Yelemiya 17:5 - Amazwi Yakwe Leza 2013

⁵ Nupya Yawe Leza avwanga ati, “Watipwa wiyo wensi uwataila mu muntu muze, pano wene wemelela ku mwinakufwa, wino umwenzo wakwe wafutatila Yawe Leza.

Yelemiya 17:5 交叉參考

Ezaya 2:22

Ali cino fwandi mutaezya ukutaila umu muntu wasilesile, wiyo uwakwata sile umupu ukufuma umu mpuno zyakwe. Ata see, nga nawe uwacani? Pano wene uwakufwa sile!

2 Milandu 32:8

Wene akweti sile impuka ya vita iya antu. Lelo swemo twakwata Umwene Leza witu uwakutwazwa nu kutulwisizya inkondo zitu zyonsi.” Mukwai antu apa kuuvwa amazwi yakwe Hezekiya umwene waku Yuda, iyakomeleka nu kukomeleka.

Ezaya 36:6

Ndi cakuti uku mpanga ya Eguputo akuno wika amano, acimanye ukuti kunondi mpanga ya Eguputo yaya sile wi tete ilikontoke lino umuntu angasangula intuwa yakupitila kweneko. Lelo itete kwene lilyo likamucemba umu minwe nu kutulinkanya umu lupi lwakwe, lino wanyomelela kweneko. Vivyo ivili umwene waku Eguputo nupya avino akacita na kuli yonsi yano yasintilila kunoli.

Masamu 62:9

Antu yonsi kwene yaya wa muza. Akama nayo yaya wa ufi, ndi cakuti kwali ukuyapima pali sikelo, yatange yanyome nanti panono, yali sile wa muza.

Masamu 18:21

Nkawaka amasunde yakwe Yawe, nupya nsicita iviipe nu kufuntuka kuli Leza wane.

Ezekelo 6:9

Mumo ali muno yalaikala uzya nu kunjiusya ali kuno yalanjiusizya nu kumanya ukuti anene nayafulwile nu kuyalenga insonyi. Pasi pano yamfumizyeko amano, yali nu lwiswa lwa tuluwi, nemo yansuuzile. Ukuya kwene yalaisuula aeneco pamulandu wa viipe ni vyawinyi vino yacitanga.

Oseya 1:2

Lino Yawe watandike ukuvwangila muli Oseya, wene wamunenyile ati, “Pita uye ukasake umwanaci cizelele nga akuvyalile ana yano yatalaya acumi. Pano antu amu mpanga ii yamfutatila nupya yasi acumi.”

Ezaya 59:15

Icumi caticicepesya cakuti umuntu umwi ndi wata ukwifya ala lyene wene wailetelela. Vyonsi vivyo ali vino Leza walola nu kusoka wasoka, pamulandu wakuti kusi nanti umwi akacita vyaololoke.

2 Milandu 16:12

Umu mwaka uwalenga makumi yatatu na fundimbali uwa kuteeka kwakwe, Asa walwile ulwale uku ngazo. Nga lelo nalyo kwene wene atataile muli Yawe, lelo waile kuli yasing'anga.

Ezaya 20:5

Lyene yayo yonsi asintilila mu mpanga ya Kusyi nu kuitanka pa ina Eguputo, yaluvwa intete nga ni nsonyi zilayalema.

Yelemiya 11:3

ukuti ne Yawe Leza wa ina Izlaeli natiniika ulutipu apa muntu wensi wino asiyela amazwi aupangano uu.