Yelemiya 11:7 - Amazwi Yakwe Leza 2013

⁷ Pano ukufuma sile lino nafumizye ivikolwe vyao mu Eguputo, nayasopesizye wakwe cimwi ukuyela amazwi yane. Ukufika sile na pilelo nemo natwalilila ukusopa antu yane.

Yelemiya 11:7 交叉參考

2 Milandu 36:15

Yawe Leza wa vikolwe vyao walanga watwalilila ukuyatumila yakasema, aya nu luse apa antu yakwe alino ayapokolola nga apokolola ni Ng'anda yakwe ikulu.

Efeso 4:17

Mwi zina lya Mwene, nkumunena kuti mutacita vintu wa antu atataila, yano kwelenganya kwao ukwa uwelewele

1 Samueli 8:9

Ali cino fwandi wemo ule uyuvwe sile. Lelo kwene ulinzile ukuyasoka nu kuyanenela calimwi vino umwene wao alacita kunoyali.”

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

2 Tesalonika 3:12

Mwi zina lya Mwene Yesu Klistu tukupeela ilamulo ku antu yaa nu kuyasoka kuti yaikala umi uwa mpomvu nu kuomba kuti yazanilemo uwikazi.

Yelemiya 35:15

Kwaula nu kutonta nkamutumila lili lili aomvi yane, yakasema akamunena ukuti mufuntuke cila wenga ku nzila zinu ziipe, muzifye ni vicitwa vinu. Mutalondela tuleza tuze utuluwi nu kututumikila, pakuti muce mwikale mu mpanga ino napiile kuno muli nu ku vikolwe vinu. Lelo mwemo mutuvwile kunondi nanti panono.

Yelemiya 25:4

Mutali akuti munguvwa nanti ukusumbako amano nanti angala Yawe watwalililanga kumutumila aomvi yakwe yakasema.

Yelemiya 11:4

Amazwi ali yamwi kwene yano nanenyile ni vikolwe vyao lino navifumizye mu Eguputo, impanga iyakoline wi lungu lya moto. Nayanenyile ukuti ndi yayela, lyene yalaya antu yane nga nani ndaya Leza wao

Yelemiya 7:13

Lino mwemo mwacitanga ivintu vii vyonsi, nemo namuvwanzizye lili lili, lelo mutatezizye awe. Namwamile, lelo imukana ukuvwa ulwamo lwane.

Malango 30:20

Muce mwatemwa Yawe Leza winu, mwamuyela nu kuya akutailwa kunoli, nga nawe alaleka mwemwe na amu mupanda winu mwikale amanda avule mu mpanga ino walavile ukupeela ivikolwe vinu, Abulaamu, Isaki, na Yakobo.”

Malango 12:32

“Mulinzile ukucita vyonsi vino namupeela ilamulo ukucita. Mutakezye ukulunda penepo nanti ukufumya penepo icili consi.”

Malango 8:6

Acino lyene, mulinzile mwacita wakwe vino wapeezile ilamulo kunomuli, mule mukwikala viine na masunde yakwe nu kumucindika.

Malango 6:2

Lino muli nu umi, mwemwe pamwi na amu mupanda winu mulinzile ukucindika Yawe Leza winu nu kuyela amasunde yakwe yonsi yano nkumupeela, pakuti mwikale mu mpanga ilya amanda avule.

Malango 5:29

Endi, si cizipe imyenzo yao avino iye iyakoopa nene nu kusunga amasunde yane yonsi insita zyonsi, pakuti vyonsi viyazipile kumwi na ana yao amanda pe!

Malango 4:6

Muce mwayela amasunde ningo, lyene cico cilalanga antu amu nko zyuze ukuti mwemwe yamano nupya mwamanyikisya ivintu. Lino yacayuvwa amasunde yaa yonsi, yalazakaza nu kulanda yati, ‘Cumi kwene uluko luu ulukulu lwakwata amano ni cuvwilo!’

Yelemiya 25:3

inti, “Apa myaka amakumi yaili na itatu, ukutandikila apa mwaka walenga ikumi na itatu iya utesi wakwe Yosiya, umwana monsi wakwe Amoni, pano wayelile apa cilimba ca wene mu Yuda, ukufika na pa wanda kwene uno umwene wavwanzile nani nga nani ntatazile imposiwe ukumunena vino wacisile. Lelo mwemo mutasumvileko amano awe.

Yelemiya 31:32

Citalaya wa upangano uno napangine ni vikolwe vyao uwanda uno nayalemile pi kasa nu kuyafumya mu mpanga ya Eguputo. Yene yasuzile upangano wane. Ali cino nali nu kuyalanga ndi vino nene ndi ciinda wao. Ivyalanda Yawe.

Yelemiya 35:14

Isunde lya kuntamwa waini lino Yonadabu wasilile ana yakwe likalondelwa. Pasi pano kufika na pilelo yasyamwa pamulandu wakulondela isunde lya cikolwe cao. Lelo nemuno nkumunena nu kukonkomezya sana kwaula kutonta, musinguvwa foo.

Zakaliya 1:4

Mutakolana ni vikolwe vinu. Uku mpiti yakasema yasemile amalandwe yane kunoyali yati, Yawe Wamaka Onsi wavwanga wati, ‘Zenzukini ku misango inu iipe nga nu ku vicitwa vinu ivyankota. Lelo yene yakanyile ukunguvwa nanti ukunjela.

2 Yamwene 17:13

Yawe watumile inkombe zyakwe uku kuyasoka aina Izlaeli na ina Yuda, pamwi na yakasema ati, “Zenzukini, nu kulondela amasunde yane, aakazanwa mu vipope vino napiile ivikolwe vino na vino namulandile ukupitila muli yakasema yane.”

Yelemiya 32:23

Nayo ali vino yingile mwenemo nu kuipoka. Lelo yakana ukuyela amazwi yako nu kulondela amasunde yako. Yatacisile nanti conga pali vino wayanenyile. Caleka walesile ukuti uyi onsi uyaponele.

Yelemiya 34:14

Cila myaka cinimbali ndi yapita, cila wenga ali nu kulekelamo umuzya wino wiza waikazya kuno muli, apakuti nawe aikalile wenga. Ukuya kwene alinzile waya umuzya apa myaka mutanda kuno muli. Nga alinzile walekwamo apakuya umuntungwa. Lelo ivikolwe vinu vitanguvwile foo, nanti panono.

Oseya 4:1

Mwe ina Izlaeli, uvwini amazwi yakwe Yawe, pamulandu wakuti wene akumupeela umulandu, mwe antu mwemuno mwikala umu mpanga ii. Wene akumupeela umulandu wakuti, mu mpanga ii musi ucumi nanti ukutemwa, nga na antu yatazumila ukuti nene indi Leza.

Oseya 5:1

“Mwe yasimapepo, uvwini vii! Mwe ina Izlaeli mwe, mukutike mwensi.