Yelemiya 19:5 - Amazwi Yakwe Leza 2013

⁵ Nupya yatiyakuulila Baali utuvuwa utwakocela penepo ana yao wa mpolelwa. Alino nemo ku mano yane citatala caya nakweneko icakuti yangocele ana yao wa mpolelwa.

Yelemiya 19:5 交叉參考

Yelemiya 32:35

Yakuuzile ni ncende ya kupepela mwenemo Baali mu cifoloma ca Beni Hinomu, apakuti amuno yacindikila Moleki, umukupisya ana yao anaci na onsi umu moto. Icintu cimwi cico cino ntatazile njanene, cino citatazile cize nu ku mano yane kuti yangacita iviipe vya mwata ndi uu nu kulenga aina Yuda ukwifya.

Malango 12:31

Cisi cakwezya ukupepa Yawe Leza winu mu musango wao, pamulandu wakuti yene pa kupepa tuleza twao yakacita ivimisango vimwi ivyawinyi vino Yawe Leza winu wapata. Yene yakaoca na ana yao aonsi na anaci pa kuyatuula impolelwa kuli tuleza twao utuluwi.

Aina Levi 18:21

Utapeela umwi uwamu ana yako kuti aomviwe mu mapepo yakwe leza Moleki, pano cico cingaleta muzewanya kwi zina lyakwe Leza, Yawe.

2 Yamwene 17:17

Yocanga wa mpolelwa ana yao aonsi na akazyana ku mileza yankandawa. Yasapolanga nu kupendola kuli yakalola na yakamucape. Alino yaipelesyanga wensi pyu, umu kucita iviipe pa manso yakwe Yawe, iyamulenga ukusoka.

Danieli 2:29

“Walanga lino we musambazi ucikaswile, walosile ivintu iviliza inkolelo. Nga Leza wino akasokolola inkama nawe akulanga ivilacitika.

Ezekelo 38:10

Vii ivyalanda Yawe Simwandalali kuli Gogi, apa wanda ulya, amelenganyo yaliza umu mano yako, nu kuteyanya ulateyanya amapange aipe.

Ezekelo 20:26

Nupya nayatile ukuti yakweyowezya aisikulu ku mawila ni mpolelwa zyao, apakuleka ukuti yatoola na ana yao aonsi amayeli nu kuyoca impolelwa. Na cino nacitile cico apakuyafulula, na pakuyalanga ukuti nene nenga mpo indi Yawe.

2 Milandu 28:3

Aoca nu ubani mu Cifoloma ca Beni Hinomu nu kupeela ana yakwe aonsi wa mpolelwa, apakulondela imisango iipe ya nko zino Yawe wazinzile apa manso ya ina Izlaeli.

Mpendwa 22:41

Uwanda uwalondelilepo akatondo Balaki asenda Balamu nu kumulemezya ukupeela ku myamba ya Bamoti Baali, pakuti alole sile akapukutu ka ina Izlaeli ali ku lutwe lwa nsakwe.

Ezekelo 16:36

Vii ivyalanda ne Yawe Simwandalali, “Pamulandu wakuti wayazulilanga nu kuleka yakulole tupu, apakulongozya na yacuza yako nu tuluwi twako utwamuselu, nupya uvipeela nu wazi wa yana yako,

2 Yamwene 21:6

Manase atoola nu mwana wakwe wenga umonsi, amupeela wa mpolelwa yakoca. Alino atandika na uncimya nu kusapola nga nu kuuzya ku antu ya malele na yasing'anga pamwi na yasikangulu kwene. Fwandi wene waifizye sana kuli Yawe amusosya wakwe cimwi.