu wa ononyi.

Malango 28:37

Umu nko muno Yawe alamusalanganyizizya, antu yalazunguka pa vintu vino vyati vimuponela. Yalamuwela nu kumutumfya.

Malango 29:22

“Umu nkulo iziliza ku nkolelo amu mupanda winu na inamasi afuma ku mpanga zya kutali yalalola ivilumbelo na macuzi yano Yawe alaleta mu mpanga inu.

Ezekelo 27:36

Aculuzi amitundu yakuwa imiluvi pali wewe, pano watusanguka cakoopa, nupya watuononeka.”

Mika 6:16

Mwemo mwalondela ivicitwa viipe vyakwe Omuli ni vicitwa vyonsi vya ang'anda yakwe Aabu. Mukasunga ni ntambi zyao zyonsi. Caleka ndamulovya, na antu yonsi yalamusuula, nga na antu amu nko zyuze yalamusoweka.”