Yelemiya 10:16 - Amazwi Yakwe Leza 2013

¹⁶ Leza wakwe Yakobo atakoline nato. Wene uwaumvile ivintu vyonsi. Nupya aliwe kwene wasolola aina Izlaeli kuti yaye antu yakwe kololo. Izina lyakwe a Yawe Wamaka yonsi.

Yelemiya 10:16 交叉參考

Malango 32:9

Pasi pano Yawe wasolwile antu yakwe, amu mutundu wakwe Yakobo ali caupyani cakwe.

Yelemiya 32:18

Ukayela antu amazimbi na mazimbi uluse, lelo ukalandula wakwe cimwi ku ana amufulo pa uyi wa vikolwe vyao. We Leza mukulu Wamaka, Yawe Wamaka yonsi ali zina lyako.

Yelemiya 31:35

“Yawe aliwe akawazya ilanzi apakuti liwale mu nsita yakasanya. Alino umwezi ni ntanda navyo apa nsita ya usiku. Aliwe akasunkanya na yemba nu kuponya amaimbi. A Yawe Wamaka yonsi ali zina lyakwe.

Yelemiya 51:19

Wiyo wino waya icuma cakwe Yakobo wene atakoline nato, awe. Pano wene ali kaumba wakwe vyonsi, ukwikapo nu mutundu wa Izlaeli, caupyanyi cakwe. Izina lyakwe a Yawe Wamaka yonsi.

Yelemiya 10:12

Yawe aliwe wapanzile insi ku maka yakwe, ku mano yakwe waumvile impanga, nu kwanza iyulu ku kucenjela kwakwe.

Masamu 119:57

We Yawe, wewe uli vyonsi kunondi, nalaya ukuyela amasunde yako.

Masamu 74:2

Si iusya antu yako yano we mweneco waisololwile mpiti, yene ali antu yano wakulwile apakuti yaye umutundu wako. Iusya nu Mwamba wa Zioni, uno wikalanga mwenemo!

Nyimbo zya ndosya 3:24

Yawe ali cuma sile cino nakwata. Acino nemo namapaalilanga munoli.

Masamu 135:4

Pano Yawe waisolwela Yakobo kuti aye uwakwakwe, wacita Izlaeli ukuya icuma cakwe.

Yelemiya 50:34

Lelo apano naya ne Wamaka, nemuno ningayatuula. Anene nemuno nkaamwa ukuti Yawe Wamaka yonsi. Anene namayatuula, nu kuleka kuti antu yaikalile ku matwi cele. Lelo aina Babiloni yene namayaponyezya sile isyamo.”

Ezaya 45:7

“Anene napanga uluswepo ni mfinzi, nkaleta ulongo nga nu uzanzo. Ne Yawe nkacita vii vyonsi.

Masamu 73:26

Nanti sile umwili wane nu mwenzo wane vingatontenkana, we Leza, wewe uli maka yane, awewe nkalukisya pee!

Kufuma 19:5

Ndakai ndi mumanguvwila nu kusunga upangano wane, lyene mumayanga antu yane pakasi ka mitundu yonsi ya antu. Nanti cingaya ukuti insi yonsi iyakwane, lelo mwemo mulaya antu yane asololwe.

Ezaya 54:5

Pano uwakuumba kwene aliwe alaya uwako. Izina lyakwe a Yawe Wamaka yonsi. Ali Katuula wako Wamuzilo wakwe Izlaeli, akaamwa Leza wa nsi yonsi.

Ezaya 51:15

“Anene ne Yawe, Leza wako. Anene nkasunkanya yemba, apakuti amayimbi yakatuke yaitamola. Izina lyane anene Yawe Wamaka yonsi!

Ezaya 47:6

Nemo nasokile antu yane, nayasawisye kwati asi antu yane. Nasuka nayapeela mu makasa yako, nga nawe utayakwatile uluse. Na akoloci kwene wayacitanga wanyawanya.

Ezaya 47:4

Wamuzilo wilya wakwe Izlaeli ali Mukuluzi witu, ni zina lyakwe a Yawe Wamaka yonsi.

Mapinda 16:4

Icintu consi kwaya cino Yawe waciumbile. Nu muntu mwipe kwene wamuumbile uku wanda wi syamo.

Masamu 142:5

Nkukwama wewe, we Yawe, inkuti, “Wewe uli cele lyane, wewe Cuma cane muno nsi ya umi.

Yelemiya 10:6

We Yawe, ala kutaya uwakolana nawe. Wemo wewe mukulu, nga ni zina lyako ilikulu nupya ilyamaka wakwe cimwi.

Yelemiya 33:2

“Yawe wino waumvile insi nu kuimumunga, nu kuiteka pano ikala, wamunena wati wiyo wino akaamwa izina lyakuti Yawe, wavwanga wati,

Amosi 4:13

Wiyo kwene wino akapanga imyamba, nu kupanga icipunga, nu kuumbula ukwelenganya kwakwe ku muntu, aliwe kwene akasenula umusanya iuya usiku, aliwe kwene akapita pa kansonsi ka panonsi. Izina lyakwe a Yawe Wamaka yonsi!

Zakaliya 2:12

Nupya nalyuze, Yawe alatengela Yuda ukuya wacuma cakwe mpo, icaya umu mpanga yamuzilo, nga lyene Yelusalemu aliwe alaya umusumba wakwe utemwikwe ukuluta pali yonsi.

Kufuma 34:9

Avwanga ati, “Yawe, ndi ukazangila munondi, nkukulenga kuti upite naswe. Antu yaa, yakomya imyenzo, lelo wemo utwelele inkota zitu na maifyo itu nupya utupokelele kuti tuye antu yako.”

Masamu 33:6

Yawe wapanzile amayulu ukwizwi lyakwe. Ilanzi, umwezi ni ntanda, navyo vyapangwa uku mupu wamu kanwa kakwe.

Ezaya 19:25

Yawe Wamaka yonsi alayapolelela na mazwi yaa akuti, “Namupolelela mwe ina Eguputo, mwe antu yane, na mwe ina Asilya mwemuno naumvile. Namupolelela mwe ina Izlaeli, mwe asololwe yane.”

Yelemiya 46:18

Lino nene ndi wa umi, ivyalanda Yawe, wino izina lyakwe a Yawe Wamaka yonsi. Kuliza umwi wiyo akoline na Taboli umwamba uno watalimpisya pa myamba yuze, wiyo akoline nu mwamba wa Kalimeli, uwaya mu nkumba yakwe yemba.