Yelemiya 11:10 - Amazwi Yakwe Leza 2013

¹⁰ Yatiyasenukila ku maifyo ya vikolwe vyao ndi vino vyene vyakanyile kulondela amazwi yane. Lyene nayo ali vino yakucita. Yene yakupepa tuleza tuze. Aina Izlaeli kumwi na Ayuda yonona upangano uno napangine ni vikolwe vyao.

Yelemiya 11:10 交叉參考

Malango 31:16

Yawe anena Mose ati, “Wasya ufwe nupya ndi wafwa antu yaa yalansangukila nu kutandika ukupepa tuleza twamu mpanga ino yasya yingile mwenemo.

Ezekelo 16:59

Nupya Yawe Simwandalali avwanga ati, “We Yelusalemu, nemo ndakulinganya sile pa vintu vino wemo ukacita, pano onona nu upangano.

1 Samueli 15:11

“Indi nu ulanda pa kupeela Saulo uwene, pamulandu wakuti wene watamfutatila nupya watakana ukuyela amalamulo yane.” Samueli ali pakusoka, nga atandika nu kupapata kuli Yawe usiku ulya onsi.

Yakapingula 2:19

Lelo lino intunguluzi ilya yafwa, yene iyaswilila ku miyele iipisye ukuluta iya vikolwe vyao, yala yakulondela nu kutumikila nu kupepa tuleza tuze. Yene iyakana ukuta ivicitwa vyao ivyankota ni miyele yao iyakutalama.

Yakapingula 2:17

Lelo nalyo kwene aina Izlaeli yatuvwilanga intunguluzi zizi. Pasi pano yene yacisile ngati uzelele pa kufukamilanga tuleza tuze nu kutupepa. Ivikolwe vyao vyayezile amalamulo yakwe Yawe, lelo antu amu mukulo uu yene zuwazuwa yata ukuyela.

Ayebulai 8:9

Utalaya wa upangano uno napanzile ni vikolwe vyao pa wanda uno nayatozile ni kasa lyane nu kuyatungulula kuyafumya mu Eguputo. Yene yatali acumi ku upangano uno nacisile nayo. Caleka ntasumvile mano kunoyali.

Zefaniya 1:6

Ndonona yayo amfutatila yano yata ukundondela, nupya yasiiza kunondi nanti ukunguzya kuti njatungulule.

Oseya 6:7

“Lelo antu yayo yavuna upangano wane ndi vino Adamu wacisile. Kuku kwene, yene yatali acumi kunondi.

Ezekelo 44:7

Pasi pano lyene mwati muleka aenyi yano yatasilamulwa imipasi ni mili kumwi, yingile umu Ncende yamuzilo, nu kukowezya Ng'anda ikulu yakwe Leza, apa nsita ino mukutuula uwila wa vilyo na mafuta nu wazi, nu konona upangano wane uku micitile yinu iipisye yonsi.

Masamu 78:57

Yamusangukila, yata nu kumutontela, vivya kwene ndi vino ivikolwe vyao vyacitanga. Iyaya sile cuze cuze, yatalama wa ulapwa uvyongane.

Malango 9:7

“Mwaiusya cii nupya mutaca mwilile vino mwalenzile Yawe Leza winu ukusoka mu lwanga. Ukufuma sile pa wanda uno mwafumile mu Eguputo kufika na pa wanda uno mwafisile kuno mwemo mwasangukila Yawe.

Aina Levi 26:15

Ndi mwakana ukuyela amasunde na malamulo yane, nu kutama icipangano cino nacisile kunomuli,

Zakaliya 1:4

Mutakolana ni vikolwe vinu. Uku mpiti yakasema yasemile amalandwe yane kunoyali yati, Yawe Wamaka Onsi wavwanga wati, ‘Zenzukini ku misango inu iipe nga nu ku vicitwa vinu ivyankota. Lelo yene yakanyile ukunguvwa nanti ukunjela.

Oseya 7:16

Yene yasiseleukila kuli Leza wapapelapela, lelo yakaya ku tuluwi. Yakoline wa ulapwa uononeke. Intunguluzi zyao zilakomwa ku lupanga, pamulandu wakuti yene yakalanda vyakunsausya. Acino aina Eguputo yalayaseka wakwe cimwi.”

Oseya 6:4

Lelo Yawe akuti, “Mwe aluko lwakwe Efulemu, uzye icani cino namamucitila? Namwe mwe aluko lwakwe Yuda, uzye icani cino namamucitila? Ukutemwa kwinu kuli wakwe kungwi, wino akasalangana umu katondo, kukoline nu lumi ulukakuntika katondotondo.

Yelemiya 31:32

Citalaya wa upangano uno napangine ni vikolwe vyao uwanda uno nayalemile pi kasa nu kuyafumya mu mpanga ya Eguputo. Yene yasuzile upangano wane. Ali cino nali nu kuyalanga ndi vino nene ndi ciinda wao. Ivyalanda Yawe.

Yakapingula 2:11

Lyene aina Izlaeli iyacita inkota pa manso yakwe Yawe nu kutumikila tuleza tu Baali.

Yelemiya 7:28

Caleka kayanene uti, ‘Luu luli luko luno lutayela Yawe Leza wao, luno lutazumile ukusundwa pa kuvunukwa kwakwelo. Cumi calowa, cisilandwa nanti ukulandwa.’”

Yelemiya 9:6

Yene yakomela sile ukucita vyaukakasi ni vyaucenjezi. Yene yaposiwa kumwi nu kumanya ne Yawe Leza wao.

Yelemiya 13:10

Antu ya aipe, nupya yene yakakana nu kuyela amazwi yane. Yene yatalama nupya yakomela sile ukwifya. Yakapepa utuluwi, tuleza tuze tuze sile nupya atuno yakatumikila. Ali cino fwandi nayo kwene yalakolana ni nsalu kwene zizyo, zino antu yatange yazizwale nupya.

Yelemiya 17:23

Ivikolwe vyao vituvwile vino nemo navinenyile, vitasumvileko amano awe. Lelo vyatalime vyakanyile ukunguvwa nu kutontela amasunde yane.”

Yelemiya 44:5

Lelo mwemo mutakasi ukuvwa, nanti ukusumbako amano. Mutalondanga ukuta cimusango cinu cakutuula tuleza twinu ubani.

Yelemiya 44:16

“Swemo vino watunena umwi zina lyakwe Yawe, twakana, tusikulondela izwi lilyo.

Ezekelo 5:6

Lelo Yelusalemu wii, wene wakana ukulondela amasunde yane, waipisya ukuluta imitundu yuze, watalama ukuluta ni mpanga zyuze zino zyamuzinguluka. Yelusalemu wakana ukusunga vipope vyane na masunde yane.

Zakaliya 7:11

“Lelo antu nayo ku mufulo sile yakana ukuuvwa, yene ku kutalama kwao sile, yakana ukwika amano kuli vii vyonsi.

Zakaliya 7:13

Yawe Pali pakuvwanga ukuti antu yakwe ndi yasikuvwa vino akulanda, awe cumi nawe atalauvwa vino yalamupapata.

Ezaya 24:5

Antu yatiyakowezya insi, apamulandu nu konona amasunde yakwe Leza, nu konona upangano uno wapangana nayo, uwakusunga insi pee.

Yelemiya 22:9

Lyene nayo yalaasuka yati, ‘Apamulandu wakutazyela upangano wakwe Yawe Leza wao, yapepa nu kutumikila tuleza tuze.’ ”