Yelemiya 10:1 - Amazwi Yakwe Leza 2013

¹ Mwe ina Izlaeli uvwini vino Yawe akumunena.

Yelemiya 10:1 交叉參考

Umbwilo 2:29

“Akweti amatwi yakuuvwa, auvwe cino Mupasi Wamuzilo akulanda ku mauvi!”

1 Tesalonika 2:13

Nupya kuli mulandu nauze uno swemo tukataizya Leza lyonsi. Lino twamuletile mazwi yakwe Leza, mwemo mwayuvwile nu kuyapokelela, asi wa mazwi ya muntu lelo wa mazwi yakwe Leza, nu mucumi akwakwe. Ndakai Leza akuomba muno muli mwe muno mwataila.

Amosi 7:16

Uli mulandu uno lyene uvwe amazwi yano Yawe akuvwanga. Wemo wavwanga wati, “Utasemela aina Izlaeli pakuti njasoke, nu kuti inte ukunenola ang'anda yakwe Isaki.”

Oseya 4:1

Mwe ina Izlaeli, uvwini amazwi yakwe Yawe, pamulandu wakuti wene akumupeela umulandu, mwe antu mwemuno mwikala umu mpanga ii. Wene akumupeela umulandu wakuti, mu mpanga ii musi ucumi nanti ukutemwa, nga na antu yatazumila ukuti nene indi Leza.

Yelemiya 42:15

fwandi lyene muvwe uku mazwi yakwe Yawe, mwemuno mwasyalako mu mutundu wakwe Yuda. Yawe Wamaka yonsi, Leza wa ina Izlaeli, wavwanga wati, ‘Ndi mwalozya sile amanso inu ku Eguputo, mwala mwingilamo nu kwikala mwikala mwenemo,

Yelemiya 22:2

“Uvwa amazwi yakwe Yawe, we mwene waku Yuda, we muno wikala pa cilimba ca wene cakwe Davidi, ni ntunguluzi zyako na aikazi amu Yelusalemu.

Yelemiya 2:4

Mwe ang'anda yakwe Yakobo, mwe nko zyonsi zya ina Izlaeli, uvwini amazwi yakwe Yawe.

Ezaya 28:14

Mwe antu ya vilumba mwe! Mwe muno mukateeka antu amuno Yelusalemu, uvwini vino Yawe akuvwanga

Ezaya 1:10

We Yelusalemu, ala yakateeka na antu yako yatapusine na yaya ali amu Sodoma nu mu Gomola. Si angala muvwe vino Yawe akulanda kunomuli. Sumbini amano kuli vino akumusunda.

Masamu 50:7

Mwe antu yane uvwini kuno vino nkuvwanga. Izlaeli uvwa namakusinila. Icacumi nene Leza, nupya nene indi Leza winu.

1 Yamwene 22:19

Mikaya alondekanya penepo ati, “Ale tala uvwa kuno vino Yawe akulanda. Nemo nalinalola Yawe atenzi pa cilimba cakwe ca wene, nga na angeli yonsi ala yatiyimilila umu mbali.

Yelemiya 9:26

Antu yayo ali ina Eguputo, na ina Yuda, na ina Edomu, na ina Amoni, na ina Moabu nga na yonsi aikala mu lwanga, yano yakapela inkuuzu lwa pa mausyu yao. Kusi nanti wenga pa antu yaa nanti umwina Izlaeli kwene wino wasunga upangano wane.”

Yelemiya 10:2

Wene wavwanga wati, “Mutasambilila imisango ya antu amu mitundu yuze. Mutazakaza vimanyililo vya mulwelele, nanti angala imitundu yuze ikavyoopa.

Ezaya 40:18

Aweni fwandi wino tungakolanyako Leza? Aweni uwamukolako icata?

Ezaya 44:6

Yawe, Umwene wa ina Izlaeli, Yawe Wamaka yonsi, wavwanga wati, “Nene wankolelo nga nu wakusyalikizya. Kutaya Leza namuze, suka sile nene nenga.