Yelemiya 12:16 - Amazwi Yakwe Leza 2013

¹⁶ Antu yayo ndi cakuti yaca yapokelela upefi wa antu yane, nu kulapa yalapa umulapo yati, ‘Leza andye, yata nu kupepa Baali ndi vino yasambilizye antu yane ukulapa mwi zina lyakwe Baali, ale lyene nayo kwene yalaya pamwi na antu yane.

Yelemiya 12:16 交叉參考

Yelemiya 4:2

Ndi cakuti mwalapa umu cumi, mu ufumaluke nu mu ulungami umwi zina lyane ne Leza waumi, ale lyene antu amu mitundu yonsi yasyala yalapolelelwa ukufuma kunondi. Nupya ukupitila munondi ali muno yalalumbanya izina lyane.”

Zefaniya 1:5

Ndonona yayo akakwela apa mapaala yao nu kupepa ilanzi, umwezi ni ntanda, yayo akati yakapepa Yawe nu kulapa umwi zina lyakwe, lino yene yakulapa mwi zina lyakwe Moleki.

Yoswa 23:7

Mutaezya ukusakana na antu amu nko zi zyonsi izyasyala pakasi kinu. Mutaezya ukulumbula amazina yakwe tuleza twao nanti ukuomvya amazina yatuko nu mulapo. Mutaezya kufukamila nanti kupepa tuleza tuto.

Zakaliya 2:11

Mu nsita kwene iyo antu ya mitundu avule yaliza kuli Yawe, uku kuya antu yakwe. Nawe alaikala apakasi kinu, nu kwiluka muliluka ndi vino Umweneco Wamaka yonsi aliwe wantuma kuno muli.

Yelemiya 5:2

Nanti angala yene yakavwanga yati, ‘Tukapepa Yawe,’ yene yasicita vino yakalanda.

Yelemiya 3:17

Umu manda yaya, Yelusalemu alaamwa ukuti icilimba cakwe Yawe ni mitundu yonsi akuno iloomokela umwi zina lyakwe Yawe. Yatalalondelela nupya ivintu vya utalami, nanti ivintu vyuze iviipe vino imyenzo yao ilayanena.

Ezaya 65:16

Umuntu wensi muno nsi wino alalenga intembo, nene kwene ne Yawe muntafutuka ndamumila ulutembo. Wiyo wensi alalapa, wene alalapa mwi zina lyakwe Leza Muntafutuka, ivinkunka vyonsi vyampiti vilapita nu kuviilila ndaviilila.”

Ezaya 49:6

Yawe wavwanga wati, “Ukuya umuomvi wakututulula inko zyakwe Yakobo, nu kuwezya aina Izlaeli kwacepesya, kutakulinzile foo. Fwandi namalunda penepo nu kukucita uluswepo lwakukozezya ainamasi, apakuti ufyusi wane ufike uku mpela ya nsi.”

Ezaya 45:23

Nkulapa nemwisikulu umwi zina lyane, akanwa kane kakavwanga amazwi ampomvu, yano yatangeyasenulwe, akuti, ‘Ikokola lyonsi lilamfukamila, na antu yonsi yalalapa umwi zina lyane.’

1 Kolinto 3:9

Pano sweswe aomvi alemana pamwi mu kuombela Leza, nga namwe mwemwe calo cakwe Leza. Nupya mwemwe cikulwa cakwe Leza.

Loma 14:11

Pano calembwa mu malembelo cati, “Mwene akuti, Cumi pano nene Leza wa umi cila muntu alamfukamila, nupya alailandila ukuti nene Leza.”

Lwimbo lwakwe Solomoni 1:8

We, wemuno wayemba ukuluta anaci yonsi, uzye utamanya? Si pitanga ulondole ikondo lya ufyo, umazana umulemvwe wa twana twa mbuzi zyako apipi na mataalu yakwe yakacema.

Loma 11:17

Misambo imwi ya muolivi uno antu yalema yene yaputulwa, nga pa viposi vya misambo iyo palematikwa misambo ya muolivi uwamu mpanga. Mwe Akulukuwa mukoline wa misambo ya muolivi uwamu mpanga ino yalematikweko, nga ndakai mwati mukumako kukupolelelwa kwakuya vilundwa ku Ayuda.

Luti 3:13

Walutenzi kuno nu usiku kwene, nga akatondo umuntu wiyo ndi akasi angiza azumile ku kuzifya, ale cazipa. Lelo kwene ndi cakuti wiza wakana, nemo nalapa mwi zina lyakwe Yawe ukuti nene kwene indi nu kucita cico. Acino wemo lala sile ukufika akatondo.”

Ezaya 42:6

“Ne Yawe awewe wemuno naama apakuti ulole ukuti vyaololoke vyacitwa pano nsi. Ndakulemelela apikasa nu ku kusunga, kuti uye icipangano ku antu, kuti uye luswepo lwakuyengesela Akulukuwa.

Yelemiya 5:7

Yawe auzya ati, “Uzye pacani cino ningelela amaifyo ya antu yane? Yene yamfutatila nupya yakapepa tuleza utusi twacumi. Nemo nimwile antu yane mpaka yikuta, lelo yene yacisile ulenzyo nu kwizya pamwi na yacizelele.

Yelemiya 6:16

Yawe wavwanga ku antu yakwe ati, “Imililini pa masansa ya museo, mucelecensye! Muzye inzila zyampiti nupya muzye ukuli inzila zisuma alino lyene mupite mwenemo. Lyene mulikala mu mutende.” Lelo mwemo mwakanyile imuti nu kuti, “Tutange tupite mwenemo, awe!”

Yelemiya 16:19

We Yawe, we maka yane, we linga lyane, cakuzinamo cane mu wanda wa ulanda. Imitundu iliza kunuli, ukufuma ku mipaka ya mpanga ilalanda nu kuti, “Yatata yapyanyile ivyaufi utupu tupu, ivyaciwelewele, vyaula amaka.

Yelemiya 18:8

lelo umutundu uno napingwilile vivyo wata ukwifya, lyene ningautezela apa uyi uno naupangile ukucita.

Zakaliya 1:6

Uzye ivikolwe vinu vituvwile amazwi yane na masunde yane yano nanenyile aomvi yane yakasema? Lyene yene yazenzwike nu kuvwanga yati, Yawe Wamaka yonsi watatupezya ukulingana ni miyele nga ni vicitwa vitu iviipe.’ ”

Ezaya 2:3

Yalavwanga nu kuti, “Tuyini twapita tutumbele umwamba wakwe Yawe, apakuti aye akatusunde vino tuli nu kucita, apakuti twalondela mwi kula lyakwe.” Umu cumi amasunde yakwe Yawe yakafuma mu Yelusalemu, pano umu Zioni ali muno akapeelela antu yakwe amalango.