Yelemiya 17:1 - Amazwi Yakwe Leza 2013

¹ Yawe Leza akuti, “Mwe antu amu Yuda, ala iifyo linu lyalembwa ku cilembelo ca cela. Lyene lyakololwa ku nsongo yi we lyakwe daimondi apa myenzo inu na pa mpembe zya tuvuwa twinu.

Yelemiya 17:1 交叉參考

Mapinda 3:3

Utaleka ukuyela kwako nu kutaila kwako vikusye. Vivyo uvinyepelele umu nsingo yako, uvilembe nu mu mwenzo wako.

2 Kolinto 3:3

Cimanyike vino mwemwe muli kalata uwalembwa na Klistu wino watumilizye sweswe. Kalata wii atalembwa na inki, lelo walemvilwe na Mupasi wakwe Leza wa umi. Nupya atalemvilwe pa vipampa vya mawe lelo mu myenzo ya antu.

Mapinda 7:3

Uyacite kwati wayanyepelela apa minwe yako nu kuyalemba umu mwenzo wako ungati api seleti.

Aina Levi 4:25

Pacisila cakwe vii, simapepo atimpike umunwe wakwe umu wazi umwi uwa wila wa kwelela amaifyo. Lyene apake uwazi pa mpembe zya kavuwa ka kupelelapo uwila wakoca. Uwazi uwo uno wasyala awitile mwisika ya kavuwa kako kwene.

Oseya 12:11

“Lelo antu yakupepa utuluwi ku Gileadi. Yayo akapepa utuluwi tuto yalafwa. Yene yakapela impolelwa uku Giligali, lelo utuvuwa twao kuku tulaongololwa tuye wa mutumba wa mawe umu musonso.

Ezaya 49:16

Yelusalemu, ala nemo ntange nkwilile foo, pano nemo nakulemba nu mu ndupi zyane. Iviumba vyako nkuvilola insita zyonsi.

Yelemiya 2:22

Nanti ungafulala uli na sopo umununkile, ukulutila kwa uyi wako mpaka kuloleke kunondi.

Yelemiya 4:14

“We Yelusalemu, si wange ufulale uyi wa mwenzo wako pakuti lyene upusuke. Uzye umatwalilila ukwelenganya iviipe ukufika lilaci?

Oseya 7:2

Lelo yene yasiiluka ukuti nemo nkaiusya ivicitwa vyao vyonsi iviipe. Amaifyo yao yayalizizya monsi, nupya lyonsi kwene nkayalola.

Zakaliya 7:12

Yumika imyenzo yao iya ndi wi we. Nupya yatakasi kuuvwa nanti ukusakamala kuli vino Yawe Wamaka yonsi akuyasunda, lilyo lyonsi lino wayatumilanga yakasema yakwe, pakuti yasema amazwi yakwe ukufuma na pampiti. Fwandi Yawe Wamaka yonsi nawe ali pakuyasokela.

Yelemiya 11:13

Utuluwi kwene tuno antu amu Yuda yakwata twalingana ni misumba ino yakwata, nga aikazi amu Yelusalemu nayo yakuula utuvuwa utwakutuulila Baali impolelwa, kaleza kapupane, nato twalingana sile ni miseo yamu musumba kwene uu.

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Oseya 8:11

“Aluko lwakwe Efulemu yapanzile utuvuwa utwingi utwa mawila ya kwelela amaifyo. Lelo utuvuwa tuto yatusangula incende yakwifizya penepo.