Yelemiya 19:7 - Amazwi Yakwe Leza 2013

⁷ Mu cifoloma kwene cico ali muno navulunginye amapange ya antu aku Yuda na aku Yelusalemu. Namaleka ukuti anisi yao yayacimvye umu nkondo, nu kuyakoma ali muno yayakomele. Namaleka ukuti ivyunyi ni vinyama vya mpanga ali vino vyalya ivyala vyao.

Yelemiya 19:7 交叉參考

Aina Levi 26:17

Nkaamufutatila pakuti anisi inu yamucimvye. Nupya yano amupata yakaamuteeka. Muli nu kuya ni ntete cakuti mukaautuka nalino kusi umwi akumuzinganya.

Yelemiya 16:4

yalafwa imfwa ya ndwala ziipisye. Kutalaya wakuyalosya nanti ukuyaziika. Yalalala wa muvundo mu musili. Yalalowa ku lupanga nu ku cipowe. Ivyala vyao vilaya ivyakulya vya vyunyi vyamu lwelele ni vilyanyi vyamu mpanga.

Yelemiya 34:20

ndayapeela umu makasa ya anisi yao nu mu makasa yakwe yano yakayapangila ukuyakoma.

Yelemiya 15:9

Nyina wi kwata cinimbali alazyenguka, mpaka umwenzo ukuputuka. Uluswepo lwakwe lwa kasanya lulasanguka imfinzi. Wene insonyi zilamulema mpaka azewane. Yao aalasyala impondo, yalayamalila ku anisi yao. Ne Yawe natindanda.”

Yelemiya 15:2

Ndi cakuti yakuuzya kuno yangalungama, uyanene ukuti Yawe wati, ‘Yamwi yali nu kufwa ku ndwala, nga ku ndwala kwene ali kuno yali nu kuya! Yamwi yali nu kufwa ku lupanga, nga ku lupanga kwene akuno yali nu kuya! Yamwi yali nu kufwa ku cipowe, nga ku cipowe kwene ali kuno yali nu kuya! Yamwi yali nu kusendwa ku uzya, nga ku uzya kwene ali kuno yali nu kufwa!’ ”

Yelemiya 7:33

Ni vyala vya antu yayo vilaliwa uku vyunyi vyamu lwelele ni nyama zya mpanga, nga kutalaya uwakuvizinga.

Loma 4:14

Pano ndi cintu cino Leza walaya cili nu kupelwa kuli yao akayela Masunde, ale lyene nu utailo utakusenula cimwi, nupya ale nu ulayo wakwe Leza uwasilesile.

Loma 3:31

Uzye lyene tungati pa utailo kwene uu twafutatila Masunde? Awe, cisi vivyo! Mu cifulo cakwe cii, tukakomelezya kuyela Masunde.

Nyimbo zya ndosya 3:37

Uzye aweni angalandapo cimwi nu kucitika cicitike, ndi cakuti Umwene aliwe atakasi?

Yelemiya 46:26

Nemo ndayapeela mu makasa yakwe yayo akalonda kuyakoma, kuli kuti mu makasa yakwe Nebukadineza umwene waku Babiloni nu mu makasa ya aomvi yakwe. Lelo apacisila antu yalaikala nupya mu Eguputo, ndi vino cali mu manda yampiti. Ivyalanda ne Yawe.”

Yelemiya 22:25

Nakupeela mu makasa yakwe yano yakalonda ku kukoma, mu minwe yakwe yano ukaoopa, mu minwe yakwe Nebukadineza umwene waku Babiloni, nu mu minwe ya ina Kalideya.

Yelemiya 22:19

Wene alazikwa wakwe punda, nupya yalamukwetulula yamusende nu kumusumbila ukunzi ya mpongolo zyakwe Yelusalemu.”

Yelemiya 18:21

Caleka we Yawe, sungala uleke ana yao yafwe ku cipowe, kayafwe nu ku nkondo. Leka aci yao yafwilwe ana na yaiya. Leka aonsi yafwe ku mpungo, na alumendo leka yafwe ku nkondo.

Yelemiya 8:2

Mu cifulo cakuti yakonganikwe nu kuzikwa, amafupa yao yalaya wakwe citindi uwatatulumana pa musili. Yene yalaanikwa ku kasanya, ku mwezi nu ku ntanda, uku vintu kwene vivyo vino yatemilwe ukutumikila, vino yakalondela nu kuuzya kuno vili nga nu kuvipepa. Kutalaya uwakuyakolonganika nu kuyaziika. Yalikala pa musili wa muvundo.

Ezaya 8:10

Muiteyanye vino muli nu kucita. Lelo kwene pasi cino mulacita. Mutake vyonsi vino mungataka, lelo mukuicuzya sile. Pano swemo Leza waya naswe.

Mapinda 21:30

Amano, ukwiluka kwa vintu, nanti ukupandwa amano, vii vyonsi ivya ciwelewele sile ndi cakuti visikulola kuli vino Yawe akalonda.

Yelemiya 8:8

Uzye mungalanda uli ukuti mwemwe yamano nupya mwakwata na masunde ya Mwene. Silolini vino amasunde yasenulwa na yakalemba incenjezi.

Yelemiya 8:9

Antu inu aamano insonyi zilayalema. Yalazewana nu kulemwa mu lukose. Na yayo akasuula Yawe, ale lyene amano yao ivyani vino yakayatumbwila?

Yelemiya 32:28

Fwandi vii ivyalanda Yawe, nasya mpeele umusumba uu mu makasa yakwe Nebukadineza umwene waku Babiloni, wiyo aamaupoka.

Aina Levi 26:25

Ndalenga inkondo ukuya panomuli pa kumuvunuka pamulandu wa kutama upangano witu. Nupya ndi mwakongana mu misumba inu ku kuzina, indi nu kulenga indwala izisipoziwa kupona munomuli. Lyene muli nu kupatikiziwa ukucimba ku anisi inu.

1 Samueli 17:46

Uwanda kwene uu Yawe amakundemela. Namakucimvya nu kuputula umutwe wako. Nupya namapeela imili ya asilika ya ina Filisti ku vyunyi ni vinyama kuti vilye. Lyene amu nsi yonsi yalamanya ukuti umu mpanga ya ina Izlaeli mwaya Leza.

2 Yamwene 21:14

Antu aalapusunsuka mwenemo, ndayatazyela icakuti anisi yao yalayacuzya wakwe cimwi. Yalacimviwa nu kupokwa impanga yao.

Ezaya 29:14

Fwandi lyene nemo namayazungusyanga lino namatwalililanga ukuyapezya. Yano akulola ukuti yakwata amano yamasanguka iviwelewele vya antu. Nu ucenjezi wao utalayatumbwila nanti cimwi.”

Yelemiya 21:7

Alino wiyo wensi aalapusuka ku mpungo nu ku lupanga nga nu ku cipowe, wene alalemwa ku mwene Nebukadineza nu ku anisi yao yano yalayakoma. Yene yalakomolwa kunoli ku cilimi ca lupanga lwakwe. Atalasya penepo nanti wenga nupya atalayuvwila uluse foo.”