Yelemiya 12:12 - Amazwi Yakwe Leza 2013

¹² Antu yali yacilinganya imilundu yonsi yamu lwanga nu kwiza mu kuzanza impanga ii. Nemo ninjakatusizya inkondo ya konona impanga yonsi. Kusi nanti wenga wino amasyala aikalile umweneco ku matwi cele.

Yelemiya 12:12 交叉參考

Amosi 9:4

Ndi cakuti anisi yao yayasenda umu uzya, kuku kwene ndapeela ilamulo lyakuti yayakome umu nkondo. Ndayacevya mpaka njaletele imikosi nupya ntalayazwa awe.

Yelemiya 47:6

Mwemo mukuti, ‘Iye mwe, we lupanga lwakwe Yawe, ulapuza lilaci? Sungala uswilile mu cituwo cako, nenuka, ikala cele.’

Ezekelo 14:17

“Nanti uzye ndi naponya inkondo umu mpanga kwene iyo nu kupeela ilamulo lyakuti inkondo isansantike mu mpanga kwene iyo nu konona antu kumwi ni nyama,

Ezaya 34:6

Ulupanga lwakwe lumakandana uwazi wao, nu kunonoka uku mafuta ya twana twa mfwele ni mbuzi, lino yakupeela impolelwa. Yawe aliwe amatuula impolelwa uku musumba wa Bozila, muno amakomola antu aku Edomu.

Umbwilo 6:4

Alino kwiza imfwalasi yuze iyenzu. Wino uwakwezilepo wapilwe amaka akuleta ulwi mu nsi, pakuti antu yakomane. Wene wapilwe lupanga lukulu.

Zefaniya 2:12

Namwe kwene mwe ina Kusyi, Yawe alamukoma uku lupanga lwakwe.

Ezekelo 5:2

Lino ukuzanzwa kwa musumba kwaya umukusila, tola akamutumba konga uye ukakocele pakasi ka musumba. Alino utoole akamutumba kakwe ciili, uye ufume ukukacentola nu lupanga lino ukuzinguluka umusumba. Akamutumba kakwe citatu, kene ukakanyunye umu muza, nga nani namafuma nkulondela apacisila nu lupanga.

Yelemiya 48:2

Moabu yatalamulumbanya nupya. Umu Hesyiboni ali muno yakupangila ukuwisya umusumba wa Moabu. Yakuti, ‘Izini kuno, lekini tulovye uluko lulu.’ Namwe kwene, mwemuno mwikala mu Madimeni, yalamulenga ukuya cele. Ivita vilamuzinganya ku lupanga.

Yelemiya 34:17

Caleka lyene Yawe wavwanga wati, “Mwatimukana ukunguvwa, mwakana nu kupeela untungwa cila muntu uku anyonko nu ku auzo. Icisuma fwandi, nemo namamusunkilizya umu nkondo, uku mpungo nu ku cipowe. Namamuletela na kasokonda uku wene uli onsi uwa pano nsi.

Yelemiya 15:2

Ndi cakuti yakuuzya kuno yangalungama, uyanene ukuti Yawe wati, ‘Yamwi yali nu kufwa ku ndwala, nga ku ndwala kwene ali kuno yali nu kuya! Yamwi yali nu kufwa ku lupanga, nga ku lupanga kwene akuno yali nu kuya! Yamwi yali nu kufwa ku cipowe, nga ku cipowe kwene ali kuno yali nu kuya! Yamwi yali nu kusendwa ku uzya, nga ku uzya kwene ali kuno yali nu kufwa!’ ”

Yelemiya 3:2

Tala tumpula amanso apa twamba utusanzuke, ucelecensye wenga. Uzye pali incende imwi pali zizyo zino walola pano utatala wacitilapo uzelele? Mwayateyamilanga umu mbali ya nzila, ungati avino aina Alabya yakateyamila antu mu lwanga. Mu cumi watukowezya impanga ku uzelele nu ukakasi wako.

Ezaya 57:21

Aipe yene kusi kuleka yatale yasyukile ulongo. Avino Yawe walanda.

Aina Levi 26:33

Ndalenga inkondo ukuya panomuli kuti musalangane mu mpanga zya inamasi. Mpanga inu ilasyala iyaulamo antu, nupya imisumba inu ilasyala matongwa.

Malango 32:42

Inceto zyane zilatona sile uwazi wao, nu lupanga lwane lulakomola yao akukanya vino nkulonda. Intalasya penepo nanti umwi pali yao alankatukila. Na yao kwene alasyala impondo kumwi na anyepwe, yalafwa yonsi pyu.’

Yelemiya 3:21

“Icongo acico cuvwika apapela ya twamba. Ee, ukulila kwa ina Izlaeli nu kupapata kwao. Pasi pano yatiyanyonganika inzila yao, nu kwilila kuli Yawe, Leza wao.

Yelemiya 4:27

Pano avino Yawe watavwanga ati, “Impanga yonsi ilononwa, lelo ntalayonona pyu.

Yelemiya 16:5

Pano Yawe wavwanga wati, “Mutezya ukwingila mu ng'anda muno yakulosya. Mutezya ukuliila cakulya pamwi nayo nanti ukuyatekezya imyenzo, pano ni mfumya ulongo lwane kunoyali. Nimfumya usuma wane nu luse lwane kunoyali. Ivyalanda ne Yawe.

Yelemiya 25:11

Impanga yonsi ii, imasyala sile ulwanga, cakuti yauze ndi yalolekesya, awe pasi pantete. Antu yonsi yalaombela umwene waku Babiloni apa myaka amakumi cinimbali.

Yelemiya 30:5

“Natinuvwa inkuuta zinu zya ntete izikalamba, izya koopa apakalamba, zisi zya longo foo.

Yelemiya 46:10

“Lelo ilelo uwanda wa Mwene, Yawe Wamaka yonsi. Wanda wi lelo uwanda wa cilanduzi, wakulandula ku anisi yakwe. Lupanga lwakwe lumalya nu kwikuta. Mumakoleka uwazi wao, pano Yawe Wamaka yonsi amatuula impolelwa umu mpanga iyayela ku ntunga yaku kayeya mu pipi nu luzi lwa Yufulate.

Nyimbo zya ndosya 3:17

Ntange niusye nu usuma wa mutende vino waya, nanti vino ukwikala ku matwi cele kwaya kumwi ni nsansa.

Ezekelo 21:4

Ulupanga lwane lwasomolwa mu cituwo, pakukoma umusuma nu mwipe, antu yonsi sile ukufuma ku kayeya nu kufika ku katutu.

Ezekelo 21:28

“We mwana wa muntu sema amazwi yane. Kafisye amazwi yano ne Yawe Simwandalali nkunena aina Amoni, akatukola intusi aina Izlaeli. Kayanene uti, ‘Ala ulupanga alulo, lukulonda ukusalipa. Lwatilukulumbikilwa ukusalipa, nu kumyantula wa nkuwa.

Yelemiya 8:15

Twapaalilanga ulongo, lelo tutalola icisuma nanti cimwi. Twalolelanga ukupola, lelo kwiza sile intete izikalamba.

Ezekelo 21:8

Nupya Yawe avwanga kunondi ati,

Ezekelo 21:9

“We mwana wa muntu, sema uti, Yawe wavwanga wati, ala ulupanga lwati lunyolwa nupya lwati lukulumbilwa.