Yelemiya 10:8 - Amazwi Yakwe Leza 2013

⁸ Yonsi pano yapela atumpe nupya imbulisi. Uzye yangasambilila cani ku tuluwi twa mbao?

Yelemiya 10:8 交叉參考

Zakaliya 10:2

Antu yakauzya vimwi ku tuluwi tuleza twao, lelo vino tuluwi tukayasuka ala vyauwelewele sile, nupya ivyaufi ufite fititi. Yakasapoola nayo aufi sile, yakatumpoka, yakalota sile vyakulota, yakaicuzya sile ukutekezya antu imyenzo. Fwandi uli mulandu kwene uno antu yakalulumba sile wa mfwele ziponge. Antu yakacula pano yatakwata wakuyatungululako.

Yelemiya 10:14

Cico cikapezya antu amano, yaposiwa nu kucuvwa. Yayo akapanga utuluwi yakalemwa insonyi. Utuluwi twao utwaufi nupya tutakwata umi.

Habakuku 2:18

“Uzye umulimo cii uno akaluwi kakwata? Kene kapangwa sile nu muntu, nupya katange kamunene icili consi suka intumpu. Uzye icani cingalenga ukuti kapanga wa kaluwi akataile? Utuluwi tuno wene akapanga tutangavwanga.

Ezaya 44:19

Yene yasiyelenganya na mano yatakweti, akumanyila ukuti yatiyoca citika umwi umu moto, apa munyeswa yatiyocelapo inyama nu kulya yatiyalya. Alino ivyasyalako yatiyawazako icintu cimwi iciipe cino yafukamila.

Ezaya 41:29

Endi, tuleza tuluwi tonsi utuwelewele. Twene tutangetucitepo icintu nanti cimwi. Ivinkolanya vyonsi vii, ivikacita antu ivya uwelewele. Vyene ivinyukuntike, na maka yakucita cimwi, yavilye.

Masamu 135:18

Antu yano yapanga tuluwi tuto yale yakolane nato, vivyo kwene avino ciye na kuli yayo akatutaila.

Masamu 115:8

Antu yano yatupanga, nu kutuceceta nayo kwene yalingana mano nato!

Yelemiya 4:22

Pano kwene antu yane yatumpa, nupya yatamanya, awe. Yene yakolana na ana aula amano. Yene yatamanyile nanti cimwi. Yacenjela sile umu kucita iviipe. Yakaposiwa ukucita ivisuma.”

Yelemiya 2:27

Yano yakanena icimuti iyati, ‘Wewe tata,’ iyanena ni ciliwe iyati, ‘Wewe mayo.’ Apamulandu wakuti yamfutatila, yasilonda nu kundolekesya. Alino lyene umu nsita ya ntazi yene yakampunda iyati, ‘Katuka ututuule!’

Oseya 4:12

Antu yane yakalonda amano ku kaluwi akawaze ku cimuti, nga umuti iuyanena vino yakasi ukumanya. Mupasi wa ulenzyo ukayaponzya, caleka apakusya Leza wao, lyene yasi acumi kunoli.

Ezaya 44:18

Ala yatamanya nu kutezya nanti kamwi. Yene yazyata yasilola akantu nanti kamwi foo. Imyenzo yao nayo isiiluka.

Yelemiya 3:9

Wene amaangupazya uzelele wakwe, wasuka wakowezya ni mpanga. Wacitanga uzelele ku mawe nu ku miti.

Yelemiya 5:4

Lyene nani nelenganya inti, ‘Antu yaa apina sile. Yene awelewele. Pano yatamanyile vino Leza akalonda, na vino wene akasi kuti yacita.

Yona 2:8

Antu akapepa utuluwi tuleza utwasilesile yaponzya icikuku cako.