Yelemiya 14:3 - Amazwi Yakwe Leza 2013

³ Akama yakutuma aomvi yao ku kuyatapila amanzi, nayo akula yaya ku vifula, yazana mu vifula musi amanzi. Lyene nayo ali pakuweluluka kweneko ni nsembo umwaula amanzi. Cintu cii iciyatovola nu kuyavulunganya, cakuti yavimba insalu apa manso.

Yelemiya 14:3 交叉參考

2 Samueli 15:30

Lelo Davidi atwalilila ukutumbela Mwamba wa Miolivi, ala akulila lino akuya. Ku mutwe wakwe ala kwati kuvimbwa lelo ku ngazo atazwite cimwi. Antu yonsi ali nawe nayo kwene iyavimba ku mitwe yao, ala yakulila lino yakupita.

Masamu 40:14

Leka yao akulonda uku nkoma yazewane, ni nsonyi ziyaleme! Leka yao akuzanga apamulandu wa macuzi yane, yaswilile mwenemo ale yati yaponya ni nsuka.

2 Yamwene 18:31

“Mutauvwa kuli Hezekiya. Umwene waku Asilya wamupeela iceo ica kufuma mu musumba nu kucimba. Mulazumiliziwa mwensi ukulya iviseekwa vya vilimwa vinu umu vyalo vinu, na masuku aku miti inu nu kumwa amanzi mu vifula vinu,

Amosi 4:8

Caleka antu amu misumba iili nanti itatu ndi yakatuka ukuya ku musumba umwi, kuti yakamwe amanzi, ulusala lwao lutaputukanga awe. Lelo nalyo kwene mwemo mutawezile kunondi. Avino Yawe wavwanga.

Yelemiya 2:13

Antu yane yatala imilandu iili: yene yamfutatila, nemuno naya akafukoka ka manzi ya umi, yafukwila ni vifula vya manzi ivituloke ivisisunga amanzi.”

Yowelo 1:20

Ni nyama zya mpanga kwene zikukulilila, pano amanzi yatiyapwa mu nguzi zyonsi.

Yelemiya 20:11

Lelo we Yawe, wemo waya ku lusansa lwane, nupya wewe ilamba lyamaka, na yayo akuncuzya yamapempezyokanga yaposiwa. Yene yalaposiwa mpaka yazewane pee, pamulandu wakuti yalaposiwa kufikilizya cino yakasi. Ukupupana kwao kutalatala kwililike, awe.

Yelemiya 14:4

Imisili yatiyumalala nu kulangoka pamulandu wakuti imvula kusi umu mpanga. Alimi nayo uku mwenzo kwatikufita nga yatiyavimba ni nsalu apa manso.

Masamu 109:29

Leka anisi yane yazwale umuzewanya. Nupya insonyi ziyavimbilikizye wa nsalu.

Yobo 6:20

Lelo ukupaalila kwako ukwa kuicuzya sile, pano yakati ndi yafika kweneko iyazana amanzi yapwa.

Esita 6:12

Alino Modekai aswilila uku mpongolo ya mwene. Hamani wene zuwazuwa aya ukwakwe, ala watavimba apa manso pamulandu wa nsonyi.

1 Yamwene 17:7

Lino papita insita imwi, uluzi ilukama pamulandu wakuti imvula itatonyanga mu mpanga ilya.

2 Samueli 19:4

Umwene avimba pa manso nga alila akuuta ati, “Owe, we mwanane! We mwanane Abusalomu! Abusalomu, we mwanane!”

Yelemiya 2:37

Nako kwene ku Eguputo mulaweluluka ale mwatimupanga na makasa pa mitwe. Pasi pano ne Yawe ninsuula nu kutazyela yano mwataila. Fwandi mwemo pasi nanti cimwi cino mulasyukila kunoyali.”

Yelemiya 3:3

Uli mulandu uno ni mvula isikutonyela. Ni yamooko kwene ali cino itowike. Lelo wemo wakamuka wa mwanaci cizelele, utakwata ni nsonyi.

Yelemiya 15:18

Uzye lyene pacani cino nkalu kucululuka? Uzye pacani cino vilonda vyane vyalengela ukupola? Uzye ukulonda kuti uye kunondi wa luzi lwa ucenjezi, ulwa manzi akansomba?”

Nyimbo zya ndosya 4:4

Yene yakaleka ana yao yafwa ni nzala nu lusala. Utwana tukulenga vyakulya vyakuti tungalya, lelo pasi uwakutupeela nanti cimwi.

Oseya 2:3

Ndi cakuti atacisile cico, ale lyene ndamuzula, pakuti aikale tupu ndi vino wali lino wavilwe. Ndaleka aye wa lwanga, nupya alaya wa musili uumalale, nga ndamukoma ku lusala.

Zakaliya 14:17

Umutundu onsi uno ulakana ukuya ku Yelusalemu ku kupepa Yawe Leza Wamaka yonsi wa Mwene, utalasyukila imvula.

Amosi 4:7

“Anene kwene nemuno nanyefile imvula lino kwalile kwasyala sile imyezi itatu kuti muzombole. Anene kwene nemuno naleetanga imvula apa musumba umwi, nu kulesya imvula ukutonya pa musumba uze. Indeka ukuti imvula itonye pa calo cimwi, lelo pa calo cuze pene foo, mpaka ipuuma paya na solokoto.