Yelemiya 17:8 - Amazwi Yakwe Leza 2013

⁸ Wene waya wa muti uno walemwa ukuli amanzi uukasakata imisisi ukuli amanzi. Wene usiopa icipuki ndi ciza, pamulandu wakuti amafwa yakweo yakaya sile lyonsi alembe. Umu mwaka wa cilala wene usisakamala foo, nupya usita ukuseeka.”

Yelemiya 17:8 交叉參考

Masamu 1:3

Wene waya wa muti uno yalema umu mbali ya kaluzi, nu kuseeka ukaseeka apa nsita ilingane. Amafwa ya muti uo yasitala iyuma. Vyonsi vino akacita asiposiwa.

Ezaya 58:11

Lyene nene ndamutungulula lyonsi sile, nu kumwimula ivintu visuma. Ndaamukomelezya nu kumusunga ningo, mulaya wa calo cino yakakontelela usaka. Mulaya wa kafukoka ka manzi yano yasiipwa.

Ezekelo 47:12

Apa cituntu ca luzi imbali zyonsi ziili palamela imiti ya viseekwa vya misango yonsi, na mafwa yakweyo yatalatala yaonze ni viseekwa vyakweyo vitalatala visile foo. Cila mwezi imiti iyo ilaaseeka iviseekwa vipya, pasi pano amanzi yayo yafuma ku ncende ipolelelwe. Iviseekwa pasi pausuma ukuvilya na mafwa ayako umulembo wakupozya.”

Yobo 8:16

Ala antu aipe yakoline na kalolo akakulila apa kasanya, yene yakoline ni vikona ivya salanganila umu calo consi pyu.

Yobo 29:19

Natambilizya imisisi yane uku luzi ukuli amanzi avule, muno umuti lyonsi ukatona ulumi.

Mapinda 11:28

Wino wensi akataila mu vyuma vyakwe alaonza nu kulowa, lelo antu akacita vyaololoke yene yalapuka wa mafwa alembe.

Ezaya 61:3

Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.

Yelemiya 39:18

Endi, wemo ndakupususya, nga utalakomwa ku lupanga. Lelo ulapususya umi wako pano wantaila, Ivyalanda ne Yawe.’ ”

Ezekelo 31:3

Endi, namamukolanya nu mukelide waku Lebanoni, uno ukweti misambo iyembe, iyacisao. Wene utali wakwe cimwi cakuti intonje yakweo ifisile nu mu makumbi.