Yelemiya 18:12 - Amazwi Yakwe Leza 2013

¹² Lelo yene yalaasuka yati, ‘Ala ukuicuzya sile! Tumatwalilila ukucita vino tukulonda. Cila wenga uwa munotuli amatwalilila nu kutalama kwa mwenzo wakwe.’ ”

Yelemiya 18:12 交叉參考

Yelemiya 2:25

Izlaeli, ala wemo tekela pano limwi ungazana ukuti ulwazo lwako ulucisike nanti umukolomilo wako uumalale umukulondelela tuleza utwenyi. Lelo kwene wemo watile, ‘Usi mulandu, nintemwa tuleza kwene tuu, atuno namalondelelanga.’ ”

Malango 29:19

Musininkizye ukuti pali mwemwe mwensi, mwemuno mwatimwimilila pano ilelo pataya nanti wenga uwakuisomba ukuti alaikala sile ningo ukwaula intazi nanti angala wene wacita ivyaucintuvwa wakwe. Owe mwe! Ale lyene wiyo alaleta ulupekeso ku muntu umusuma nu ku mwipe kwene.

Yelemiya 16:12

Lelo mwemo mwifya ukuluta yaso. Si lolini vino cila wenga akulondelela ulukumbwa lwa mwenzo wakwe wiipe, ukwaula nu kunguvwa foo.

Yelemiya 7:24

Lelo yakanyile ukunguvwa nanti ukuteya amatwi. Yalondelelanga ulunkumbwa lwamu myenzo yao iipe. Yene yamfutatile yakana nu kumfutatukila.

Ezaya 57:10

Nanti angala mukatonta uli apakulondelezya utuluwi, mutange mutale mutonte foo. Mwemo mukalola ukuti utuluwi kwene tuto, tuleza twinu utwipisye tulamupeela amaka, nupya aici nu ukasu kwene mutakwata.

Luka 1:51

Mwene wataomvya ikasa lyakwe lya maka pa kusalanganya antu a myenzo ya cilumba.

Yelemiya 3:17

Umu manda yaya, Yelusalemu alaamwa ukuti icilimba cakwe Yawe ni mitundu yonsi akuno iloomokela umwi zina lyakwe Yawe. Yatalalondelela nupya ivintu vya utalami, nanti ivintu vyuze iviipe vino imyenzo yao ilayanena.

Utandiko 8:21

Lyene lino Yawe wanunsya umununko, nga umwisikulu avwanga ati, “Ntalatala ntipe insi nupya, pamulandu wa vicitwa vya muntu. Amelenganyo ya antu yaya ankota ukufuma ku civyalilwa. Ntalonona insi ni vyaumi vyonsi nupya, wakwe vino natincita.”

Ezekelo 37:11

Alino Yawe anena ati, “We mwana wa muntu, ala aina Izlaeli yaya wa mafupa yaa. Yene yakati, ‘Swemo tuuma solokoto wa mafupa kwene yayo, nu upaalilo kutacikweti, foo; Twala twalowelela sile.’

Yelemiya 44:17

Swemo tumatwalilila ukucita vino twalaya. Tumaocelanga namwene wa mwiyulu ubani. Tumamupongolwelelanga na mawila ya vyakumwa. Vivi kwene sile vino twacitanga sweisikulu, ivikolwe vitu, yamwene itu, intunguluzi zitu, ndi vino antu yacitanga mu misumba yamu Yuda nu mu miseo yamu Yelusalemu. Pano lilyo lyene twakwatanga vyakulya ivivule, twayanga nu longo nupya ni syamo litatuponelanga, awe.

Yelemiya 23:17

Yene yalayuumilila sile mu kunena yano yasuula Leza ukuti yalaya nu longo. Na wiyo wensi wino akalondelela ulunkumbwa lwa mwenzo wakwe uumalale ala yakumunena ndi vino uzanzo utalamuponela foo.”

Yelemiya 11:8

Lelo yene yasi yakuuvwa foo nanti ukuyeela. Yonsi pyu pasi pakuumalala nu kwifya lyonsi. Nemo nayakonkomezizye ukuyela upangano wane. Lelo yene yakana. Ali cino nani natinjaletela ukuvunukwa yonsi yano yalembwa mu upangano uu.”

2 Yamwene 6:33

Lino Elisya acili akulanda nayo, inkombe itentemuka yiza kunoli. Alino umwene avwanga ati, “Yawe uwatatuponyezya intazi zii. Uzye pacani cino ningatwalilila ukulolela Yawe kuti acite cimwi?”

Utandiko 6:5

Lino Yawe walola vino inkota zya antu zyavulisya na vino ukwelenganya kwao lyonsi kwaya ukwipe,

Malaki 3:14

Mwalanda mwati, ‘Icasilesile ukutumikila Leza. Uzye ivyani vino twatumbula pa kucita vino wene akalonda nanti apa kwezya ukulanga Yawe Wamaka yonsi ukuti tuli nu ulanda pa viipe vino twacita?’

Ezaya 65:2

Nemo lyonsi naya umwi umuiteyanye ukuzengela antu yaa, nanti yene yakaluvyanyizizya sile itolo, nu kuicitila vino aeneco yaitemilwe.

Yelemiya 6:17

Namusontelile na yakalinda ukuti yangakutika ku kulila kwa ntandala. Lelo mwemo mwakanyile muti, “Tutakutala tukutike.”